যাত্রা 34:6 - Chakma Bible

⁶ তে মোশি মুজুঙেন্দি এ কধাগান্‌ ফগদাঙ্‌ গুরি গুরি গেলঅ‌, “লগেপ্রভু, লগেপ্রভু, তে মেয়্যেলোই ভরা আর দোয়্যের্‌ গোজেন। তে সহজে বেজার্‌ ন-অয়। তার্‌ অমকদ কোচ্‌পানা আর বিশ্বেজর্‌ দুযি নেই।

যাত্রা 34:6 Iomraidhean Croise

পত্থম 24:27

“ধৈন্য লগেপ্রভু, যিবে মর্‌ গিরোজ্‌ অব্রাহামর গোজেন! তে মঅ গিরোজ্‌সোরে তার দিয়্যে কধাগান রাগেবাত্তে আর বিশ্বেজছান্‌ দেগেবাত্তে ভুলি ন-যায়। মরেয়ো তে পথতান্‌ দেগেইনে মর্‌ গিরোজ ভেইবো ঘরত্‌ আন্যে।”

২ শমূয়েল 24:14

সেক্কে দায়ূদে গাদরে কলঅ, “মুই অমকদ দজাত্ পোজ্যং। মুই যেনে মান্‌জ্যর্ আঢত্‌ ন-পড়ং; তাত্তুন্‌ বরং এজঅ, আমি লগেপ্রভুর আঢত্‌ পুড়িই, কিত্যে তার দোয়্যে থুম্ ন-ওইয়্যে।”

১ রাজাবলী 19:11

সেক্কে লগেপ্রভু কলঅ, “তুই বারেন্দি যেইনে মুড়োবো উগুরে মঅ মুজুঙোত্ থিয়্যে।” সে অক্তত্‌ লগেপ্রভু সে পথ্‌তানন্দি যার্‌, আর তা মুজুঙোন্দি এক্কান জদবদে দরমর বোইয়্যের্‌ মুড়োগুনোরে চিরিনে দ্বিভাগ গুরিলো আর বেক্ পাত্তরুন ভাঙিনে কট্টা কট্টা গুরিলো, মাত্তর্‌ সে বোইয়্যেরান ভিদিরে লগেপ্রভু ন-এলঅ। সে বোইয়্যেরান পরেন্দি এক্কান্‌ ভূজোল্‌ বেলঅ, মাত্তর্‌ সে ভূজোলান ভিদিরেয়ো লগেপ্রভু ন-এলঅ।

১ রাজাবলী 8:30

এ জাগান ইন্দি ফিরিনে তর্‌ চাগর্‌ আর তঅ মানুচ্‌ ইস্রায়েলীয়গুনে যেক্কে কোজোলি গুরিবাক্‌ সেক্কে সিয়েনত্‌ তুই কান পাদিচ্‌। তর্‌ থেবারঘর স্বর্গত্তুন্‌ সিয়েনি তুই শুনোচ্‌ আর তারারে ক্ষেমা গুরিচ্‌।

২ বংশধর 30:9

যুনি তুমি লগেপ্রভু ইদু ফিরি এজঅ সালে তমা ভেই আর ঝি-পুয়োগুনোরে যিগুনে বন্দী গুরি রাগেয়োন্‌ তারা সিগুনো উগুরে দোয়্যে দেগেবাক্‌। সেক্কে তারা এ দেজত্‌ ফিরি এই পারিবাক্‌, কিত্তে তমা গোজেন লগেপ্রভুর দোয়্যে আর মেইয়্যে ভরা। তুমি তাইদু ফিরি এলে তে তার্‌ মুয়োন্‌ ফিরেই ন-রাগেব।”

নহিমিয় 9:17

তারা বাধ্য থেবাত্তে অস্বীগের্‌ গোজ্যন্‌, আর যেদক্কানি আমক্‌ অবার্‌ কাম্‌ তুই তারার্‌ ভিদিরে গোজ্যস্‌ সিয়েনিয়ো তারা মনত্‌ ন-রাগান্‌। তারা একগেয়েমি গুরিনে আরঅ চাগর্‌ কাদিবাত্তে মিসরত্‌ ফিরি যেবাত্তে এক্কো নেতারে নেযেয়োন। মাত্তর্‌ তুই ক্ষমাশীল গোজেন, দোয়্যেবান আর মেয়্যের্‌ ভরা; তুই সহজে বেজার্‌ ন-অস্‌ আর তর্‌ কোচ্‌পানা শেজ্‌ ন-ওইয়্যে। সেনত্তেই তুই তারারে ছাড়ি ন-যাজ্‌।

গীতসংহিতা 108:4

কিত্তে তর্ অমকদ কোচ্‌পানাগান আগাজত্তুন্ বেশ্ অজল্, তর্ বিশ্বেজ্‌ছান মেঘঅ উগুরেয়ো লুমেগোই।

গীতসংহিতা 111:4

তে তার্ আমক্ অইদে কামানি নাঙ্ গিনেদে ধোক্ক্যেন্ রাগেল; তে দোয়্যে-মেয়্যেন্দি ভরা।

