যাত্রা 4:21 - Chakma Bible

²¹ লগেপ্রভু মোশিরে কলঅ, “মুই তরে যেদক্কানি আমক্‌ অইদে কাম্‌ গুরিবার্‌ খেমতা দুয়োং তুই মিসর্‌ দেজত্‌ ফিরি যেইনে ফরৌণ মুজুঙোত্‌ সিয়েনি বেক্কানি গুরিবে। মাত্তর্‌ মুই তা মনান্‌ এন্‌ চিৎনপুজ্যে গুরি দিম্‌ যেনে তে মানুচ্চুনোরে যেবাত্তে ন-দিবো।

যাত্রা 4:21 Iomraidhean Croise

পত্থম 6:3

এ অবস্থা দেগিনে লগেপ্রভু কলঅ, “মর্ আত্মাগানে জনম্‌ ভুরি মানুচ্চুনো ইধু ন-থেবঅ, কিত্তে মানুচ্‌ মরনর্‌ অধীন। মুই তারারে একশঅ কুড়ি বজর সময় দোঙর্।”

১ রাজাবলী 22:22

লগেপ্রভু পুযোর্‌ গুরিলো, ‘কেধোক্ক্যেন্ গুরি গুরিবে?’ তে কলঅ, ‘মুই যেইনে তার্‌ বেক্‌ ভাববাদীগুনোর্‌ মুয়োত্‌ মিজে কধা কবার্‌ আত্মা ওম্‌।’ লগেপ্রভু কলঅ, ‘তুই তারে ভুলেইনে নেযেই পারিবে। তুই যেইনে সিয়েন গর্‌।’

গীতসংহিতা 105:25

তা মানুচ্চুনোর বিরুদ্বে তে শত্রুগুনোর মনত্ ঈচ্ গরানা জাগেই দিলো, সেক্কেনে তারা তা চাগরুনো সমারে চালাগি গুরিনে চলা ধুরিলাক্।

গীতসংহিতা 78:43

যেদিন্যে মিসরত্ তে চিহ্নো দেগেয়্যে আর আমক্ অবার কাম গোজ্যে সোয়ন চাগালাত্।

যাত্রা 10:1

ইয়েন পরেদি লগেপ্রভু মোশিরে কলঅ, “তুই ফরৌণ ইধু যাহ্। মুই ফরৌণ আর তা কাম্‌গুরিয়্যেগুনোর্‌ মনানি দর গুরি দুয়োং যেনে তারা মর্‌ এ খেমতাগানর্‌ চিহ্নোগানি দেগন্‌ আর যেনে পরেদি তুই তঅ পূয়োগুনো ইধু আর নাদিনুনো ইধু কোই পারচ্‌ মিসরীয়গুনোরে মুই কেধোক্ক্যেন গুরিনে ভুল্‌ বানেয়োং আর মঅ খেমতার্‌ চিহ্নোগানি দেগেয়োং। ইয়েন্দোই তুমি বুঝি পারিবাদে, মুয়ই লগেপ্রভু।”

যাত্রা 10:20

মাত্তর্‌ লগেপ্রভু ফরৌণ মনান্‌ দরঅ গুরি দিলো; তে ইস্রায়েলীয়গুনোরে যেবাত্তে ন-দিলো।

যাত্রা 10:27

মাত্তর্‌ লগেপ্রভু ফরৌণ মনান্‌ দরঅ গুরি দিলো আর সেক্কে তারারে ইরি দেদে তে রাজী ন-অলঅ।

যাত্রা 11:10

এ আমক্‌ অবার কামানি মোশি আর হারোণে ফরৌণ মুজুঙোত্‌ গুরিলাক্, মাত্তর্‌ লগেপ্রভু ফরৌণ মনান্‌ দর গুরি দিলো বিলিনে তে তার্‌ দেজছানত্তুন্‌ ইস্রায়েলীয়গুনোরে যেবাত্তে ন-দিলো।

যাত্রা 11:9

লগেপ্রভু মোশিরে কোইয়্যেদে, “মিসর দেজত্‌ মর্‌ আমক্‌ অবার্‌ কামানি যেনে বেশ্ অয় সেনত্যে ফরৌণে তঅ কধা ন-শুনিবো।”

