যাত্রা 39:15 - Chakma Bible

¹⁵ বুগ-ঢাগিবাত্তেই তারা খাটি সনা দুড়ি ধোক্ক্যেন পাগেইনে দ্বিয়েন্‌ শিগোল্‌ বানেলাক।

যাত্রা 39:15 Iomraidhean Croise

২ বংশধর 3:5

আজল্‌ দাঙর্‌ গুদিবো শলোমনে পত্তমে বেরস গাজ তক্তালোই ঢাগি দিলো আর সে পরেন্দি সিয়েন্‌ গম্‌ সোনালোই বেড়েই দিলো, আর সিয়েন্‌ খাজোর্‌ আর শিগল আরুক্‌কোই সাজা অলঅ।

যাত্রা 39:14

ইস্রায়েলর্‌ বারজন্‌ পূঅত্তেই বেক্কুনে বারবুয়ো পাত্তর্‌ বজা অলঅ‌। সিগুনোর্‌ এক এক্কো ভিদিরে বারবো গুট্টিত্তুন এক্কান গুরি নাঙ্‌ খোদাই গরা ওইয়্যে, যেধোক্ক্যেনগুরি সীলমহ্‌রুন খোদাই গরা অয়।

যাত্রা 39:16

তারা দ্বিবে সনার্‌ জালি আর দ্বিবে সনার্‌ হেবা বানেলাক্‌ আর হেবা দ্বিবে বুগ্‌-ঢাগনি উগুরে দ্বিকোণাত্‌ বোজেই দিলাক্,

পরমগীত 1:10

তঅ গালানর্ দ্বিকিত্তেদি কান দুলুন্ দুলোদন্, সেক্কে তঅ গালান্ দোল্ লাগের্ আর নেগেলেচ্চো তঅ গত্তনাবোত্ দোল্ গুরি মানেয়্যে।

যোহন 10:28

মুই তারারে উমর্‌অ জিংকানি দুয়োং। তারা কনদিন্অ নাশ্ ন-অবাক্ আর কনজনে মঅ আঢত্তুন্ তারারে কাড়ি ন-নিবাক্।

যোহন 17:12

মুই যেদক্ দিন তারা সমারে এলুং সেদক্ দিন তর্ যে নাঙান্ তুই মরে দুয়োচ্ সেই নাঙানর্ গুণে মুই তারারে রোক্ষ্যে গুরি এচ্চ্যং। মুই তারারে চুগি দুয়োং, তারাত্তুন্ কনজনে বর্‌বাদ্ ন-অন্। বানা যিবের্ ভস্ত অবার্ কধা এলঅ তেয়ই ভস্ত ওইয়্যে, যেন পবিত্র বোইবোর্ কধা পূরোণ্ অয়।

১ পিতর 1:5

তুমি পুরোপুরি গুরিনে উদ্ধোর্ ন-পানা সং গোজেনর্ খেমতায় বিশ্বেজ্‌‌চান্দোই তমারে গমেডালে থুয়ো অর্। শেজ্ সময়োত্ ফগদাং অবাত্যে সেই উদ্ধোরর্ যুক্কোল্ গুরি থুয়ো ওইয়্যে।

যিহূদা 1:1

মুই যীশু খ্রীষ্টর চাগর আর যাকোবর্ ভেই যিহূদা। বাবা গোজেনে যিগুনোরে ডাক্ক্যে আর কোচ্‌পেইয়্যে আহ্ যীশু খ্রীষ্ট যিগুনোরে রোক্ষ্যে গোজ্জ্যে তারা ইধু মুই এ চিধিগান লেগঙর্।