যাত্রা 4:5 - Chakma Bible

⁵ সে পরেদি লগেপ্রভু কলঅ, “তুই ইয়েন গুরিবে যেনে তারা বিশ্বেজ্ গরন্‌, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু ঘেচ্চেক্‌গুরি তরে দেগা দিয়্যে।”

যাত্রা 4:5 Iomraidhean Croise

পত্থম 12:7

পরেদি লগেপ্রভু অব্রামরে দেগা দিইনে কলঅ,“এ দেজ্‌চান্‌ মুই তঅ বংশবোরে দিম্‌।” যিবে তারে দেগা দিয়্যে সে লগেপ্রভুর্ নাঙে অব্রামে সেক্কে সিয়েনত্‌ এক্কো ডালিপূজো বানেল।

পত্থম 17:1

অব্রাম বয়জ যেক্কে নিরেনোব্বোই বজর সেক্কে লগেপ্রভু তারে দেগা দিইনে কলঅ “মুয়ই বেগত্তুন্ খেমতাবলা গোজেন। তুই মঅ সমারে উদোলোলিগান্ রাগা আর মর্‌ আওজ্ মজিম্‌ আঢিবে।

পত্থম 18:1

অব্রাহামে যেক্কে মম্রির্ এলোন ঝার কায়কুরে বজত্তি গুরিদো সেক্কে লগেপ্রভু একদিন্যে তাইধু দেগা দিলো। অব্রাহামে সেদিন্যে দিবুজ্যে রোদোত্‌ তা তাম্বুলো দোরানত্‌ বুয়োই এলঅ।

পত্থম 26:2

সেক্কে লগেপ্রভু ইস্‌হাকরে দেগা দিইনে কলঅ, “তুই মিসরত্ ন-যেচ্‌। মুই তরে যে দেজচান কধা কোম্‌ সে দেজত্ থেচ্‌।

পত্থম 28:13

আর লগেপ্রভু সিয়েন উগুরে ঠিয়েইনে কলঅ, “মুই লগেপ্রভু। মুই তঅ পুরোণি মানুচ্‌ অব্রাহামর গোজেন আর ইস্‌হাকরঅ গোজেন। তুই যিয়েনত্‌ ঘুম যর্‌ সে দেজ্‌চান মুই তরে আর তঅ বংশর্‌ মানুচ্চুনোরে দিম্‌।

পত্থম 48:15

সে পরেদি তে যোষেফরে বর্ দিইনে কলঅ, “সেই গোজেন, যিবের মনে মন্‌‌জক্কাগুরি মর্‌ পূরোণি মানুজ্‌ অব্রাহাম আর ইস্‌হাকে চলিদো, মঅ জীংকানির্‌ পোইল্যেত্তুন্‌ ধুরি এচ্চ্যে সং যিবে মরে য়েমান্‌ চোড়েয়্যে ধোক্ক্যেন পালেই এজের্‌,

পত্থম 48:3

সে পরেদি যাকোব যোষেফরে কলঅ, “বেগত্তুন্ খেমতাবলা গোজেন কনান দেজর্ লূস শঅরত্‌ মরে দেগা দিইনে বর্ দিয়্যে।”

১ রাজাবলী 18:36

বেইল্যে বেইল্যে উৎসর্বর সময়ানত্‌ ভাববাদী এলিয় মুজুঙোত্‌ উজেই এইনে তবনা গুরিলো, “ও লগেপ্রভু, অব্রাহাম, ইসহাক আর ইস্রায়েলর গোজেন, এচ্ছ্যে তুই জানেই দে, ইস্রায়েলর ভিদিরে তুয়ই গোজেন আর মুই তঅ চাগর্‌, আর তঅ উগুমে মুই ইয়েনি গোজ্যং।

২ বংশধর 20:20

তার্‌ কেল্যে বেন্যেপোত্যে তারা তকোয় ধূল্যেচর-চাগালা ইন্দি যাহ্ ধুরিলাক্‌। তারা যেবার্‌ আগেন্দি যিহোশাফটে থিয়্যেইনে কলঅ, “ও যিহূদা আর যিরূশালেম মানুচ্চুন, মঅ কধাগান শুনো। তুমি তমার্‌ গোজেন লগেপ্রভু উগুরে বিশ্বেজ্‌ গরঅ, সালে তুমি ঠিগ্‌ থেই পারিবা। তা ভাববদীগুনো উগুরে বিশ্বেজ্‌ রাগ, সেক্কে তুমি ফোলেবা।”