যাত্রা 14:17

মাত্তর্‌ মুই মিসরীয়গুনোর্‌ মনানি এমন্‌ দরঅ‌ গুরি দিম, তারা ইস্রায়েলীয়গুনোর পিজে পিজে বড়গাঙত্ চমেবাক্‌। সেক্কে ফরৌণ আর তার্‌ বেক্‌ সৈন্যদলুন, রথ আর ঘোড়াবাহিনীগুনে মর্‌ বাঈনী ফগদাঙ্‌ গুরিবার্‌ পথ অবাক্।

যাত্রা 14:4

মুই ফরৌণর মনান্‌ দরঅ গুরি দিম্‌ আর তে তারা পিজেদি লোড়েব। মাত্তর্‌ ফরৌণে আর তার্‌ সৈন্যদলুনে মর্‌ বাঈনী ফগদাঙ্‌ গুরিবার্‌ পথ অবাক্। ইয়েনত্তুন্‌ মিসরীয়গুনে জানি পারিবাক্, মুই লগেপ্রভু।” ইস্রায়েলীয়গুনে লগেপ্রভুর্‌ কধা মজিম কাম্‌ গুরিলাক্।

যাত্রা 14:8

লগেপ্রভু মিসরর্‌ রাজা ফরৌণর মনান্‌ দরঅ‌ গুরি দিলো। সেনে ইস্রায়েলীয়গুনে যেক্কে ন-দোরেয়েগুরি মুজুঙেদি উজেই যাদন্‌ সেক্কে তে তারার্‌ পিজেদি লোড়েই নেযেল।

যাত্রা 3:19

মুই হবর্‌ পাং দরমর আদত্‌ পুড়িলেয়ো মিসর রাজাবো তমারে যেবাত্তে ন-দিবো।

যাত্রা 3:20

সেনত্তে মঅ খেমতাগান্‌ বেবহার্‌ গুরিনে মুই এন্‌ আমক্‌ অইদে কামবোই মিসররে আঘাত্‌ গুরিম যিয়েনর্‌ ফলে ফরৌণে তমারে যেবাত্তে দিবো।

যাত্রা 7:13

মাত্তর্‌ লগেপ্রভু তারারে যিয়েনি কোইয়্যে সিয়েন অলঅ। ফরৌণ মনান্‌ দরঅ ওই রলঅ; তে মোশি আর হারোণ কধা ন-শুনিলো।

যাত্রা 7:3

মাত্তর্‌ মুই ফরৌণ মনান্‌ একবাবোত্যে গুরি দিম যেনে মুই মিসর দেজত্‌ ভালক্কানি চিহ্নো দেগেই পারঙ্‌ আর আমক্‌ অবার কাম্‌ গুরি পারঙ্‌। তে কনবাবদে তমা কধা ন-শুনিবো। সেনত্যে মুই মিসর্‌ দেজ উগুরে আঢ্ দিম আর অমকদ সাজা-দিইনে মুই মঅ সৈন্যগুনোরে, অত্তাৎ মঅ মানুচ্ ইস্রায়েলীয়গুনোরে সে দেজত্তুন্‌ নিগিলেই আনিম।

যাত্রা 8:11

বেঙুনে তরে আর তঅ ঘরত, তঅ কাম্‌গুরিয়্যেগুন আর তঅ মানুচ্চুনোরে ছাড়ি যেবাক্‌। সিগুন্‌ বানা নীল গাঙ ভিদিরে থেবাক্‌।”

যাত্রা 8:15

মাত্তর্‌ বেঙ ভানাগানত্তুন্‌ রেহাই পেইনে ফরৌনে আরঅ তা মনান্‌ দর-মর গুরিনে মোশি আর হারোণ কধা কান ন-পাদিলো। লগেপ্রভু যিয়েনি কোইয়্যে সিয়েনই অলঅ।

যাত্রা 8:32

মাত্তর্‌ এবেরায়ো ফরৌণে তা মনান্‌ দর-মর গুরিলো আর মানুচ্চুনোরে যেবাত্তে ন-দিলো।

যাত্রা 9:12

মাত্তর্‌ লগেপ্রভু ফরৌণ মনান্‌ দরঅ গুরি দিলো। সেক্কে লগেপ্রভু যিয়েনি কোইয়্যে সিয়েনি অলঅ। মোশি আর হারোণ কধা ফরৌণে ন-শুনিলো।

যাত্রা 9:35

লগেপ্রভু মোশিরে দিইনে যিয়েনি কোইয়্যে সেবাবোত্যে ফরৌণ মনান্‌ দরঅ ওই রোইয়্যে; তে ইস্রায়েলীয়গুনোরে যেবাত্তে ন-দিলো।

