যাত্রা 4:12 - Chakma Bible

¹² তুই এবেরা যাহ্। মুই নিজেই তরে কধা কবাত্তে বল্‌ দিম আর যিয়ান্‌ কবার্‌ সিয়ান তরে শিগেই দিম।”

যাত্রা 4:12 Iomraidhean Croise

গীতসংহিতা 105:26

তে তার চাগর্ মোশিরে আর তার বেঈ লোইয়্যে হারোণরে পাধেই দিলো;

গীতসংহিতা 143:10

তঅ আওজ্ মজিম কাম গুরিবাত্তে তুই মরে শিগেই দে, কিত্তে তুয়ই মর্ গোজেন; তর্ ভালেদি গরেদে আত্মালোই মরে সং পধেদি চালা।

গীতসংহিতা 32:9

তুমি ঘোড়া বা গাধা ধোক্ক্যেন ন-ওয়ো যিগুনোর বুঝিবার খেমতা নেই; মুয়োত্ লাগাম আর দুড়িলোই তারারে দোঙেই রাগা পড়ে, সিয়েনি ন-দিলে তারা তমা ইদু ন-এবাক্।

যাত্রা 3:12

গোজেনে কলঅ, “মুয়ই তঅ লগে থেইম্‌। তুই মিসর দেজত্তুন্‌ মানুচ্চুনোরে নিগিলেই আনিবে আর তুমি এ মুড়োবোত্‌ মঅ নাঙে উবোসনা গুরিবা। মুয়ই যে তরে পাদেলুং ইয়েনই অবঅ তইধু তার্‌ চিহ্নো।”

যাত্রা 4:13

জোবত্‌ মোশি কলঅ, “ও প্রভু, মুই কোজোলী গরঙর্‌, অন্য কনজনরে দিইনে তুই এ হবরান্ পাধেই দে।”

যাত্রা 4:15

তুই যেক্কে তা লগে কধা কবে সেক্কে তারে কোই দিবে কি কুয়ো পুড়িবো। মুই তমা দ্বিজনরে কধা কবাত্যে বল্‌ দিম আর কি গরা পুড়িবো সিয়েন তমারে শিগেই দিম।

যাত্রা 4:16

তমার্‌ ওইনে হারোণে মানুচ্চুনো লগে কধা কবঅ, যেনে তা মুয়োন তমা মুয়োনি আর তুয়ই যেনে তার্‌ গোজেন।

যিশাইয় 49:2

তে মঅ মুয়োন ধারেয়্যে তলোয়ার ধোক্ক্যেন গোজ্যে। তে মরে তা আঢ ছাবাবোলোই লুগেই রাগেয়্যে। তে মরে এক্কো বেঈ লোইয়্যে সেল্ বানেয়্যে আর তার সেল্ রাগেবার খাজাবো ভিদিরে রাগেয়্যে।

যিশাইয় 50:4

প্রভু লগেপ্রভু মরে শিক্ষিতগুনোর্ জিলানি দিয়্যে যেনে মুই কধালোই বল্‌‌পোজ্যে মানুচ্চুনোরে সাহায্য গুরি পারং। তে মরে পত্তিদিন বেন্যেমাদান্ জাগেই দে আর মঅ কানানরে সজাক্ গরে যেনে মুই এক্কো শিচ্চ্য ধোক্ক্যেন শুনোং।

যিরমিয় 1:9

সে পরেদি লগেপ্রভু মঅ মুয়োনত্ আঢ্‌‍তান বাবেইনে বাজেই দিলো আর মরে কলঅ, “ইক্কিনে মুই তঅ মুয়োনত্ মঅ কধানি দিলুং।

গণাণা 16:28

মোশি সেক্কে ইস্রায়েলীয়গুনোরে কলঅ, “ইয়োত্তুনোই তুমি বুঝি পারিবা, মুই যিয়েন্‌ গরঙর্‌ সিয়েন গুরিবাত্তে লগেপ্রভুই মরে পাদেয়্যে; ইয়েন মর্‌ মনে মন্‌গজ্জা কিচ্ছু নয়।

মার্ক 13:11

যেক্কে তমারে ধুরিনে বিচেরত্তে নেযেবাক্ সেক্কে কি কুয়ো পড়িবো সিয়েন আগেত্তুন্ ধুরি চিদে ন-গোজ্য। সে সময়োত্ যে কধাগান তমারে কোই দিয়্যে অবঅ তুমি সিয়েনই কবা, কিয়া তুমি যে কবা সিয়েন নয় বরং পবিত্র আত্মাগানে কধা কবঅ।

লূকে লেখ্যে গম্ হবর্ 11:1

এক সময়োত্ যীশু কনঅ এক জাগাত্ তবনা গরের্। তবনা থুম্ অনার্ পরেদি তার্ এক্কো শিচ্চ্য তারে কলঅ, “প্রভু, বাপ্তিস্মদিয়্যে যোহনে যেবাবোত্যে তা শিচ্চ্যগুনোরে তবনা গুরিবাত্তে শিগেয়্যে সেবাবোত্যেগুরি আমারেয়ো তুই তবনা গুরিবাত্তে শিগা।”

যোহন 14:26

সেই সাহায্যগুরিয়্যেবো, মানে পবিত্র আত্মা যিবেরে বাবা মঅ নাঙে পাধেই দিবো, তেয়ই বেক্কানি পৌইদ্যেনে তমারে শিক্ষ্যে দিবো, আর মুই তমারে যিয়েনি কোইয়োং সিয়েনি বেক্কানি তমারে ইদোত্ তুলি দিবো।

ইফিষীয় 6:19

মত্যেয়ো তবনা গরঅ যেন মুই যেক্কে কধা কং সেক্কে গোজেনে মরে এমন্‌ ভাষা যুগেই দে যাতে মুই সাহচ্‌ গুরিনে তার্ দিয়্যে গম হবরর্ গুমুরো সত্যগান্ প্রচার গুরি পারং।

দ্বি’লম্বর বিররণ 18:18

মুই তারার্‌ ইস্রায়েলীয় ভেইয়ুনো ভিদিরেত্তুন তারাত্যে তঅ ধোক্ক্যেন এক্কো ভাববাদী যুক্কোল্‌ গুরিম। তা মুয়ন্দি মুই মর্‌ কধানি কোম্‌, আর মুই যিয়েনি কবাত্তে তারে উগুম দিম্‌ সিয়েনি তারারে কবঅ।