যাত্রা 4:23 - Chakma Bible

²³ মরে উবোসনা গুরিবাত্তে মর্‌ পত্তম পূয়োবোরে যেবার অনুমতি দিবাত্যে মুই তরে কোইয়োং। মাত্তর্‌ তুই তারে যেবাত্তে অনুমতি ন-দুয়োচ্‌ বিলি মুই তর্‌ পত্তম পূয়োবোরে মারে ফেলেবাত্তে যাঙর্‌।’ ”

যাত্রা 4:23 Iomraidhean Croise

গীতসংহিতা 105:36

সে পরেন্দি তে মিসরীয়গুনোর গাবুজ্যে বলর্ পত্তম ফল, অত্তাৎ দেজর্ বেগ পৌল্যে পুয়োবোরে আঘাত গুরিলো।

গীতসংহিতা 135:8

মিসর পত্তম পুয়োগুনোরে তেয়ই আঘাত্ গোজ্যে, আঘাত্ গোজ্যে মানুচ্ আর য়েমান পত্তম ছঅগুনোরে।

গীতসংহিতা 136:10

যিবে মিসরীয়গুনোর পত্তম্ পুয়োবোরে আঘাত্ গোজ্যে তারে ভালেদি জানঅ; -তার কোচ্‌পানাগান উমরত্তে থিদেবর্ গোজ্যে-

গীতসংহিতা 78:51

তে মিসর দেজর পত্তি গিরির্ পত্তম্ পুয়োগুনোরে আঘাত গুরিলো, আঘাত গুরিলো হাম-বংশর তাম্বুলোত্ গাবুজ্যে-বলর্ পত্তি গিরির্ পত্তম্ ফল্লোরে।

যাত্রা 10:3

মোশি আর হারোণে সেক্কে ফরৌণ ইধু যেইনে কলাক্, “ইব্রীয়গুনোর্‌ গোজেন লগেপ্রভু কত্তে, ‘আর কয়দিন্‌ তুই মঅ মুজুঙোত্‌ মাঢাবো লোঙেবাত্তে অস্বীগের্‌ গুরিবে? মরে তবনা গুরিবাত্যে মঅ মানুচ্চুনোরে যেবাত্তে দে।

যাত্রা 10:4

যুদি তুই মঅ মানুচ্চুনোরে যেবাত্যে দেদে রাজী ন-অচ্‌ সালে এযেত্যেকেল্যে মুই তঅ দেজঅ ভিদিরে পুগ্-যুগ্ আনিম্‌।

যাত্রা 11:5

সেক্কে মিসর্‌ দেজর্‌ বেক্‌ পরিবারর্ পত্তম পূয়োবো মুরি যেবঅ। সিংহাসনর্‌ অধিকারী ফরৌণর পত্তম পূয়োবোত্তুন্‌ ধুরি আরাম্ভ গুরি চোরোন্‌দরা ধোজ্যে চাগরানীবোর্‌ পত্তম পূয়োবো সং কনজনে বাদ ন-যেবাক্। ইগুনবাদেয়ো য়েমানুনোর পত্তম চেলা ছবো মুরি যেবঅ।

যাত্রা 12:29

সে পরেদি চৌদ্দো তারিগোর্‌ রেত্‌ সম্বাগত্‌ লগেপ্রভু মিসর্‌ দেজর্‌ পত্তি ঘরর্‌ পত্তম পূয়োবোরে মারে ফেলেল। ইয়েনত্ রাজ-সিংহাসনর্‌ গিরোজ্ ফরৌণর্‌ পত্তম পুয়োবোত্তুন্‌ ধুরি জেলোত্‌ পোজ্যে মান্‌জ্যর্‌ পত্তম পূয়োগুন্‌ সং, এন্‌ কি, য়েমানুনোর্ পত্তম চেলা ছবুয়ো মুরি গেলঅ।

যাত্রা 13:15

ফরৌণে একগেয়েমি গুরি যেক্কে আমারে এবাত্তে ন-দের্‌ সেক্কে লগেপ্রভু মিসর দেজর্‌ মানেই আর য়েমানর্‌ পত্তি পত্তম মরদ পূয়োবোরে মারে ফেলেয়্যে। সেনত্তে মুই মর্‌ য়েমানুনোর্‌ পত্তি পত্তম চেলা ছঅবোরে লগেপ্রভুর্‌ নাঙে উৎসর্ব গরঙর্‌ আর মর্‌ পত্তম পূয়োবোরে ছাড়েই নেযাঙর্।

যাত্রা 18:8

লগেপ্রভু ইস্রায়েলীয়গুনোর্‌ পক্ষ ওইনে ফরৌণ আর মিসরীয়গুনো উগুরে যিয়েনি গোজ্যে সিয়েনি বেক্কানি মোশি তা শুয়োরবোরে জানেল। এজানার পদথ্‌ তারার্‌ দুগোর কধা আর কেধোক্ক্যেনগুরি গোজেনে তারারে উদ্ধোর্‌ গোজ্যে সেই বেক্‌ কধানিয়ো তে তারে জানেল।

