যাত্রা 5:1 - Chakma Bible

¹ পরেদি মোশি আর হারোণে যেইনে ফরৌণরে কলাক্, “লগেপ্রভু, যিবে ইস্রায়েলীয়গুনোর্‌ গোজেন, তে কোইয়্যেদে, মঅ মানুচ্চুনে যেনে ধূল্যেচর-চাগালাত্‌‌ যেইনে মঅ নাঙে এক্কো মেইত্‌বান গুরি পারন সেনত্যে তারারে যেবাত্তে দে। ”

যাত্রা 5:1 Iomraidhean Croise

১ রাজাবলী 21:20

আহাবে সে কধাগান শুনিনে এলিয়রে কলঅ, “ও মর্‌ শত্রু, এবেরা তুই মরে পেইয়োচ্‌।” এলিয় কলঅ, “অয়, পেইয়োং, কিত্তেই লগেপ্রভুর চোগোত্‌ যিয়েনি ভান্ন্যেই সিয়েনি গুরিবাত্তে তুই নিজোরে বিজি দুয়োচ্‌।

গীতসংহিতা 119:46

তুই যেদক্কানি কধা কোইয়োচ্ সিয়েনি মুই রাজাগুনো মুজুঙোত্ কোম; মুই ন-লাজেম্।

যাত্রা 10:3

মোশি আর হারোণে সেক্কে ফরৌণ ইধু যেইনে কলাক্, “ইব্রীয়গুনোর্‌ গোজেন লগেপ্রভু কত্তে, ‘আর কয়দিন্‌ তুই মঅ মুজুঙোত্‌ মাঢাবো লোঙেবাত্তে অস্বীগের্‌ গুরিবে? মরে তবনা গুরিবাত্যে মঅ মানুচ্চুনোরে যেবাত্তে দে।

যাত্রা 10:4

যুদি তুই মঅ মানুচ্চুনোরে যেবাত্যে দেদে রাজী ন-অচ্‌ সালে এযেত্যেকেল্যে মুই তঅ দেজঅ ভিদিরে পুগ্-যুগ্ আনিম্‌।

যাত্রা 10:9

জোবত্‌ মোশি কলঅ, “আমা চিগোন্‌ চিজিগুন্‌ আর বুড়োগুন, আমা ঝি-পূয়োগুন্‌ আর আমার গোরু-ভেড়াছাগলুন্‌ আমা লগে যেবাক্, কিত্তে লগেপ্রভুর্‌ নাঙে আমার্‌ এক্কান পরব্ পালা পুরিবো।”

যাত্রা 3:18

“ইস্রায়েলীয় বুড়ো নেতাগুনে তঅ কধানি শুনিবাক্। তুই আর তারা মিলিনে মিসর রাজাবো ইধু যেইনে কবাগোই, ‘ইব্রীয়গুনোর্‌ গোজেন লগেপ্রভু আমা লগে দেগা দিইনে কধা কোইয়্যে। সেনত্যে তুই দোয়্যে গুরিনে আমারে যেবাত্তে দে, যেনে আমি ধূল্যেচর-চাগালা ভিদিরেদি তিন দিনো পথ যেইনে আমা গোজেন লগেপ্রভুর্‌ নাঙে য়েমান্‌-উৎসর্ব গুরি পারিই।’

যাত্রা 33:13

যুনি মুই তর্‌ দোয়্যে পেই থাং সালে তুই কি আজালোই কি গরচ্‌ সিয়েনি মরে জানেই দিচ্‌ যেনে মুই তরে বুঝি পারং আর তর্‌ দোয়্যেলোই থেই পারং। মনত্‌ রাগেচ্‌, এই জাদ্‌তো তর্‌।

যাত্রা 4:23

মরে উবোসনা গুরিবাত্তে মর্‌ পত্তম পূয়োবোরে যেবার অনুমতি দিবাত্যে মুই তরে কোইয়োং। মাত্তর্‌ তুই তারে যেবাত্তে অনুমতি ন-দুয়োচ্‌ বিলি মুই তর্‌ পত্তম পূয়োবোরে মারে ফেলেবাত্তে যাঙর্‌।’ ”

যাত্রা 6:11

“তুই মিসর রাজা ফরৌণরে যেইনে কঅ যেনে তে তা দেজত্তুন্‌ ইস্রায়েলীয়গুনোরে যেবাত্তে দে।”

যাত্রা 6:27

এ মোশি আর হারোণে মিসর দেজত্তুন্‌ ইস্রায়েলীয়গুনোরে নিগিলেই নেযেবার কধাগান মিসর রাজা ফরৌণরে কোইয়্যে।

যাত্রা 7:16

তারে কবে, ‘ইব্রীয়গুনোর্‌ গোজেন লগেপ্রভু মরে এ কধাগান্‌ কবাত্তে ত’ইধু পাদেয়্যে, তা মানুচ্চুনে যেনে ধূল্যেচর-চাগালাত্‌ তারে উবোসনা গুরি পারন সেনত্যে তুই যেন তারারে যেবাত্তে দুয়োচ্‌। মাত্তর্‌ তুই তা কধালোই এবঅ সং ন শুনোচ্‌।

যাত্রা 7:2

মুই তরে যেদক্কানি উগুম্‌ দোঙর্‌ সিয়েনি বেক্কানি তুই ফগদাঙ্‌ গুরিবে। তর্‌ ভেই হারোণ ফরৌণরে কবঅ, যেনে তে তা দেজত্তুন্‌ ইস্রায়েলীয়গুনোরে যেবাত্তে দে।

