যাত্রা 39:21 - Chakma Bible

²¹ সে পরেদি বুগ-ঢাগনিগানর্‌ তলাত্‌ হেবাবোর্‌ লগে ফারদ্‌ দুড়ির্‌ হেবাবো য়েল্ দুড়িলোই বাঁনি দিয়্যে অলঅ‌। সেক্কে বুগ্‌-ঢাগনিয়ান এফোদ উগুরে ঠিগ্ জাগানত্‌ রলঅ‌। লগেপ্রভু মোশিরে যেধোক্ক্যেন উগুম্‌ দিয়্যে সেধোক্ক্যেন গুরি বেক্কানি গরা অলঅ‌।

যাত্রা 39:21 Iomraidhean Croise

যাত্রা 25:7

এফোদ আর বুগ্‌-ঢাগনী উগুরে বোজেবাত্তে বৈদূর্যমণি আর অন্য মংগা পাত্তর্।

যাত্রা 28:8

এফোদ লগে জোড়া লাগেয়্যে কমরত্‌ বাননিগান্অ এফোদ ধোক্ক্যেন সনা আর য়েল্, বিগুনি আর রাঙা রঙয়র্‌ সুদো আর পাগেয়্যে মসীনা সুদোলোই বানেই দিয়্যে পুরিবো।

যাত্রা 39:20

সিয়েন বাদে তারা আরঅ‌ দ্বিবে সনার্‌ হেবা বানেইনে এফোদ কলার ফিতেয়ানর্‌ সোজাসুজি তলেন্দি এফোদ ফারদ্‌ দুড়িগানর্‌ ঠিগ্ উগুরে যে সিলেইয়ান্‌ আঘে তার্‌ কায়-কুরে লাগেই দিয়্যে অলঅ‌।

যাত্রা 39:22

এফোদর্‌ তলেন্দি উরিবার্‌ লাম্বা সুলুম্মো বেক্কান্‌ তারা য়েল্ সুদোলোই বুনি নেযেলাক্‌।

মথি লেখ্যে গম্ হবর্ 16:24

ইয়েনর্ পরেদি যীশু তা শিচ্চ্যগুনোরে কলঅ, “যুনি কেঅ মঅ পথ্‌তানদি এবাত্তে চায় সালে তে নিজোর্ আওজ্ মজিম ন-চোলোক্; নিজো ক্রুশ্‌চান বুয়োইনে তে মঅ পিজে পিজে এজোক্।

১ করিন্হীয় 1:25

গোজেন ভিদিরে যিয়েন মূর্খতা বিলি মনে অয় সিয়েন মান্‌জ্যর্ জ্ঞানত্তুন্অ বেচ্‌ জ্ঞানবলা, আর যিয়েন খেমতা নেইয়্যে বিলি মনে অয় সিয়েন মান্‌জ্যর্ খেমতাত্তুন্অ বোউত্ বেশ্ খেমতাবলা।

১ করিন্হীয় 1:27

মাত্তর্ জগদ্‌তানে যিয়েনরে মূর্খতা বিলি মনে গরে গোজেনে সিয়েনই বেঈ লোইয়্যে যেন জ্ঞানীগুনে লাজান্। জগদ্‌তানে যিয়েনরে খেমতা নেইয়্যে মনে গরে গোজেনে সিয়েনই বেঈ লোইয়্যে যেন যিয়েন খেমতাবলা সিয়েন খেমতানেইয়্যে অয়।