যাত্রা 4:1 - Chakma Bible

¹ এ কধাগানর্‌ জোবত্‌ মোশি কলঅ, “মাত্তর্‌ যুদি ইস্রায়েলীয়গুনে মরে বিশ্বেজ্ ন-গরন আর মঅ কধানি ন-শুনোন্? তারা দঅ কোই পারিদাক্, ‘না, লগেপ্রভু তরে দেগা নঅ-দে।’”

যাত্রা 4:1 Iomraidhean Croise

১ রাজাবলী 13:3

সে একই দিনোত্‌ গোজেনর্‌ মানুচ্চো এক্কান্‌ চিহ্নোর কধা কলঅ। তে কলদে, “লগেপ্রভু এ চিহ্নোগানর্‌ কধা ফগদাং গরেত্তে, এ ডালিপূজোবো ফাদি যেবঅ আর তা উগুরে ছেইয়ানি বেক্কানি পড়ি যেবঅ।”

যাত্রা 2:14

মানুচ্চো কলঅ, “কন্না তরে আমার্‌ নেতা আর শাজন্ গুরিয়্যে বানেয়্যে? সে মিসরীয়গুনো ধোক্ক্যেন মরেয়ো মারে ফেলেবাত্তে চাজ্‌ না কি?” এ কধাগান্‌ শুনিনে মোশি দোরেল। তে চিদে গুরিলো, হামাক্কায় বেপারান্‌ হবর্‌ পাহ্‌‌পি ওইয়্যে।

যাত্রা 3:15

তুই তারারে আরঅ কবেদে, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু তরে তারা ইধু পাদেয়্যে। মর্‌ উমরর্‌ নাঙান্‌ লগেপ্রভু। বংশর্‌ পর্‌ বংশ ধুরিনে মরে এ নাঙে মান্‌জে মনত্‌ রাগেবাক্।

যাত্রা 3:16

তুই যেইনে ইস্রায়েলীয় বুড়ো নেতাগুনোরে একলগে এগত্তর্‌ গুরি তারারে কবেদে, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু তরে দেগা দিইনে কোইয়্যেদে, তমা ইন্দি আর মিসরত্‌ তমা উগুরে যিয়েনি গরা অর্‌ সিন্দি মর্‌ চোগ্‌ আঘে।

যাত্রা 3:18

“ইস্রায়েলীয় বুড়ো নেতাগুনে তঅ কধানি শুনিবাক্। তুই আর তারা মিলিনে মিসর রাজাবো ইধু যেইনে কবাগোই, ‘ইব্রীয়গুনোর্‌ গোজেন লগেপ্রভু আমা লগে দেগা দিইনে কধা কোইয়্যে। সেনত্যে তুই দোয়্যে গুরিনে আমারে যেবাত্তে দে, যেনে আমি ধূল্যেচর-চাগালা ভিদিরেদি তিন দিনো পথ যেইনে আমা গোজেন লগেপ্রভুর্‌ নাঙে য়েমান্‌-উৎসর্ব গুরি পারিই।’

যাত্রা 4:10

মোশি লগেপ্রভুরে কলঅ, “মাত্তর্ প্রভু, মুই কনঅ দিন গমেডালে কধা কোই ন-পারং। আগেয়ো ন-পারং আর তর্‌ এ চাগর্‌বো লগে তুই কধা কনার্‌ পরেন্দিয়ো ন-পারঙর্‌। মঅ মুয়োনত্‌ কধানি বাঁজি থায়, মঅ ঝিলান্ ঘুয়োর্‌।”

যাত্রা 4:30

লগেপ্রভু মোশিরে যেদক্কানি কধা কোইয়্যে সিয়ানি বেক্কানি হারোণে তারারে জানেল আর মানুচ্চুনো মুজুঙোত্‌ সে আমক্‌ অইদে কামানি গুরি দেগেলাক্।

যাত্রা 4:31

সেক্কে মানুচ্চুনে বিশ্বেজ্ গুরিলাক্। তারা যেক্কে শুনিলাক্, লগেপ্রভু ইস্রায়েলীয়গুনোর্‌ দুখ্‌কানি দেক্ক্যে আর তারা কধানি চিদে গোজ্যে সেক্কে তারা মাদিত্‌ মাঢা নিগিরিনে লগেপ্রভুরে তারার্‌ মনর্ ভোক্তি জানেলাক্।

যাত্রা 6:12

জোবত্‌ মোশি লগেপ্রভুরে কলঅ, “মাত্তর্ ইস্রায়েলীয়গুনে যুনি মঅ কধা ন-শুনোন্‌ সালে ফরৌণে মঅ কধালোই কান্‌ দিবো কিত্যে, মঅ কধানি যেক্কেনে হনত্‌ বাজে?”

যাত্রা 6:30

মাত্তর্‌ মোশি সেক্কে লগেপ্রভুরে কোইয়্যেদে, “ফরৌণে মঅ কধানি কিত্তে শুনিবো, মর্‌ কধানি যেক্কে হনত্ বাজে?”

যিরমিয় 1:6

সেক্কে মুই কলুং, “বেগত্তুন্ খেমতাবলা গোজেন, মুই কধা কোই ন-জানং; মুই দঅ চিগোন গুরো ধোক্ক্যেন্।”

যিহিষ্কেল 3:14

গোজেনর্ আত্মাগানে মরে তুলি নেযেবার্ অক্তত্ মুই মনে মনে কাঙেলেত্যে আর রাগ্‌‌‌‌‌‌কোই গেলুং, আর লগেপ্রভুর দরমর আঢ্‌‌‌‌‌‌তানি মঅ উগুরে এলঅ।

প্রেরিত্‌ 7:25

মোশি মনে গোজ্জ্যেদে, তা নিজো মানুচ্চুনে বুঝিবাক্ গোজেনে তারে দিইনে তারারে উদ্ধোর্ গুরিবো, মাত্তর্ তারা সিয়েন বুঝি ন-পারিলাক্।

বিচের গুরিয়্যেগুন 6:17

গিদিয়োনে কলঅ, “যুনি মুই তর্‌ দোয়্যে পেই থাং, সালে মুই যেনে বুঝি পারং, হামাক্কাই তুই মঅ লগে কধা কোইয়োচ্‌ সিয়েনর্‌ এক্কান চিহ্নো তুই মরে দেগা।