যাত্রা 39:41 - Chakma Bible

⁴¹ পবিত্র তাম্বুল-ঘরত্‌ সেবা-কামত্তেই পোজাক্‌, অত্তাৎ ধর্মগুরু হারোণত্তেই বুন্যে পবিত্র পোজাক আর তার্‌ পূঅগুনোর ধর্মগুরু ইজেবে সেবা-কামর্‌ পোজাক।

যাত্রা 39:41 Iomraidhean Croise

যাত্রা 28:2

সর্মান আর সাজিবার আজাই তর্‌ ভেই হারোণত্তে তুই পবিত্র পোজাক্‌ বানেবে।

যাত্রা 28:28

সে পরেদি বুগ-ঢাগনিগানর্ তলে যে হেবাবো থেবঅ‌ সিবের্‌ লগে কমর্‌ বাননির্‌ হেবাবো য়েল্ দুড়িলোই বানি দিবা। সেক্কে বুগ-ঢাগনিগান এফোদ উগুরেত্তুন্‌ সুরি ন-যেবঅ‌।

যাত্রা 28:40

সর্মান আর সাজিবার্‌ আজাই তুই হারোণর্‌ পূঅগুনোত্তেয়ো সিলুম, কমরত্‌-বানোনি আর মাদাত্‌ তোক্কে বানেই লবে।

যাত্রা 39:1

পবিত্র তাম্বুল-ঘরত্‌ সেবা-কামর্‌ অক্তত্‌ পিনিবাত্তে তারা য়েল্, বিগুনি আর রাঙা রঙয়র্‌ সুদোলোই পোজাক্‌ বুনিলাক। লগেপ্রভু মোশিরে যেধোক্ক্যেন গুরি উগুম্‌ দিয়্যে সে মজিম্ তারা হারোণত্তে ধর্মগুরুর্‌ কামত্তে পবিত্র পোজাক্‌ বানেলাক্।

যাত্রা 39:40

উদোনর্‌ খুদো, টেং-দানি আর তার্‌ পর্দাগান আর উদোনত্‌ চোমেবার্‌ দোরানর্‌ পর্দাগান; উদোনর্‌ পর্দাগানর্‌ পাইপ্পো আর দুড়িগান; থেবার্‌-তাম্বুল, অত্তাৎ মিলন-তাম্বুলর্ বেক্‌ সাজেবার পযাপিরানি;

যাত্রা 39:42

লগেপ্রভু মোশিরে যেধোক্ক্যেন উগুম্‌ দিয়্যে সেধোক্ক্যেন ইস্রায়েলীয়গুনে বেক্‌ কামানি গুরিলাক্।