গীতসংহিতা 111:8

সে সুদোমানি উমরত্তে থিদেবর্; সিয়েন বিশ্বেজে আর গমেডালে থিদেবর্ গরা ওইয়্যে।

গীতসংহিতা 112:4

যে মনেদি দোল্ তাত্তে আন্ধারত্‌অ পহর্ দেগে, কিত্তে তে দোয়্যে-মেয়্যেলোই ভরা আর গম।

গীতসংহিতা 116:5

লগেপ্রভু দোয়্যেবলা আর গম্; আমা গোজেনে দোয়্যে-মেয়েন্দি তুজিমপুরো।

গীতসংহিতা 138:2

তঅ পবিত্র ঘরান্ ইন্দি মুই মাঢাবো নিগিরিম্, তর্ কোচ্‌পানা আর বিশ্বেজত্তে তরে বাঈনী গুরিম; কিত্তে তর্ এগেমান্ পুরোণার্ মাধ্যমে তুই নিজোরে যেবাবোত্যেগুরি ফগদাং গোজ্যস্ সিয়েন তর্ নাঙ্ গিনেনাত্তুন্‌অ বেজ্ দাঙর্।

গীতসংহিতা 145:8

লগেপ্রভু দোয়্যে-মেয়্যেলোই তুুজিমপুরো; তে এমনে বেজার্ ন-অয় আর তার অমকদ কোচ্‌পানার দুযি নেই।

গীতসংহিতা 146:6

লগেপ্রভু আগাজ্ আর পিত্‌থিমীগান, সাগর আর তা ভিদিরে বেক্কানি বানেয়্যে; তে উমরত্যে বিশ্বেজি থায়।

গীতসংহিতা 31:19

তুই যে ভালেদি গোজ্যস্ সিয়েন কত্তমান দাঙর্ কাম্! যিগুনে তরে ভোক্তি গরন্ তারাত্তেই তুই সিয়েন তুলি রাগেয়োচ্; তইদু আশ্রয় লোইয়্যেগুনোরে তুই সে ভালেদিগানি গুরি থাচ্, আর সিয়েনি গুরিবে বেক্কুনো মুজুঙোত্।

গীতসংহিতা 57:10

কিত্তেই তর্ অমকদ কোচ্‌পানাগান যেন দেবাবো ইদু লুম্মেগোই, তর্ বিশ্বেজছান মেঘ উগুরে লুম্মেগোই।

গীতসংহিতা 86:15

মাত্তর্ ও প্রভু, তুই মেয়্যেলোই ভরা দোয়্যেলু গোজেন; তুই এনেবাদে বেজার্ ন-ওজ্, তর্ অমকদ কোচ্‌পানা আর বিশ্বেজর শেজ্ নেই।

গীতসংহিতা 86:5

ও প্রভু, তুই মংগলময় আর খেমাগুরিয়্যে; যিগুনে তরে ডাগন্ তারা উগুরে তুই কোচ্‌পানালোই ভরা।

গীতসংহিতা 91:4

তার ডুয়োনিলোই তে তরে ঢাগি রাগেব, তার ডুয়োগানির তলে তুই আশ্রয় পেবে; তার বিশ্বেজ্‌ছান তর্ ঢাল আর কিয়্যে রোক্ষ্যেগুরিয়্যে ঢাল অবঅ।

যাত্রা 20:5

তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্তে বানা মুয়ই লগেপ্রভু তমার্‌ গোজেন। মর্‌ পাওনা ভোক্তিগান মুই চাং। যিগুনে মরে ঘিনেন্‌ তারার্‌ পাবর্‌ সাজা-মুই তারারে তিনোত্তুন্‌ ধুরি চের্‌ পুরুষ সং দুয়োং।

যাত্রা 22:27

কিত্তে সিয়েন তার্ কিয়্যেত্‌ দিবাত্তে বানা এক্কান্‌ কাবড়্‌। সিয়েন ন-থেলে তে কি কিয়্যেত্‌ দিইনে ঘুমোত্‌ পুরিবো? যুনি তে ইয়েনত্তে মইদু কানে সালে মুই তার্‌ কানানিগান শুনিম, কিত্তে মর্‌ মনান্‌ দোয়্যেলোই ভরা।

যাত্রা 33:19

লগেপ্রভু কলঅ‌, “মুই মর্‌ বেক্‌ আওজ্‌‌চানি তঅ মুজুঙোত্‌ তুলি ধুরিম। তর্‌ মুজুঙোত্‌ মুই মর্‌ ‘লগেপ্রভু’ নাঙান্‌ ফগদাঙ্‌ গুরিম্‌। মর্‌ যিবে গম্‌‌ লাগে তারে দোয়্যে গুরিম্‌, যিবেরে গম্‌‌ লাগে তারে মেয়্যে গুরিম্‌।