যাত্রা 19:9

ইয়েন পরেদি লগেপ্রভু মোশিরে কলঅ‌, “মুই তঅ সমারে যেক্কে কধা কোম্‌ সেক্কে মানুচ্চুনে যেনে সিয়েনি শুনোন্ সেনত্যেই মুই এক্কান দাদঅ মেঘর্ ছাগ ভিদিরেত্তুন্‌ তমা ইদু এই‌ম। সেক্কে মানুচ্চুনে আমিঝে তঅ উগুরে পুরোপুরি বিশ্বেজ্ রাগেবাক্।” মানুচ্চুনে যিয়েনি কোইয়োন্‌ মোশি পরেদি সিয়েনি লগেপ্রভুরে জানেল।

যাত্রা 3:15

তুই তারারে আরঅ কবেদে, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু তরে তারা ইধু পাদেয়্যে। মর্‌ উমরর্‌ নাঙান্‌ লগেপ্রভু। বংশর্‌ পর্‌ বংশ ধুরিনে মরে এ নাঙে মান্‌জে মনত্‌ রাগেবাক্।

যাত্রা 3:16

তুই যেইনে ইস্রায়েলীয় বুড়ো নেতাগুনোরে একলগে এগত্তর্‌ গুরি তারারে কবেদে, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু তরে দেগা দিইনে কোইয়্যেদে, তমা ইন্দি আর মিসরত্‌ তমা উগুরে যিয়েনি গরা অর্‌ সিন্দি মর্‌ চোগ্‌ আঘে।

যাত্রা 3:18

“ইস্রায়েলীয় বুড়ো নেতাগুনে তঅ কধানি শুনিবাক্। তুই আর তারা মিলিনে মিসর রাজাবো ইধু যেইনে কবাগোই, ‘ইব্রীয়গুনোর্‌ গোজেন লগেপ্রভু আমা লগে দেগা দিইনে কধা কোইয়্যে। সেনত্যে তুই দোয়্যে গুরিনে আমারে যেবাত্তে দে, যেনে আমি ধূল্যেচর-চাগালা ভিদিরেদি তিন দিনো পথ যেইনে আমা গোজেন লগেপ্রভুর্‌ নাঙে য়েমান্‌-উৎসর্ব গুরি পারিই।’

যাত্রা 3:4

ঝুপ্পো চেবাত্তে মোশি এক কিত্তেদি যাদে দেগিনে লগেপ্রভু গোজেনে ঝুবো সেরেত্তুন্‌ ডাগিলো, “মোশি, মোশি।” মোশি কলঅ, “এইয়্যে দঅ মুই।”

যাত্রা 3:6

মুই তঅ বাবর গোজেন; মুই অব্রাহাম, ইস্‌হাক আর যাকোবর্‌ গোজেন।” সেক্কে মোশি তা মুয়োন্‌ ঢাগিলো, কিত্তে গোজেন ইন্দি রিনি চেবাত্তে তার্‌ মনত্‌ দর্‌বুগ লাগিলো।

যাত্রা 4:1

এ কধাগানর্‌ জোবত্‌ মোশি কলঅ, “মাত্তর্‌ যুদি ইস্রায়েলীয়গুনে মরে বিশ্বেজ্ ন-গরন আর মঅ কধানি ন-শুনোন্? তারা দঅ কোই পারিদাক্, ‘না, লগেপ্রভু তরে দেগা নঅ-দে।’”

যাত্রা 4:31

সেক্কে মানুচ্চুনে বিশ্বেজ্ গুরিলাক্। তারা যেক্কে শুনিলাক্, লগেপ্রভু ইস্রায়েলীয়গুনোর্‌ দুখ্‌কানি দেক্ক্যে আর তারা কধানি চিদে গোজ্যে সেক্কে তারা মাদিত্‌ মাঢা নিগিরিনে লগেপ্রভুরে তারার্‌ মনর্ ভোক্তি জানেলাক্।