যিশাইয় 6:10

সে পরেদি তে মরে আরঅ কলঅ, “তুই এ মানুচ্চুনোর্ মনানি বাজে বাবোত্যে গুরি দে, তারার্ কানানি নাঢি দে, আর তারার চোগ্‌‌‌‌‌কুনো নাঢি দে। সিয়েন ন-গুরিলে তারা চোগেদি দেগিবাক্, কানেদি শুনিবাক্, মনেদি বুঝিবাক্ আর পাপত্তুন্ মনানি ফিরেইনে গম্ অবাক্। ”

যিশাইয় 63:17

ও লগেপ্রভু, তঅ পথ্‌তান ছাড়িনে কিত্তে আমারে ঘুরি ঘুরি বেড়েবাত্তে দুয়োর্? আমি যেন তরে ভোক্তিবলা ন-দোরেই সেনত্তে কিত্তে তুই আমা মনানি দরমর গরর্? তঅ চাগরুনোত্তে, অত্তাৎ যে গুট্টিগুন তর্ অধিকার, তারাত্তে তুই ফিরি আয়।‌

যোহন 12:40

“গোজেনে তারা চোগ্‌কুন্ নাঢি দিয়্যে আর মনানি বাজে গুরি দিয়্যে, যাতে তারা চোগেদি ন-দেগন্ আর মনানদি ন-বুঝোন্, আর গম্ অবাত্তে তাইধু ফিরি ন-এজন্।”

রোমীয় 1:28

এবাবোত্যেগুরি মানুচ্‌ গোজেনরে মানিবাত্তে ন-চান্ বিলি গোজেনেয়ো পাপ্পোই ভরা মনঅ আঢত্ তারারে ইরি দিয়্যে, আর সেনত্তে মানুচ্‌ ভান্ন্যেই কাম্ গুরি থান্।

রোমীয় 9:18

সালে দেগা যাত্তে, গোজেনে নিজোর্ আওজ্ মজিম কাররে দোয়্যে গরে আর কারর্ মনানি দরমর গরে।

২ করিন্হীয় 2:16

মাত্তর্ যিগুনে ভস্ত অদন্ তারা ইধু আমার্ তুম্বাজ্‌চান অলঅ মরণর্ বাচ্‌, যিয়েনর ফল অলঅ উমর্‌অ মরণ, আর যিগুনে উদ্ধোর্ পাদন্ তারা ইধু আমি জিংকানির বাচ্‌, যিয়েনর ফল অলঅ উমর্‌অ জিংকানি। এ কামর্ যগাজ্জ্যে কন্না?

দ্বি’লম্বর বিররণ 2:36

অর্ণোন কিঝিঙোর্‌ দুঝিত্‌ অরোয়র্‌ শঅর আর সে কিঝিঙো ভিদিরে আদামত্তুন্‌ আরাম্ভ গুরিনে গিলিয়দ সং এন্‌ কনঅ বোলী আদাম বা শঅর ন-রলঅ যিয়েন্‌ আমি জিদি নেযেই ন পারিই। আমা গোজেন লগেপ্রভু সিয়েনি বেক্কানি আমা আদত্‌ তুলি দিয়্যে।

যিহোশূয় 11:20

লগেপ্রভু বেক্‌ মানুচ্চুনোর মনানি আগাত্যে গুরি দিলো যেনে তারা ইস্রায়েলীয়গুনোর বিরুদ্ধে যুদ্ধো গরন্‌ আর সেক্কে তারা যেন্‌ ভস্তর অভিশাবর তলে অন্‌ আর কনঅ‌ দোয়্যে ন-পেইনে মুরি যান্‌। এ উগুমানই লগেপ্রভু মোশিরে দিয়্যে।

১ পিতর 2:8

আরঅ বোইবোর্ এ কধাগান্অ খাদে, সিবে এমন্‌ পাত্তর্ যিবেত্ মান্‌জ্যে উজোত্ হান্, আর যিবেত্ মান্‌জ্যর্ উজোত্ হেবার কারন অবঅ। মান্‌জ্যে গোজেনর্ কধানি অমান্য গরন্ বিলিনে উজোত্ হান্ আর ইয়েনত্যে তারা ঠিগ্ ওইনে আঘন্।