গম্ উপদেজ্ 3:3

বিশ্বেজ্‌চান আর গম কামানিয়ে যেন কনদিন্অ তরে ছাড়িনে ন-যায়; তঅ গত্তনাত্ সিয়েনি বানি রাগা, তঅ মন খাতাদ্ সিয়েনি লিগি রাগা।

উপদেশক 8:11

অন্যেয় কামর্ সাজা যুনি যাদিমাদি দিয়্যে ন-অয় সালে মানুচ্চুনোর্ মনানি অন্যেয় গুরিবাত্তে পুরোপুরি যুক্কোল্ অয়।

যিশাইয় 12:4

সেদিন্যে তুমি কবা, “লগেপ্রভুরে ভালেদি জান, তা গুণোর্ কধানি ফগদাং গরঅ; তে যিয়েনি গোজ্যে সিয়েনি বেক্ জাদ্‌তুনোরে জানঅ‌‌ আর ফগদাং গরঅ, তে দাঙর্।

যিশাইয় 65:16

দেজ ভিদিরে যে কনঅ মান্‌জ্যে বর্ পেবাত্তে চেবঅ তে সত্যময় গোজেন ইদু সিয়েন চেবঅ; দেজঅ ভিদিরে যে কনজনে শমক্ হেবাক্ তে সত্যময় গোজেন নাঙে সিয়েন গুরিবো; কিত্তে মানুচ্চুনে আগ দুঘ্‌‍‍কানি ভুলি যেবাক্ আর মঅ চোগো মুজুঙোত্তুন্ সিয়েনি লুগেই তুয়ো অবঅ।

যিরমিয় 32:18

তুই আজার্ আজার্ জনরে তর্ অমকদ কোচ্‌‌‌‌পানা দেগেই থাচ্ আর বাব্‌‌পুনোর পাপর্ সাজাগানি তুই তারার্ পরেদি তারার পুয়োগুনোরে দি থাচ্। ও দাঙর্ আর খেমতাবলা গোজেন, তঅ নাঙান বেগত্তুন্ খেমতাবলা লগেপ্রভু;

যিরমিয় 9:24

মাত্তর্ যে বাড়্‌বো গুরিবাত্তে চায় তে ইয়েনিলোই বাড়্‌বো গোরোক্, তে মরে বুঝে আর হবর্ পায়, অত্তাৎ তে হবর্ পাইদে, মুয়ই লগেপ্রভু; মর্ কোচ্‌পানাগান বোউত্ আর পিত্‌থিমীত মর্ কামানি ন্যায়ে আর সততালোই ভরা। ইয়েনি পৌইদ্যেনে মুই গম্ পাং। মুই লগেপ্রভু এ কধাগান কঙর্।”‌‍

আবিলেচ্ 3:23

পত্তিদিন বেন্যেমাদান্ সিয়েন নুয়ো ওইনে দেগা দে; তার বিশ্বেজ্‌চান দাঙর্।

যোয়েল 2:13

তমা পোজাক্কানি ন-ফাদিনেই মনান্ ফাদি ফেলঅ। তমা গোজেন লগেপ্রভু ইধু ফিরি এজঅ, কিত্যে তে দোয়্যেবলা আর মেয়্যেলোই ভরা; তে সহজে বেজার্ ন-অয়, তার অমকদ কোচ্‌‌পানার দুযি নেই আর তে মনান্ বুদুলিনে আর্ সাজা ন-দে।

যোনা 4:2

তে লগেপ্রভু ইধু তবনা গুরিনে কলঅ, “ও লগেপ্রভু, মুই দেজত্ থাগদে হবর্ পেদুং যে, এবাবোত্যে অবঅ। সেনত্তে দঅ মুই পত্তমে তর্শীশোত্ ধেই যাঙর্। মুই হবর্ পেদুং যে, তুই দোয়্যেবলা আর মেয়্যেলিবলা গোজেন, তুই সহজে বেজার্ ন-অচ্, তর্ অমকদ কোচ্‌পানার দুযি নেই আর সাজা দেনার্ পৌইদ্যেনে মনান্ বুদুলি থাচ্।‌

মীখা 7:18

তঅ ধোক্ক্যেন গোজেন আর কনজন নেই যিবে তার বাঁজি থেইয়্যে মানুচ্চুনোর পাপ আর অন্যেয়ানি খেমা গুরি দে। তুই জিংকানিবর্ রাগ্‌কান পুষি ন-রাগেচ্ বরং তর্ গভীন কোচ্‌পানা দেগাদে হুজি ওচ্।

মীখা 7:20

ভালোক্ দিন আগেদি তুই আমা পুরোণি মানুচ্চুনো ইধু যেবাবোত্যে শমক্ হেইয়োচ্ সেবাবোত্যেগুরি তুই অব্রাহাম আর যাকোব বংশগুনো ইধু বিশ্বেজি থেবে আর তর্ গভীন কোচ্‌পানা দেগেবে।

নহূম 1:3

লগেপ্রভু সহজে বেজার্ ন-অয় আর তে খেমতান্দি দাