যাত্রা 34:7 - Chakma Bible

⁷ তার্‌ অমকদ কোচ্‌পানা আজার্‌ আজার্‌ বংশ ধুরিনে থেবঅ‌। তে অন্যেয়, উল্লোমি আর পাপ্‌ ক্ষেমা গরে, মাত্তর্‌ দুষীগুনোরে সাজা-দে। তে বাবর্‌ অন্যেয়র্‌ সাজা তার্‌ বংশর্‌ তিন্নো-চের্‌বো বংশধর্ সং দি থায়।”

যাত্রা 34:7 Iomraidhean Croise

পত্থম 19:16

মাত্তর্‌ লোটে যেম্-যাঙর্ গরা দোজ্যে। কিত্যে লগেপ্রভুর্‌ দোয়্যে তা উগুরে এলঅ বিলিনে সে দ্বিজনে তারা পুরো পরিবারবোরে আদত্‌ ধুরি টানিনে শঅর বারেন্দি আনিলাক্।

১ রাজাবলী 8:30

এ জাগান ইন্দি ফিরিনে তর্‌ চাগর্‌ আর তঅ মানুচ্‌ ইস্রায়েলীয়গুনে যেক্কে কোজোলি গুরিবাক্‌ সেক্কে সিয়েনত্‌ তুই কান পাদিচ্‌। তর্‌ থেবারঘর স্বর্গত্তুন্‌ সিয়েনি তুই শুনোচ্‌ আর তারারে ক্ষেমা গুরিচ্‌।

১ রাজাবলী 8:32

মাত্তর্‌ তুই স্বর্গত্তুন্‌ সে কধানি শুনিচ্‌ আর সেধোক্কেনগুরি কাম্‌ গুরিচ্‌। সেক্কে তঅ চাগরুনোরে তুই বিচের্‌ গুরিনে দুষোর্‌ ফল তা মাঢাবোত্‌ চাপি দিইনে তারে দুষি বিলিনে প্রমাণ গুরিচ্‌ আর নিদ্দুজীবোরে তা কাম্‌ অনুসারে ফল দিইনে তারে নিদ্দুজি বিলিনে প্রমাণ গুরিচ্‌।

২ বংশধর 30:9

যুনি তুমি লগেপ্রভু ইদু ফিরি এজঅ সালে তমা ভেই আর ঝি-পুয়োগুনোরে যিগুনে বন্দী গুরি রাগেয়োন্‌ তারা সিগুনো উগুরে দোয়্যে দেগেবাক্‌। সেক্কে তারা এ দেজত্‌ ফিরি এই পারিবাক্‌, কিত্তে তমা গোজেন লগেপ্রভুর দোয়্যে আর মেইয়্যে ভরা। তুমি তাইদু ফিরি এলে তে তার্‌ মুয়োন্‌ ফিরেই ন-রাগেব।”

নহিমিয় 1:5

সে পরেন্দি মুই কলুং, ও স্বর্গর গোজেন লগেপ্রভু, দর্‌ বুগুদ্‌ লাগেয়্যে দাঙর্‌ গোজেন, যিগুনে তরে কোচ্‌পান আর তঅ উগুম্‌ পালান্‌ তুই তারাত্তেই থুম্‌ ন-ওইয়্যে কোচ্‌পানার্‌ বেবস্থা রোক্ষ্যে গুরি থাচ্‌।

নহিমিয় 9:32

ও আমা গোজেন, তুই দাঙর্, বোলী আর দর্‌বুগ্‌ জাগেয়্যে গোজেন। তর্‌ শেজ্‌ ন-ওইয়্যে কোচ্‌পানার্‌ সুদোমানি তুই রোক্ষ্যে গুরি থাচ্‌। আসিরিয়ার রাজাগুনোর্‌ সময়ত্তুন্‌ ধুরি আরাম্ভ গুরিনে এচ্ছ্যে সং যে দুখ্‌কানি আমা উগুরে আর আমা রাজাগুনোর্‌, নেতাগুনোর্‌, ধর্মগুরুগুনোর্‌, ভাববাদীগুনোর্‌, আমা পূরোণিমানুচ্চুনোর্‌ আর তমার্‌ বেক্‌ মানুচ্চুনো উগুরে চলের্‌ সিয়েনি তঅ চোগেন্দি যেনে চিগোন্‌ বিলিনে মনে ন-গরচ্‌।

