যাত্রা 39:16 - Chakma Bible

¹⁶ তারা দ্বিবে সনার্‌ জালি আর দ্বিবে সনার্‌ হেবা বানেলাক্‌ আর হেবা দ্বিবে বুগ্‌-ঢাগনি উগুরে দ্বিকোণাত্‌ বোজেই দিলাক্,

যাত্রা 39:16 Iomraidhean Croise

যাত্রা 25:12

চাজি ফেলেয়্যে চের্‌বো সনার্‌ হেবা বানেইনে সিবের চের্‌বো পায়েত্‌ লাগেই দিয়্যে পড়িবো-এক কিত্তেন্দি দ্বিবে, আর অন্যকিত্তেন্দি দ্বিবে।

যাত্রা 28:11

কালিগরুনে যেধোক্ক্যেন মংগা পাত্তরত্‌ খোদাই গুরিনে সীলমহর্‌ বানান্‌ ঠিগ্‌ সেধোক্ক্যেন গুরি সেই দ্বিবে পাত্তর উগুরে ইস্রায়েলর্‌ পূঅগুনোর্‌ নাঙানি লিগি রাগা পুরিবো। পাত্তর্‌ দ্বিবে সনার্‌ জালি উগুরে বোজেইনে এফোদ কলার ফিতেগান লগে বানি দিয়্যে পুরিবো। এই দ্বিবে পাত্তরে লগেপ্রভুর্‌ মুজুঙোত্‌ ইস্রায়েলীয়গুনোরে তুলি ধুরিবাক্। লগেপ্রভু যেনে তারা উগুরে খিয়েল রাগায়্‌ সেনত্যেই হারোণে এই নাঙানি লগেপ্রভুর্‌ মুজুঙোত্‌ তার্‌ দ্বিয়েন কানা উগুরে তুলিনে বুয়োই নেযেব।

যাত্রা 28:13

সনালোই বানেয়্যে সেই জালি দ্বিয়েন লগে দ্বিয়েন্‌ শিগোল্‌ জোড়া দিবে। খাটি সনার দুড়ি ধোক্ক্যেন পাগেনেই সেই শিগোল্‌ দ্বিয়েন্‌ বানেই দিয়্যে পুরিবো।

যাত্রা 39:15

বুগ-ঢাগিবাত্তেই তারা খাটি সনা দুড়ি ধোক্ক্যেন পাগেইনে দ্বিয়েন্‌ শিগোল্‌ বানেলাক।

যাত্রা 39:17

আর শিগোল দ্বিয়েন্‌ সেই হেবা দ্বিবে লগে আক্‌সোই দিলাক্।