যাত্রা 36:1 - Chakma Bible

¹ “সেনত্তে কেধোক্ক্যেনগুরি এই পবিত্র তাম্বুল-ঘরান্‌ বানা পুরিবো সিয়েন্‌ বুঝিবাত্তেই লগেপ্রভু বৎসলেলরে, অহলীয়াবরে আর অন্য যিদুক্কুন্‌ কালিগররে জ্ঞান আর বুদ্ধি দুয়োন্‌ তারা যেনে লগেপ্রভুর্‌ উগুম মজিম্‌ সেই বেক্‌ কামানি গরন্‌।”

যাত্রা 36:1 Iomraidhean Croise

১ রাজাবলী 7:14

তা মাবো অলদে রানিমিলে আর নপ্তালি-গুট্টির ঝি। তা বাবে অলদে সোরর মানুচ্‌। হীরমে পিদল কালিগর এলঅ। হীরমে পিদলর নানান্‌ বাবোত্যে কাম জানিদো আর সে কামত্‌ তে অমকদ কাবিল এলঅ। তে রাজা শলোমন ইদু এলঅ আর তারে যেদক্কানি কাম দিয়্যে অলঅ সিয়েনি গুরিলো।

১ বংশধর 2:20

হূরো পুয়ো ঊরি আর ঊরির পুয়ো বৎসলেল।

১ বংশধর 28:21

গোজেন ঘরর্‌ বেক্‌ সেবা-কামানিত্তে নানান্‌ দল ধর্মগুরু আর লেবীয়গুনে যুক্কোল্‌ আগন্‌‌। বেক্‌ কামানিত্‌ তরে বল্‌ দিবাত্তে কাবিল্‌ আর আওজ্‌বলা মানুচ্চুনেয়ো আগন্‌। নেতাগুনে আর বেক্‌ মানুচ্চুনে তঅ উগুমান্‌ মানিবাক্‌।”

গীতসংহিতা 119:6

সালে তঅ বেক্ উগুমানি পালেবাত্তে মুই ন-লাজেম্।

যাত্রা 12:28

মোশি আর হারোণরে লগেপ্রভু যে উগুমান্‌ দিয়্যে ইস্রায়েলীয়গুনে ফিরি যেইনে সেধগে কাম্‌ গুরিলাক্।

যাত্রা 25:8

ইস্রায়েলীয়গুনোর মাধ্যমে তুই মর্‌ থেবাত্তে এক্কান্‌ পবিত্র জাগা বানেবে। সেক্কে মুই তারা ভিদিরে বজত্তি গুরিম।

যাত্রা 28:3

মুই যিদুক্কুন্‌ কাবিল্‌ কালিগররে জ্ঞানদানগোজ্যে পবিত্র আত্মালোই পূরোণ গুরি রাগেয়োং, তুই তারারে কোইদে যেনে তারা হারোণত্তে এমন্‌ একবাবোত্যে পোজাক্‌ বানান্‌ যিয়েনে তারে ধর্মগুরু ইজেবে মরে সেবা গুরিবার্‌ নাঙে যুদো গুরি রাগেব।

যাত্রা 31:11

অভিষেকর্‌ তেল আর পবিত্র জাগানত্তেই তুম্বাজ ধূপ্অ এই জিনিস্‌ছানি ভিদিরে আঘে। তরে দিয়্যে মর্‌ উগুম্‌ মজিম যেনে তারা সিয়েনি বানান্‌।”

যাত্রা 36:2

ইয়েনর্ পরেদি মোশি এই কামানি গুরিবাত্তেই বৎসলেলরে আর অহলীয়াবরে ডাগিলো আর এধোক্ক্যেন বেক্‌ কাবিল্‌ কালিগরুনোরে ডাগিলো যিগুনোরে লগেপ্রভু কাম্‌ গুরিবার্‌ খেমতা দিয়্যে আর যিগুনে মনত্তুন্‌ সাড়া পেইয়োন।

যাত্রা 38:23

বৎসলেলরে এজাল্‌ দিয়্যেদে দান-গুট্টির্‌ অহীষামকর পূঅ অহলীয়াবে। তে অলদে আঢর্‌ কাম্‌ আর আড়ুক্‌ বানেবার্‌ কামত্‌ কাবিল্‌। ইয়েনবাদে তে য়েল্, বিগুনি আর রাঙা রংয়র্‌ সুদো আর মসীনা সুদোলোই নক্‌শা তুলিবার্ কামদ্‌অ কাবিল্‌ এলঅ।

যাত্রা 39:1

পবিত্র তাম্বুল-ঘরত্‌ সেবা-কামর্‌ অক্তত্‌ পিনিবাত্তে তারা য়েল্, বিগুনি আর রাঙা রঙয়র্‌ সুদোলোই পোজাক্‌ বুনিলাক। লগেপ্রভু মোশিরে যেধোক্ক্যেন গুরি উগুম্‌ দিয়্যে সে মজিম্ তারা হারোণত্তে ধর্মগুরুর্‌ কামত্তে পবিত্র পোজাক্‌ বানেলাক্।

গণাণা 7:9

মোশি কহাতীয়োগুনোরে কিচ্ছু ন-দিলো, কিত্যে সুদ্ধো-সাংগ জিনিস্‌চানির্‌ দেগাশুনোর্‌ ভারান এলঅ তারা উগুরে আর সিগুনোই এলাক তারার্‌ কাঁনাদ্‌ গুরি বুয়োই নেযেবার্‌ কধা।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

লূকে লেখ্যে গম্ হবর্ 1:6

তারা দ্বিজনে গোজেনর্ চোগেদি ধার্মিক এলাক্। প্রভুর্ বেক্ উগুমানি আর সুদোমানি তারা গমেডালে পালেদাক্।

ইব্রীয় 8:2

তে দাঙর্ পবিত্র জাগানত্, অত্তাৎ আজল্ উবোসনা-তাম্বুলোত্ গোজেনর্ সেবা গরের্। সেই উবোসনা-তাম্বুলান্ মান্‌জ্যে ন-টাঙান্, সিয়েন প্রভুই টাঙেয়্যে।