ইয়োব 10:14

যুনি মুই পাপ গরং, তুই সিয়েন্‌ খিয়েল্‌ রাগেবে আর মর্‌ দুষ্‌চান‌‌র্‌ সাজা ন-দিইনে তুই ন-ছাড়িবে।

গীতসংহিতা 103:3

তর্ বেক পাপ্পানি তে খেমা গরে; তে তর্ বেক পিড়েগানি গম্ গুরি পারে।

গীতসংহিতা 109:14

তারার পুরোণি মানুচ্চুনোর অন্যেয়র কধানি লগেপ্রভুর মনত্ থোক্; তারার মা গুনোর পাপ্পানি বাদ দিয়া ন-ওক্।

গীতসংহিতা 130:4

মাত্তর্ তইদু খেমা জিনিস্‌ছান আঘে, যেন মান্‌জ্যে তরে ভোক্তি গরন্।

গীতসংহিতা 136:10

যিবে মিসরীয়গুনোর পত্তম্ পুয়োবোরে আঘাত্ গোজ্যে তারে ভালেদি জানঅ; -তার কোচ্‌পানাগান উমরত্তে থিদেবর্ গোজ্যে-

গীতসংহিতা 136:15

মাত্তর্ ফরৌণ আর তা সৈন্যদলুনোরে তে লোহিত সাগরত্ ফেলে দিয়্যে; - তার কোচ্‌পানাগান উমরত্তে থিদেবর্ গোজ্যে।

গীতসংহিতা 25:11

মর্ অন্যেয়র বুধিবো অমকদ বেশ্, সেনত্তে ও লগেপ্রভু, তর্ নাঙান্ রোক্ষ্যে গুরিবাত্তেই মর্ সেই অন্যেয়ানি তুই খেমা গর্।

গীতসংহিতা 86:15

মাত্তর্ ও প্রভু, তুই মেয়্যেলোই ভরা দোয়্যেলু গোজেন; তুই এনেবাদে বেজার্ ন-ওজ্, তর্ অমকদ কোচ্‌পানা আর বিশ্বেজর শেজ্ নেই।

গীতসংহিতা 99:8

ও আমা গোজেন লগেপ্রভু, তুই তারার ডাগনিলোই শমক্ দিদে; তুই তারার খেমাগুরিয়্যে গোজেন ইজেবে এলে, যুনিয়ো তারার অন্যেয়র সাজা দিবাত্তে তুই ন-ছাড়স্।

যাত্রা 23:21

তুমি তার্‌ কধা শুনিবা আর সিয়েন মানি চুলিবা। তুমি তা বিরুদ্ধে মনানি ঝাগুলুক্ ন-গোজ্য। তমা উল্লোমিগানি তে মাপ্‌ ন-গুরিবো, কিত্তে মুয়ই তা সমারে আগং।

যাত্রা 23:7

সাজেয়্যে মামলাত্তুন্‌ দূরোত্‌ থেবা আর কনঅ‌ দুষ্‌ নেইয়্যে বা গম্‌ মান্‌জ্যরে মরণর সাজা-ন-দিবা। এই অন্যেয়ানি যে গুরিবো তারে মুই রেহাই ন-দিম্‌।

যাত্রা 33:19

লগেপ্রভু কলঅ‌, “মুই মর্‌ বেক্‌ আওজ্‌‌চানি তঅ মুজুঙোত্‌ তুলি ধুরিম। তর্‌ মুজুঙোত্‌ মুই মর্‌ ‘লগেপ্রভু’ নাঙান্‌ ফগদাঙ্‌ গুরিম্‌। মর্‌ যিবে গম্‌‌ লাগে তারে দোয়্যে গুরিম্‌, যিবেরে গম্‌‌ লাগে তারে মেয়্যে গুরিম্‌।

যিশাইয় 45:21

এজঅ, তমা তপ্পে যিয়েনি কবার্ আঘে সিয়েনি কঅ; তুমি এক সমারে সল্লা গরঅ। এ ঘটনাগানি যে ঘুদিবো সিয়েনি কন্না আগে কোইয়্যে? সেই বোউত্ আগেদি কন্না সিয়েনি ফগদাং গোজ্যে? মুই লগেপ্রভু কি সিয়েনি ন-গরং? মুই বাদে আর কনঅ গোজেন নেই; মুই ন্যায়বলা গোজেন, মুই উদ্ধোরগুরিয়্যে। মুই বাদে আর কনঅ গোজেন নেই।

যিরমিয় 30:11

মুই তঅ সমারে সমারে আগং আর মুই তরে উদ্ধোর গুরিম। যিদুক্কুন জাদ ভিদিরে মুই তমারে ছিদি রাগেয়োং মুই তারারে পুরোপুরি গুরিনে ভস্ত গুরিম, মাত্তর্ তমারে মুই পুরোপুরি গুরিনে ভস্ত ন-গুরিম। তো এক্কুবারে সাজা ন-দিলেয়ো মুই তমারে ন-ছাড়িম, মাত্তর্ ন্যায়বিচেরলোই মুই তমারে শাজন্ গুরিম।”

যিরমিয় 32:18

তুই আজার্ আজার্ জনরে তর্ অমকদ কোচ্‌‌‌‌পানা দেগেই থাচ্ আর বাব্‌‌পুনোর পাপর্ সাজাগানি তুই তারার্ পরেদি তারার পুয়োগুনোরে দি থাচ্। ও দাঙর্ আর খেমতাবলা গোজেন, তঅ নাঙান বেগত্তুন্ খেমতাবলা লগেপ্রভু;

যিরমিয় 9:24

মাত্তর্ যে বাড়্‌বো গুরিবাত্তে চায় তে ইয়েনিলোই বাড়্‌বো গোরোক্, তে মরে বুঝে আর হবর্ পায়, অত্তাৎ তে হবর্ পাইদে, মুয়ই লগেপ্রভু; মর্ কোচ্‌পানাগান বোউত্ আর পিত্‌থিমীত মর্ কামানি ন্যায়ে আর সততালোই ভরা। ইয়েনি পৌইদ্যেনে মুই গম্ পাং। মুই লগেপ্রভু এ কধাগান কঙর্।”‌‍

দানিয়েল 9:4

মর্ গোজেন লগেপ্রভু ইধু মুই তবনা গুরিলুং আর পাপ স্বিগের্ গুরিনে কলুং, ও প্রভু, তুয়ই দাঙর্ আর ভক্তিবলা দর্ লাগেয়্যে গোজেন। যিগুনে তরে কোচ্‌‌‌পান আর তঅ উগুমানি পালান্ তারাত্তে তুই তর্ শেজ্ ন-ওইয়্যে কোচ্‌‌‌পানার বেবস্থা রোক্ষ্যে গুরি থাচ্।

দানিয়েল 9:9

আমা প্রভু গোজেন দোয়্যেলু আর খেমাবলা, যুনিয়ো আমি তঅ বিরুদ্ধে উল্লোমী গোজ্যেই।

মীখা 6:11

যে মানুচ্চো ইধু ঠোগেবার পাল্লা আর মাবদি কম্ সীল্ আঘে তারে কি মুই নিদ্দুজি বিলি মনে গুরিম?

মীখা 7:18

তঅ ধোক্ক্যেন গোজেন আর কনজন নেই যিবে তার বাঁজি থেইয়্যে মানুচ্চুনোর পাপ আর অন্যেয়ানি খেমা গুরি দে। তুই জিংকানিবর্ রাগ্‌কান পুষি ন-রাগেচ্ বরং তর্ গভীন কোচ্‌পানা দেগাদে হুজি ওচ্।

নহূম 1:6

তার্ বেজার্ অনা মুজুঙোত্ কন্না টিগিই থেই পারে? কন্না সোজ্য গুরি পারে তার্ দর্‌গরেপারা রাগ্‌কান? তা রাগ্‌কান আগুনো ধোক্ক্যেন জ্বলে; তা মুজুঙোত্ দাঙর্ দাঙর্ শিলুন্ কট্টা কট্টা ওই যান।

মথি লেখ্যে গম্ হবর্ 12:31

ইয়েনত্তে মুই তমারে কঙর্, মান্‌জ্যর্ বেক্ পাপ্পানি আর গোজেন বিরুদ্ধে অগমানর্ কধানি খেমা গরা অবঅ, মাত্তর্ পবিত্র আত্মার বিরুদ্ধে অগমানর্ কধানি খেমা গরা ন-অবঅ।

মথি লেখ্যে গম্ হবর্ 6:12

যিগুনে আমা উগুরে অন্যেয় গরন্, আমি যেধোক্ক্যেন্ তারারে খেমা গোজ্যেই সেধোক্ক্যেন্ তুইয়ো আমার বেক্ অন্যেয়ানি খেমা গর্।

লূকে লেখ্যে গম্ হবর্ 7:42

তারার্ কারত্তুন্ কজ্জ সুজিবার্ খেমতা ন-এলঅ বিলি তে দোয়্যে গুরি দিজনরে খেমা গুরিলো। সালে কধে চাং, তারা দ্বিজনত্তুন্ কন্না সেই মাজন্নোরে বেশ্ কোচ্‌পেবঅ?”

