যাত্রা 39:42 - Chakma Bible

⁴² লগেপ্রভু মোশিরে যেধোক্ক্যেন উগুম্‌ দিয়্যে সেধোক্ক্যেন ইস্রায়েলীয়গুনে বেক্‌ কামানি গুরিলাক্।

যাত্রা 39:42 Iomraidhean Croise

১ রাজাবলী 6:38

সল্লা মজিম্ তবনা-ঘরানর বেক্‌ কামানি এগার বজরর্‌ বূল মাজত, অত্তাৎ আস্‌তো মাজত্‌ শেজ্ ওইয়্যে। এ তবনা-ঘরান বানাদে শলোমনর্ সাত বজর সময় লাক্ক্যে।

২ বংশধর 8:15

রাজা দায়ূদে ভান্ডালর্ কনঅ পৌইদ্যেনে আর অন্য যে কনঅ পৌইদ্যেনে ধর্মগুরুগুনোরে আর লেবীয়গুনোরে যে উগুমানি দি যেইয়্যে সিয়েনি তারা অমান্য ন-গুরিলাক্‌।

যাত্রা 12:28

মোশি আর হারোণরে লগেপ্রভু যে উগুমান্‌ দিয়্যে ইস্রায়েলীয়গুনে ফিরি যেইনে সেধগে কাম্‌ গুরিলাক্।

যাত্রা 35:10

“তমা ভিদিরে যিগুনে কাবিল্‌ কালিগর তারা এইনে লগেপ্রভু যিয়েনি উগুম্‌ গোজ্যে সিয়েনি বানেবাক্‌।”

যাত্রা 39:32

এধোক্ক্যেন গুরিই থেবার-তাম্বুলর, অত্তাৎ মিলন-তাম্বুলর্ বেক্কানি বানানার্‌ কাম্‌ থুম্‌ অলঅ‌। লগেপ্রভু মোশিরে যেধোক্ক্যেন গুরি উগুম দিয়্যে সেধোক্ক্যেন গুরি ইস্রায়েলীয়গুনে বেক্‌ কামানি গুরিলাক্‌।

যাত্রা 39:41

পবিত্র তাম্বুল-ঘরত্‌ সেবা-কামত্তেই পোজাক্‌, অত্তাৎ ধর্মগুরু হারোণত্তেই বুন্যে পবিত্র পোজাক আর তার্‌ পূঅগুনোর ধর্মগুরু ইজেবে সেবা-কামর্‌ পোজাক।

যাত্রা 39:43

মোশি তারার্‌ বেক্‌ কামানি দেগিনেই বুঝিলোদে, লগেপ্রভুর উগুম মজিম্‌ বেক্‌ কামানি গরা ওইয়্যে। সেক্কে মোশি ইস্রায়েলীয়গুনোরে আশিদ্‌বাদ গুরিলো।

যিরমিয় 13:5

সেনত্তে লগেপ্রভুর উগুম মজিম্ মুই যেইনে ইউফ্রেটিস গাঙ ইধু সিবে লুগেই থলুং।

গণাণা 9:22

দ্বিদিন ওক্‌ বা এক মাস ওক্‌ অথবা তাত্তুন বেশ্‌ সময় ওক্‌, যেদকবুলোন্‌ মেঘ্‌কান থেবার-তাম্বুলান উগুরে থেদঅ ইস্রায়েলীয়গুনে তাম্বুলান ফেলেইনে সিয়োদোই থেদাক, আঢা ন-মারিদাক্। মাত্তর্‌ মেঘ্‌কান সোরেই গেলে তারা আরঅ আঢানা আরাম্ভ গুরিদাক্।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

দ্বি’লম্বর বিররণ 12:32

মুই তমারে যেদক্কানি উগুম্‌ দিলুং সিয়েনি বেক্কানি তুমি পালন গুরিবা; ইয়েন সমারে কিজু ন-মিজেবা, আরঅ ইয়েনত্তুন্‌ কিজু বাদঅ ন-দিবা।

২ তীমথিয় 2:15

যিবে উগুরে গোজেনে হুজি, অত্তাৎ যিবের্ লাজেবার্ কনঅ কারন নেই সেবাবোত্যে কামর্ মানুচ্‌ ইজেবে আর যে ভুল্-নেইয়্যে গুরি সত্যর্ কধা শিক্ষ্যে দে সেবাবোত্যে মানুচ্‌ ইজেবে নিজোরে গোজেন মুজুঙোত্ আঝির্ গুরিবাত্যে বিশেষ গুরিনে আয়োজি অ।

২ তীমথিয় 4:7

খ্রীষ্টর্ পক্ষে মুই মনে-পরাণে যুদ্ধ গোজ্জ্যং, মত্যে ঠিগ্ গোজ্জ্যে পধ্‌তানর্ থুম্ সং ধাবা দুয়োং আর খ্রীষ্টীয় ধর্ম-বিশ্বেজ্‌চানরে ধুরি রাগেয়োং।