যাত্রা 37:9 - Chakma Bible

⁹ তারার্‌ ডুয়োগানি উগুরেন্দি মিলি দিয়্যে অলঅ‌ আর সেই ডুয়োনির্‌ ছাবাত্‌ তলে এলঅ‌ সুন্দুগোর্‌ ঢাগনিগান। করূব্‌পুনে মুজুঙো-মুজুঙি গুরি ঠিয়্যেই থেলাক্‌ আর তারার্‌ চোক্কুন ঢাগনিগানন্দি।

যাত্রা 37:9 Iomraidhean Croise

পত্থম 28:12

তে স্ববনত্‌ দেগিলোদে মাদি উগুরে এক্কান সাঙু অজল্ গুরি আঘে আর সিয়েন মাদাবো যেইনে স্বর্গত্‌ লুম্মেগোই। তে দেগিলোদে গোজেন দূত্তুনে সিয়েন উগুরেন্দি উজোল্-লামন্‌ গত্তন,

পত্থম 3:24

এধোক্ক্যেন গুরি তে তারারে ধাবেই দিলো। সে পরেদি তে জীংকানি-গাজ্‌চো ইধু যেবার পথ্‌তান্ চুগি দিবাত্তে এদন বাগান পূগেদি করূব্‌পুনোরে রাগেল, আর সে সমারে সিয়োত্‌ এক্কান জোল্‌জোল্যা খড়্‌গঅ রাগেল যিয়েনে নিত্য ঘুরোনাত্‌ থেলঅ।

১ রাজাবলী 6:27

দাঙর্ পবিত্র জাগানত্‌ তে সে করূব দ্বিবে ডুয়ো মেল্যে গুরি রাগেল। ইক্কো করূবোর্ ডুয়োগানি এক দেবালত্‌ আর অন্য করূবোর ডুয়োগানি আরেক্‌ দেবালত্‌ বাজেয়্যে এলঅ আর ঘরর্‌ দ্বিসেরে তারার অন্য ডুয়ো দ্বিয়েন এক্কান আরেক্কানর মাঢাগান্‌ বাজেয়্যে রলঅ।

যাত্রা 25:20

তারার্‌ দুয়োগানি উগুরেদি মিলি দিয়্যে থেবঅ‌ আর তার্‌ ছাবাবোর্‌ তলে থেবঅ‌ সুন্দুক্কোর্‌ ঢাগনিগান। করূপ্পুনে মুজুঙো-মুজুঙি থিয়্যেই‌ থেবাক্‌ আর তারার্‌ চোক্কুন্‌ থেবঅ‌ ঢাগনিগান ইন্দি।

যাত্রা 37:10

বৎসলেলে বাব্‌লা তক্তালোই দ্বিআত্‌ লাম্বা, এক আত্‌ পাদাজ্জ্যে আর দেড় আত্‌ উজু গুরি এক্কান্‌ টেবিল বানেল।

যাত্রা 37:8

করূব দ্বিবে সুন্দুগোর্‌ দ্বিকাজাকুরেন্দি থেলাক্। সেই করূব দ্বিবে ঢাগনিত্তুন্‌ এমন্‌ গুরি বানা অলঅ‌ যেনে বেক্কানে মিলিনেই বানা এক্কান জিনিস অয়।

যিশাইয় 6:2

তা উগুরে এলাক্ কয়েক্কো সরাফ; তারার্ এক এক্কোর্ ছগান্ গুরি ডুয়ো এলঅ-দ্বিয়েন্ ডুয়োলোই তারা মুয়োন আর দ্বিয়েন ডুয়োলোই টেঙানি নাঢি রাগেয়োন আর দ্বিয়েন ডুয়োলোই তারা উড়োদন্।

যোহন 1:51

পরেদি যীশু কলঅ, “মুই তমারে ঘেচ্চ্যেক্‌গুরি কঙর্, তুমি স্বর্গগান্ খুলো দেগিবা, আর দেগিবা গোজেনর্ দূত্তুনে মান্‌জ্য পুয়োবোর্ কায় কুরেত্তুন্ উদোদন্ আর তা কায়কুরে লামদন্।”

২ করিন্হীয় 3:18

ইয়েনত্যে আমি যিগুনে খ্রীষ্ট সমারে মিজেয়্যেই, আমি বেক্কুনে খুলো মুয়োদি আনাত্ দেখ্যে ফোটু ধোক্ক্যেন গুরি প্রভুর মহিমাগান্ দেগদে দেগদে নিজেয়ো মহিমায় বাড়ি উদিনে বুদুলি যেইনে তা ধোক্ক্যেন ওই যের্। প্রভুর, অত্তাৎ পবিত্র আত্মার্ খেমতালোই ইয়েন অয়।

ইফিষীয় 3:10

তে সিয়েন গোজ্জ্যেদে যেন খ্রীষ্টর্ মন্ডলীর মাধ্যমে স্বর্গর্ বেক্‌ শাসনগুরিয়্যে আর খেমতার্ অধিকারিগুনো ইধু নানান্ বাবদে ফগদাং পেইয়্যে গোজেনর্ জ্ঞান ইক্কিনে ফগদাং পায়।

ফিলিপীয় 3:8

আসলে যাত্যে মুই এদক্কানি ক্ষতি স্বীগের্ গোজ্জ্যং মর্ সেই প্রভু খ্রীষ্ট যীশুরে জানানা ভিদিরে যে অাশিদ্‌বাদ্‌তান আঘে, তা কায়কুরে আর বেক্কানিরে মুই ক্ষতি বিলিনে মনে গরং। খ্রীষ্টরে যেন মুই পেই পারং আর মরে যেন খ্রীষ্ট সমারে এগত্তর্ দেগা যায়, সেনত্যে মুই সিয়েনিরে কাজর্ বিলিনে মনে গরং। আইন-কানুন্ পালন গরানাত্যে যে মুই নিদ্দুজি সিয়েন নয়, মাত্তর্ খ্রীষ্ট উগুরে বিশ্বেজর্ কারনে গোজেনে মরে নিদ্দুজি ইজেবে মানি লোইয়্যে। এ নিদ্দুজিগান গোজেনত্তুন্ এজে আর সিয়েন বিশ্বেজ্ উগুরে নির্ভর গরে।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

ইব্রীয় 1:14

স্বর্গদূত্‌‌‌তুনে কি বেক্কুনে সেবাগুরিয়্যে আত্মা নয়? যিগুনে পাপত্তুন্ উদ্ধোর্ পেবাক্ তারারে সেবা গুরিবাত্যে দঅ তারারে দিপাধা অয়।

১ পিতর 1:12

মাত্তর্ গোজেনে তারারে দেগেই দিয়্যেদে যে, তারা যেদক্কানি কধা কোইয়োন সিয়েনিলোই তারা নিজোরে সেবা ন-গুরিনে তমারে সেবা গোজ্জ্যন্। স্বর্গত্তুন্ পাধেইয়্যে পবিত্র আত্মার পরিচালনায় যিগুনে তমা ইধু খ্রীষ্ট পৌইদ্যেনে গম হবর্ ফগদাং গোজ্জ্যন্ তারা ভাববাদীগুনোর্ সেই কধানি তমারে জানেয়োন। এন্‌ কি, স্বর্গদূত্‌তুনেয়ো এ পৌইদ্যেনে জানিবাত্যে আওজি।