যাত্রা 5:13 - Chakma Bible

¹³ সেই সদ্দারুনে তারারে ধাবেই দিইনে কুয়া ধুরিলাক্, “আগেদি দার্‌বো দিবার অক্তত্‌ তুমি একদিনে যিদুক্কুন্‌ ইট বানেদা ইক্কিনিয়ো তমাত্তুন্‌ ঠিগ্ সিদুক্কুন বানেই দিয়া পড়িবো।”

যাত্রা 5:13 Iomraidhean Croise

ইষ্রা 3:4

সে পরেদি তারা বোইবোর কধামজিম্ নাঢা মান্‌‍‍জ্যর্ ঘরর্ পরব্ পালেলাক্ আর পত্তি দিনোর্ ঠিগ সংখ্যে মজিম্ পূজ্যে-উৎসর্গর অনুষ্ঠান গুরিলাক্।

ইয়োব 39:7

তে শঅরর্ কাঙেলেত্যেনি ঘিনেই, গাড়ি চালেয়্যেগুনোর রঅগুন্ তা কানত্ ন-এজে।

যাত্রা 1:11

সেনত্যে অমকদ কামত্‌ খাদেইনে ইস্রায়েলীগুনো উগুরে অত্যেচার্ গুরিবার আজাই মিসরীয়গুনে তারা উগুরে সদ্দার্ নেযেলাক্। ফরৌণর শোজ্যগুন থুবেবাত্যে ইস্রায়েলীয়গুনে পিথোম আর রামিষেষ নাঙে দ্বিয়ান শঅর্‌ বানেলাক্।

যাত্রা 5:11

তুমি যিয়েনত্‌ পঅ সিয়েনত্তুন্‌ দার্‌বো তোগেই নিবা। মাত্তর্‌ সেক্কে তমা কামানি এক্কেনায়ো কোমেই দিয়া ন-অবঅ।”

যাত্রা 5:12

সেনত্যে মানুচ্চুনে দার্‌বো বদলে নাড়া তোগেবাত্তে মিসর্‌ দেজর্ বেক্‌ জাগানিত্‌ ছিদি পড়িলাক্।

যাত্রা 5:14

পরেদি একদিনোত্ ফরৌণর সেই সদ্দারুনে তারার্‌ কাম দিয়্যে ইস্রায়েলীয় পরিচালক্কুনোরে পিদিনে কলাক্, “যিদুক্কুন ইট দিনপত্তি তমার্‌ বানেবার্‌ কধা তুমি আগঅ ধোক্ক্যেন সিদুক্কুন্‌ ন-গরর্‌ কিত্তে? তুমি এচ্ছ্যেয়ো সিয়েন ন-গরঅ আর তা আগঅ দিন্নোত্‌‌অ ন-গরঅ।”

যাত্রা 5:6

ফরৌণে সেদিন্যে চাগরুনো উগুরে কাম দিয়্যে অত্যেচারী সদ্দারুনোরে আর ইস্রায়েলীয় পরিচালক্কুনোরে এ উগুমান্‌ দিলো,