লূকে লেখ্যে গম্ হবর্ 7:48

পরেদি যীশু সেই মিলেবোরে কলঅ, “তঅ পাপ্পানি খেমা গরা ওইয়্যে।”

প্রেরিত্‌ 13:38

ইয়েনত্যে মঅ ভেইয়ুন, তমার্ কোই পারানা দরকার, যীশুর মাধ্যমে তমা ইধু পাপর্ ক্ষেমা পানা পৌইদ্যেনে ফগদাং গরা অর্।

প্রেরিত্‌ 5:31

গোজেনে তারে রাজা আর উদ্ধোর গুরিয়্যে ইজেবে নিজো ডেন্ ডাগদি বঝিবার বাঈনী দান গোজ্যে, যাতে তে পাপত্তুন্ ইস্রায়েলীগুনোর মনানি ফিরেবার সুযোগ্ দিইনে পাপর ক্ষেমা দান গুরি পারে।

ইফিষীয় 1:7

গোজেনর্ দোয়্যে অনুসারে খ্রীষ্ট লগে মিজেইনে তার্ লোগান্দোই আমি খেমা পেইয়্যেই, অত্তাৎ পাপর্ খেমা পেইয়্যেই।

ইফিষীয় 4:32

তুমি একজন আরেক জন উগুরে দোয়্যেলু অ, অন্যর্ দুঘে দুঘি অ, আর গোজেনে যেবাবোত্যে গুরি খ্রীষ্টর্ মাধ্যমে তমারে খেমা গোজ্জ্যে সেধোক্ক্যেন গুরি তুমিয়ো একজন আরেক জনরে খেমা গরঅ।

দ্বি’লম্বর বিররণ 32:35

অন্যেয়র সাজা দিবার অধিকার মর্; যার যিয়েন পাওনা মুই তারে সিয়েনই দিম্‌। অক্ত অলেই শত্রুগুনোর টেঙানি বিঝিদি যেবঅ; তারার ভস্তর্ দিনুন্‌ তারা ইদু এই যেইয়্যে। তারাত্তে যিয়েনি ঠিগ্ গুরি রাগা ওইয়্যে, সিয়েনি যাদিগুরি তারা উগুরে এই যেবঅ।”

দ্বি’লম্বর বিররণ 7:10

মাত্তর্‌ যিগুনে তারে কোচ্‌ ন-পান তারারে ভস্ত গুরিনে তে তার্‌ হেনা উগুরোই; আর সিয়েন্‌ গত্তে তে দেরি ন-গরে।

দ্বি’লম্বর বিররণ 7:9

সেনত্যেই তুমি মনত্‌ রাগেয়ো, তমার গোজেন লগেপ্রভুই গোজেন। তারে বিশ্বেজ্ গরেদে গোজেন; যে তারে কোচ্‌পায় আর তার্‌ উগুমানি পালন্‌ গরে তারাত্তে তে যে সুদোমানি থিদেবর্ গোজ্যে সিয়েনি তে আজার্‌ আজার বংশ সং রোক্ষ্যে গরে আর তারা উগুরে তার্‌ অমকদ কোচ্‌পানা দেগায়।

ইব্রীয় 12:29

আমা গোজেনে ভস্ত গুরিয়্যে আগুনো ধোক্ক্যেন।

যিহোশূয় 24:19

এ কধাগান শুনিনে যিহোশূয় মানুচ্চুনোরে কলদে, “মাত্তর্‌ তুমি তার সেবা গুরি ন-পারিবা, কিত্যে তে পবিত্র গোজেন, তার্‌ পাওনা ভোক্তিগান্‌ তে আর কাররে পেবাত্তে ন-দিবো। তমার উল্লোমিগানি আর তমার পাপ্পানি তে খেমা ন-গুরিবো।

১ যোহন 1:9

আমি যুনি আমার পাপ্পানি স্বিগের্ গুরিই সালে তে সেক্কেনে আমার পাপ্পানি ক্ষেমা গরে আর বেক্‌ অন্যেয়ত্তুন্ আমারে সিজি গরে, কিয়া তে বিশ্বেজ্‌বলা আর কনদিনঅ অন্যেয় ন-গরে।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”