যাত্রা 36:8 - Chakma Bible

⁸ যিগুনে কাম্‌ গোজ্যন্‌ সিগুনোত্তুন কাবিল্‌ কালিগরুনে পাগেয়্যে মসীনা সুদো আর য়েল্, বিগুনি আর রাঙা রঙয়র্‌ সুদোলোই বানেয়্যে দশ কট্টা কাবড় দিইনে থেবার্‌-তাম্বুলান্‌ বানেলাক্‌। কাবিল্‌ কালিগরলোই সিয়েনি ভিদিরে করূব্‌পুনোর্‌ ফোটুগুন্‌ বুনিলাক্‌।

যাত্রা 36:8 Iomraidhean Croise

১ রাজাবলী 6:23

তে দাঙর্ পবিত্র জাগান ভিদিরে জলপাই গাজ তক্তার দ্বিবে করূব বানেল। দ্বিবে করূব আরুগে আর গদনে একবাবোত্যে এলঅ। ইগুনোর পত্তিবো দশ আত্‌ গুরিনে অজল এলঅ। পত্তি করূবোর পাচ্ আত্‌ গুরিনে লাম্বা দ্বিয়েন ডুয়ো এলঅ। এক্‌ ডুয়োর্‌ গোড়াত্তুন্‌ অন্য ডুয়োর মাঢাগান সং এলদে দশ আত্‌।

১ বংশধর 15:1

দায়ূদ-শঅরত্‌ নিজো ঘর-বানানার্‌ পরেন্দি দায়ূদে গোজেন সুন্দুক্কোত্তে এক্কান্‌ জাগা যুক্কোল্‌ গুরি সিদু এক্কান্‌ তাম্বুল্‌ টাঙেল।

২ বংশধর 1:3

সে পরেন্দি তে আর বেক্‌ মানুচ্চুনে গিবিয়োনর তবনার অজল্‌ জাগানত্‌ গেলাক্‌, কিত্তে সিদু গোজেনর মিলন-তাম্বুলান্‌ যিয়েন্‌ এলঅ লগেপ্রভুর চাগর্‌ মোশি ধূল্যেচর-চাগালাত্‌ থাগদে বানেয়্যে।

২ বংশধর 3:10

দাঙর্ সুদ্ধো-সাংগ জাগায়ানত্‌ তে এক জোড়া করূবোর মূত্তি সাজিসাজাই কাবিনে বানেল আর সোনালোই বেড়েই দিলো।

যাত্রা 25:18

সেই ঢাগনিয়ানর্‌ কাজান্দি সনা পিদেইনে দ্বিবে করূবোর্‌ মূত্তি বানা পুরিবো।

যাত্রা 25:22

এই সাক্ষ্য-সিন্দুগোর্‌ ঢাগনীগান উগুরে দ্বিবে করূব সংমোধ্যে মুই তঅ সমারে দেগা গুরিনে ইস্রায়েলীয়গুনোত্তে মর্‌ বেক্‌ উগুমানি তরে দিম্‌।

যাত্রা 31:6

ইয়েনি বাদে তারে এজাল্‌ দিবাত্যে মুই দান-গুট্টির অহীষামকর্‌ পূঅ অহলীয়াবকরেয়ো বেঈ লোইয়োং। যিদুক্কুন কাবিল্ কালিগরে এই কামানি গুরিবাক্ তারারেয়ো মুই এমন্‌ জ্ঞান দিইনে রাগেয়োং যেনে তরে দিয়্যে মর্‌ উগুম্‌ মজিম্ তারা বেক্‌ জিনিস্‌ছানি বানেই পারিবাক্। এই জিনিস্‌ছানি অলঅ‌:

যাত্রা 31:7

মিলন-তাম্বুল, সাক্ষ্য-সুন্দুক আর সিবে উগুরে ঢাগনিগান, তাম্বুলর্ পযাপিরানি,

যাত্রা 35:10

“তমা ভিদিরে যিগুনে কাবিল্‌ কালিগর তারা এইনে লগেপ্রভু যিয়েনি উগুম্‌ গোজ্যে সিয়েনি বানেবাক্‌।”

যাত্রা 36:9

কট্টাগুন্‌ বেক্কুন্‌ এক্কুই মাবে বানা অলঅ‌-লাম্বান্দি আটেশ্‌ আত্‌ আর পাদাজ্যে চের্‌ আত্‌।

যাত্রা 39:3

তারা সনা পিদেইনে পাদল্‌ বাবোত্যে পাত্‌ বানেলাক আর সিয়েন্‌ সুদো ধোক্ক্যেন গুরি কাবিলাক যেনে য়েল্, বিগুনি আর রাঙা রঙয়র্‌ সুদো আর মসীনা সুদোর্‌ লগে সনার্‌ সুদোয়ো বেবহার্‌ গরা যায়। ইয়েন্‌ এক্কান্‌ কাবিল্‌ আদর্‌ কাম্‌।