যাত্রা 4:11 - Chakma Bible

¹¹ মাত্তর্‌ লগেপ্রভু তারে কলঅ, “মান্‌‌জ্যর মুয়োনি কন্না বানেই দিয়্যে? কন্না তারে বুব্‌, বহ্‌রা, চোখ কান্‌ গোজ্যে? আর কন্না বা তারে চোগোদি দেগিবার্‌ খেমতাগান্‌ দিয়্যে? সিবে কি মুই লগেপ্রভু নয়?

যাত্রা 4:11 Iomraidhean Croise

পত্থম 11:7

সেনত্তে এজঅ, আমি তলে লামিনে তারা কধানিত্‌ যাগুলুক্‌ বাজেই দিই যেনে তারা একজন কধা আরেকজনে বুঝি ন-পারন।”

পত্থম 18:14

লগেপ্রভু ইধু ন-পারে পারা কি কিজু আঘে? এজেত্তে বজর্‌ ঠিগ্ এ সময়োত্‌ মুই আরঅ তমা ইধু ফিরি এইম্‌ আর সেক্কে সারা করত্‌ এক্কো পুয়ো থেবঅ।”

গীতসংহিতা 146:8

লগেপ্রভু কান্ মানুচ্চুনোরে রিনি চেবার খেমতাগান দে; যিগুনে লুঙি পোজ্যন্ লগেপ্রভু তারারে তুলি ধরে; লগেপ্রভু গম্ মানুচ্চুনোরে কোচ্‌পায়।

গীতসংহিতা 51:15

ও প্রভু, মর্ মুয়োন খুলি দে, মুই তর্ নাঙ্ গিনেনা ফগদাং গুরিম।

গীতসংহিতা 94:9

যিবে কান বানেই দিয়্যে তে কি ন-শুনে নাহি? যিবে চোগ্ বানেই দিয়্যে তার কি চেবার্ খেমতা নেই?

গম্ উপদেজ্ 20:12

শুনিবাত্তে কানানি আর চেবাত্তে চোগ্- লগেপ্রভু এ দ্বিয়েন বানেই দিয়্যে।

যিশাইয় 42:7

তুই কান্ মানুচ্চুনো চোগ্‌কুন খুলি দিবে, জেলখানাত্তুন্ বন্দিগুনোরে উদ্ধোর্ গুরিবে আর সিদুগোর্ আন্ধার গাদত্ রাগেয়্যে মানুচ্চুনোরে নিগিলেই আনিবে।‌‍‍

যিশাইয় 6:7

সেই আঙারাবো তে মঅ মুয়োনত্ বাজেইনে কলঅ, “চাহ্, ইবে তঅ মুয়োনত্ বাস্যে; তঅ ভান্ন্যেয়ানি দূর্ গরা ওইয়্যে আর তঅ পাপ্‌পানি ফুজি ফেলা ওইয়্যে।” ‌‌

যিরমিয় 1:6

সেক্কে মুই কলুং, “বেগত্তুন্ খেমতাবলা গোজেন, মুই কধা কোই ন-জানং; মুই দঅ চিগোন গুরো ধোক্ক্যেন্।”

যিরমিয় 1:9

সে পরেদি লগেপ্রভু মঅ মুয়োনত্ আঢ্‌‍তান বাবেইনে বাজেই দিলো আর মরে কলঅ, “ইক্কিনে মুই তঅ মুয়োনত্ মঅ কধানি দিলুং।

যিহিষ্কেল 33:22

মানুচ্চো লুমিবার আগেদি সাজোন্যে অক্তত্ লগেপ্রভুর আঢ্‌‌‌‌‌‌‌‌তানি মঅ উগুরে এলঅ আর বেন্যে অক্তত্ মানুচ্চো মইধু এবার্ আগেদি তে মর্ মুয়োন খুলি দিলো। সেনত্তে মুই কধা কুয়ো ধুরিলুং, আর অলর্ গুরি ন-রলুং।

আমোষ 3:6

শঅরত্ শিংগার রঅ শুনিলে কি মানুচ্চুনে ন-গির্‌গিরান? লগেপ্রভু ন-ঘোদেলে কি শঅরত্ দযা ঘদে?

মথি লেখ্যে গম্ হবর্ 11:5

তারে জানঅ, কান্ মানুচ্চুনে দেগদন্, আঢুরুনে আঢদন্, ফারাঙিবলাগুনে সিজি অদন্, বহ্‌রা মানুচ্চুনে শুনোদন্, মরা মানুচ্চুনে জেঁই উদোদন্ আর নাঢা মানুচ্চুনো ইধু গম্ হবর্ প্রচার গরা অর্।

লূকে লেখ্যে গম্ হবর্ 1:20

চাহ্, মঅ কধাগান সময়মজিম্ পূরোণ অবঅ, মাত্তর্ তুই মঅ কধাগান বিশ্বেজ্ ন-গরচ্ বিলি ববা ওই থেবে। যেদক বিলোন্ সং ইয়েনি বেক্কানি ন-ঘদে সেদক্ বিলোন্ সং তুই কধা কোই ন-পারিবে।”

লূকে লেখ্যে গম্ হবর্ 1:64

আর সেক্কে সখরিয় মুয়োন্ আহ্ জিলান্ খুলিলো আর তে কধা কনা আহ্ গোজেনরে বাঈনী গরা ধুরিলো।।

যোহন 10:21

অন্যগুনে কলাক্, “মাত্তর্ ইবে দঅ ভূদে পেইয়্যে মান্‌জ্য ধোক্ক্যেন্ কধা নয়। ভূদে কি কানা মান্‌জ্যর্ চোগ্ মেলি দি পারে?”