যাত্রা 4:4

মাত্তর্‌ লগেপ্রভু মোশিরে কলঅ, “তঅ আত্‌থান্‌ বাবেইনে সিবে লেজ্‌সান্‌ ধর্।” মোশি সিয়েন গুরিবাত্তে যেইনে তা আঢত্‌ আরঅ সিবে লুদিক্‌ ওই গেলঅ।

যিশাইয় 7:9

ইফ্রয়িমর্ মাঢা শমরিয়াই বা কি, আর শমরিয়ার মাঢা রমলিয়র পুয়োবো বা কন্না? তমার্ বিশ্বেজে যুনি তুমি থির্ ওইনে ন-থাগ সালে তুমি কনবাবদে থিয়্যেই থেই ন-পারিবা।’ ”

যিরমিয় 31:3

সে অক্তত্ ইস্রায়েলীয়গুনে কোইয়োন, লগেপ্রভু দূরোত্তুন্ তারারে দেগা দিয়্যে। সেক্কে লগেপ্রভু তারারে কোইয়্যেদে, “অমকদ কোচ্‌‌পানালোই মুই তমারে কোচ্‌‌পেইয়োং; অমকদ কোচ্‌‌পানালোই মুই তমারে কায়কুরে টান্যং।”

যোহন 11:15

মাত্তর্ মুই তমা কধা ভাবিনে হুজী ওইয়োং যে, মুই সিয়েনত্ ন-এলুং যাতে তুমি বিশ্বেজ্ গুরি পারঅ। যেই, আমি লাসার ইধু যেই।”

যোহন 11:42

অবুচ্চ্যই মুই কোই পারং আমিযে তুই মঅ কধানি শুনোচ্। মাত্তর্ যিদুক্কুন্ মানুচ্ চেরোকিত্ত্যে থিয়্যেই আগন্ তারা যেন বিশ্বেজ্ গুরি পারন্ যে, তুই মরে পাধেয়োচ্, সেনত্তে এ কধাগান্ কলুং।”

যোহন 20:27

পরেদি তে থোমারে কলঅ “তঅ আঙুলুন্ ইয়োত্ দিইনে মঅ দ্বিয়েন্ আঢ্ চাহ্ আর তঅ আঢ্‌তানি বাবেইনে মঅ বুগোত্ রাগা। অবিশ্বেজ্ ন-গুরিচ্ বরং বিশ্বেজ্ গর্।”

যোহন 20:31

মাত্তর্ ইয়েনি বেক্কানি লেগা অলঅ যাতে তুমি বিশ্বেজ্ গরঅ, যীশুই মশীহ, গোজেনর্ পুয়ো, আর বিশ্বেজ্ গুরিনে যেন তা মাধ্যমে জিংকানি পঅ।

যোহন 5:36

মাত্তর্ যোহন সাক্ষ্যত্তুন্অ বেশ্ দাঙর্ সাক্ষ্য মর্ আঘে, কিয়া বাপ্পো মরে যে কামানি গুরিবাত্যে দিয়্যে সিয়েনি মুই গরঙর্। আর সিয়েনি মঅ পৌইদ্যেনে এ সাক্ষ্যগান্ দের্ যে, বাবা মরে পাধেয়্যে।

প্রেরিত্‌ 7:2

জোবত্ স্তিফানে কলঅ, ও মর্ ভেইয়ুন্ আর বাব্‌লগ্, মঅ কধাগান শুনো। আমা পূরোণি মানুচ্ অব্রাহামে হারণ শঅরত্ বজত্তি গুরিবার আগেদি যেক্কে মেসোপতেমিয়া দেজত্ এলঅ সেক্কে বাঈনী গুরিবার গোজেনে তারে দেগা দিইনে কোইয়্যেদে,

ইব্রীয় 11:16

মাত্তর্ তারা আরঅ গম এক্কান দেজর্, অত্তাৎ স্বর্গগানরে তগাদন্। সেনত্যে গোজেনে নিজোরে তারার্ গোজেন কধে ন-লাজায়, কিয়া তে তারাত্যে এক্কান শঅর্ বানেয়্যে।