যাত্রা 8:1

সে পরেদি লগেপ্রভু মোশিরে কলঅ, “ফরৌণরে যেইনে এ কধাগান্‌ কোই দে, লগেপ্রভু কত্তে, ‘মরে উবোসনা গুরিবাত্যে মঅ মানুচ্চুনোরে যেবাত্তে দে।

যাত্রা 8:16

সেক্কে লগেপ্রভু মোশিরে কলঅ, “হারোণরে তা লুদিক্কো তুলিনে মাদিত্‌ ধূল্যে উগুরে আঘাত্‌ গুরিবাত্তে কঅ। সেক্কে সে ধূল্যেগানি মশা ওইনে গোদা মিসর্‌ দেজ্‌ছানত্‌ ছিদি পড়িবাক্‌।”

যাত্রা 8:17

হারোণ আর মোশি সিয়েন গুরিলাক্। হারোণে তা আঢ্‌তান্‌ বাবেইনে লুদিক্কোলোই মাদিত্‌ ধূল্যেগান উগুরে আঘাত্‌ গুরিলো আর সেক্কে মানুচ্ আর য়েমানুনো ইধু মশা-ভানাগান দেগা গেলঅ। মিসর্‌ দেজর্‌ বেক্‌ ধূল্যেগানি মশা ওই গেলঅ।

যাত্রা 8:20

পরেদি লগেপ্রভু মোশিরে কলঅ, “তুই বেন্যেপোত্যে উদিবে আর ফরৌণে যেক্কে বারেদি গাঙ্‌ পার ঘাদত্‌ যেবঅ সেক্কে তুই তা মুজুঙোত্‌ যেইনে থিয়্যেবে। তারে কবে, লগেপ্রভু কত্তে, ‘মর্ উবোসনা গুরিবেত্যে মঅ মানুচ্চুনোরে যেবাত্তে দে।

যাত্রা 8:27

সেনত্যে আমা গোজেন লগেপ্রভুর উগুম মজিম ধূল্যেচর-চাগালা ভিদিরে তিন দিনো পথ যেইনে তা নাঙে আমাত্তুন্‌ য়েমান্‌ উৎসর্ব গরা পুরিবো।”

যাত্রা 9:1

ইয়েন পরেদি লগেপ্রভু মোশিরে কলঅ, “ফরৌণ ইধু যেইনে কগোই, ইব্রীয়গুনোর গোজেন লগেপ্রভু কত্তে, ‘মর্‌ উবোসনা গুরিবাত্যে মঅ মানুচ্চুনোরে যেবাত্তে দে।

যাত্রা 9:2

মাত্তর্‌ সিগুনোরে ইরি ন-দিইনে যুদি তুই তারারে ধুরি রাগাচ্‌,

যিশাইয় 25:6

বেগত্তুন্ খেমতাবলা লগেপ্রভু এ মুড়োবো উগুরে বেক্ জাদ মানুচ্চুনোত্তে গম্ গম্ হানা জিনিজোর আর পুরোণ আংগুর-রসর এক্কো দাঙর্ হানা দিবো ; সিয়েনত্ থেবদে বেগত্তুন্ গম্ য়েরাগান আর বেগত্তুন গম্ আংগুর-রসছান্।

যিহিষ্কেল 2:6

মাত্তর্ ও মান্‌‌‌জ্য পুয়োবো, তুই তারার আর তারা কধানিলোই ন-দোরেচ্। যুনিয়ো তারা হের্ আর কাদাগাজ ধোক্ক্যেন তঅ চেরোকিত্তে থেবাক্ আর বিছেগুনো ভিদিরে তুই বজত্তি গুরিবে তো ন-দোরেচ্। তারারে দেগিনে বা তারা কধানি শুনিনে তুই ন-দোরেচ্; তারা দঅ উল্লোমী জাদ্।

মথি লেখ্যে গম্ হবর্ 10:18

মত্তেই শাসনগুরিয়্যে আর রাজাগুনো মুজুঙোত্ তমারে নেযা অবঅ যেন তারা ইধু আর অযিহূদীগুনো ইধু তুমি স্বাক্ষি দি পারঅ।

মথি লেখ্যে গম্ হবর্ 10:28

যিগুনে বানা কিয়্যেগান মারে ফেলেই পারন্ মাত্তর্ আত্মাগানরে মারি ন-পারন্ তারারে ন-দোরেয়ো। যিবে কিয়্যে আর আত্মা দ্বিয়েনরে নরগত্ ভস্ত গুরি পারে বরং তারেই দরঅ।

প্রেরিত্‌ 4:29

আর ইক্কিনে, ও প্রভু, ইগুনে আমারে কেধোক্ক্যেন গুরি দর্ দেগাদন্, সিয়েন তুই খিয়েল্ গর্। তঅ চাগরুনোরে এমন খেমতা দে যাতে খুব সাহস গুরিনে তারা তঅ কধানি কোই পারন্।

১ করিন্হীয় 5:8

সেনত্তে পুরোণি সদা, অত্তাৎ ইংসে আর ভান্ন্যেই দিইনে নয়, বরং এজঅ, আমি সদা নেইয়্যে রুটি, অত্তাৎ সরলতা আর সত্যলোই পরব্‌পো পালেই।