যাত্রা 3:18

“ইস্রায়েলীয় বুড়ো নেতাগুনে তঅ কধানি শুনিবাক্। তুই আর তারা মিলিনে মিসর রাজাবো ইধু যেইনে কবাগোই, ‘ইব্রীয়গুনোর্‌ গোজেন লগেপ্রভু আমা লগে দেগা দিইনে কধা কোইয়্যে। সেনত্যে তুই দোয়্যে গুরিনে আমারে যেবাত্তে দে, যেনে আমি ধূল্যেচর-চাগালা ভিদিরেদি তিন দিনো পথ যেইনে আমা গোজেন লগেপ্রভুর্‌ নাঙে য়েমান্‌-উৎসর্ব গুরি পারিই।’

যাত্রা 5:1

পরেদি মোশি আর হারোণে যেইনে ফরৌণরে কলাক্, “লগেপ্রভু, যিবে ইস্রায়েলীয়গুনোর্‌ গোজেন, তে কোইয়্যেদে, মঅ মানুচ্চুনে যেনে ধূল্যেচর-চাগালাত্‌‌ যেইনে মঅ নাঙে এক্কো মেইত্‌বান গুরি পারন সেনত্যে তারারে যেবাত্তে দে। ”

যাত্রা 6:11

“তুই মিসর রাজা ফরৌণরে যেইনে কঅ যেনে তে তা দেজত্তুন্‌ ইস্রায়েলীয়গুনোরে যেবাত্তে দে।”

যাত্রা 7:16

তারে কবে, ‘ইব্রীয়গুনোর্‌ গোজেন লগেপ্রভু মরে এ কধাগান্‌ কবাত্তে ত’ইধু পাদেয়্যে, তা মানুচ্চুনে যেনে ধূল্যেচর-চাগালাত্‌ তারে উবোসনা গুরি পারন সেনত্যে তুই যেন তারারে যেবাত্তে দুয়োচ্‌। মাত্তর্‌ তুই তা কধালোই এবঅ সং ন শুনোচ্‌।

যাত্রা 8:1

সে পরেদি লগেপ্রভু মোশিরে কলঅ, “ফরৌণরে যেইনে এ কধাগান্‌ কোই দে, লগেপ্রভু কত্তে, ‘মরে উবোসনা গুরিবাত্যে মঅ মানুচ্চুনোরে যেবাত্তে দে।

যাত্রা 8:16

সেক্কে লগেপ্রভু মোশিরে কলঅ, “হারোণরে তা লুদিক্কো তুলিনে মাদিত্‌ ধূল্যে উগুরে আঘাত্‌ গুরিবাত্তে কঅ। সেক্কে সে ধূল্যেগানি মশা ওইনে গোদা মিসর্‌ দেজ্‌ছানত্‌ ছিদি পড়িবাক্‌।”

যাত্রা 8:17

হারোণ আর মোশি সিয়েন গুরিলাক্। হারোণে তা আঢ্‌তান্‌ বাবেইনে লুদিক্কোলোই মাদিত্‌ ধূল্যেগান উগুরে আঘাত্‌ গুরিলো আর সেক্কে মানুচ্ আর য়েমানুনো ইধু মশা-ভানাগান দেগা গেলঅ। মিসর্‌ দেজর্‌ বেক্‌ ধূল্যেগানি মশা ওই গেলঅ।

যাত্রা 8:20

পরেদি লগেপ্রভু মোশিরে কলঅ, “তুই বেন্যেপোত্যে উদিবে আর ফরৌণে যেক্কে বারেদি গাঙ্‌ পার ঘাদত্‌ যেবঅ সেক্কে তুই তা মুজুঙোত্‌ যেইনে থিয়্যেবে। তারে কবে, লগেপ্রভু কত্তে, ‘মর্ উবোসনা গুরিবেত্যে মঅ মানুচ্চুনোরে যেবাত্তে দে।

যাত্রা 9:1

ইয়েন পরেদি লগেপ্রভু মোশিরে কলঅ, “ফরৌণ ইধু যেইনে কগোই, ইব্রীয়গুনোর গোজেন লগেপ্রভু কত্তে, ‘মর্‌ উবোসনা গুরিবাত্যে মঅ মানুচ্চুনোরে যেবাত্তে দে।

যাত্রা 9:13

সেক্কে লগেপ্রভু মোশিরে কলঅ, “তুই বেন্যেপোত্যে উদিনে ফরৌণ মুজুঙোত্‌ যেইনে থিয়্যেবেগোই, আর তারে কবেদে, ইব্রীয়গুনোর গোজেন লগেপ্রভু কোইয়্যেদে, ‘মর্‌ উবোসনা গুরিবাত্যে মঅ মানুচ্চুনোরে যেবাত্তে দে,

যাত্রা 9:2

মাত্তর্‌ সিগুনোরে ইরি ন-দিইনে যুদি তুই তারারে ধুরি রাগাচ্‌,

হোশেয় 11:1

লগেপ্রভু কত্তে, ইস্রায়েল চিগোন অক্তত্ মুই তারে কোচ্‌পেদুং আর মিসরত্তুন্ মর্ পুয়োবোরে ডাগি আন্যং।‌‌‌‌‌‌