যাত্রা 5:22 - Chakma Bible

²² সেক্কে মোশি ফিরি যেইনে লগেপ্রভুরে কলঅ, “ও প্রভু, এ জাদ্‌তোরে কিত্যে তুই দুগোত্‌ ফেলেয়োচ্‌? কিত্যে বা তুই মরে পাদেয়োচ্‌?

যাত্রা 5:22 Iomraidhean Croise

১ রাজাবলী 19:10

জোবত্‌ তে কলঅ, “বেগত্তুন খেমতার্‌ গিরোজ্‌ গোজেন লগেপ্রভু যেনে তার পাওনা ভোক্তি পায় সেনত্তে মুই অমকদ ধারোচ্‌ গরঙর্‌, কিত্তেই ইস্রায়েলীয়গুনে তর্‌ থিদেবর গোজ্যে সুদোমান্‌ ছাড়ি দুয়োন্‌, তর্‌ বেক্‌ ডালিপূজোগুন্‌ ভাঙি ফেলেয়োন আর তর্‌ ভাববাদীগুনোরে মারে ফেলেয়োন। বানা মুই বাগি আগং আর মরেয়ো ইক্কিনে তারা মারে ফেলেবার চেট্ট্যা গত্তন্‌।”

১ রাজাবলী 19:4

মাত্তর্‌ তে নিজে ধূল্যেচর-চাগালা ভিদিরে একদিনো পথ উজেই গেলঅ। সিদু ইক্কো রোতম গাজর্‌ তলে বোইনে মুরিবাত্তে তবনা গুরিলো। তে কলঅ, “ও লগেপ্রভু, যদবদে ওইয়্যে। এবেরা তুই মঅ পরাণান্‌ নেযা; মুই দঅ মঅ পূরোণি মানুচ্চুনোত্তুন্‌ বেশ্‌ গম্‌ নয়।”

গীতসংহিতা 73:25

স্বর্গত তুয়ই মর্; তরে পেইনে পিত্‌থিমীত্‌অ মর্ চেবার আর কিচ্চু নেই।

যাত্রা 17:4

এই কধাগান শুনিনে মোশি লগেপ্রভু ইধু কানাকুদি গুরিনে কলঅ‌, “মুই এই মানুচ্চুন্দোই কি গুরিম? আর এক্কেনা বেশ্‌কম্‌ অলে দঅ তারা মরে পাত্তর্‌ মারিবাক্।”

যিরমিয় 12:1

ও লগেপ্রভু, মুই যেক্কে তঅ বিরুদ্ধে কনঅ আবিত্তি গরং সেক্কে তুই যে নিদ্দুযি সিয়েনি নিত্য ফগদাং অয়। তো মুই তঅ বিচের পৌইদ্যেনে তঅ লগে কিজু কধা কোম্। পাজিগুনোর পথ্‌‍‍‌‌‌‌তান কেনে গম্ অয়? যিগুনে বেঈমানী গরন তারা কেনে আরামে বজত্তি গরন?

যিরমিয় 20:7

ও লগেপ্রভু, তুই মরে ভুলেয়োচ্ বিলিনে মর্ এ অবস্থা ওইয়্যে; তুই মত্তুন বেশ্ খেমতাবলা বিলিনে তুই জিত্যস্। মুই সারা দিন ঈচ্ গরা হেইয়্যে মানুচ্ ওইয়োং; বেক্কুনে মরে ঈচ্ গরন।

যিরমিয় 4:10

সেক্কে মুই কলুং, “হায়, হায়! ও প্রভু লগেপ্রভু, তুই এ মানুচ্চুনোরে আর যিরূশালেমানরে পুরোপুরি ছলনা গুরি কোইয়োচ্, ‘তমার শান্তি অবঅ,’ মাত্তর্ আমা গত্তনা ইধু তলোয়ার বাজেয়ে রোইয়্যে।”

হবক্‌‌‌‌কূক 2:3

কিত্যে এ দর্শনানর্ কধাগান পূরোণ অবার্ সময় এজঅ বাগী আঘে, মাত্তর্ সিয়েন যাদিমাদি উজেই এজের্ আর সে দর্শনান্ মিজে প্রমান্ ন-অবঅ। দিরি অলেয়ো সিয়েনত্তে বাজ্জেই থাগঅ; সিয়েন ঠিগ্ সময়োত্ হামাক্কায় পূরোণ অবঅ। তুই এ কধাগান লেগ্:

গণাণা 11:11

তে লগেপ্রভুরে কলঅ, “তুই তর্‌ চাগর্‌বোরে কিত্তে এই দজাত্‌ ফেলেয়োচ্‌? তরে বেজার্‌ অইদে ধোক্ক্যেন মুই এন্ কি গোজ্যংগে, তুই এই বেক্‌ মানুচ্চুনোর্‌ ভারান্‌ মঅ উগুরে চাপি দুয়োচ্‌?

যিহোশূয় 7:7

যিহোশূয় কলঅ‌, “ও প্রভু লগেপ্রভু, তুই কিত্যে আমার এ জাদ্‌তোরে যর্দন গাঙান্‌ পার্‌ গুরি আনিনে ভস্ত গুরিবাত্তে ইমোরীয়গুনোর আদত্‌ তুলি দিলে? হায়, আমি যুনি যর্দনর ওপারত্‌ থেদং গম্‌ থেদং!

১ শমূয়েল 30:6

সেক্কে দায়ূদে দাঙর্ দজাত্‌ পোজ্যে, কিত্যে ঝি-পূঅগুনোত্তে তার মানুচ্চুনোর্‌ মনান্‌ দায়ূদো উগুরে এন্‌ তিদে ওই উঠ্যে, তারা দায়ূদোরে পাত্তর্‌ মারিবার্‌ কধানি কুয়োকি গত্তন্‌। মাত্তর্‌ দায়ূদে তার্‌ গোজেন লগেপ্রভুর উগুরে নির্ভর গুরিনে মনত্‌ বল্‌ পেলঅ।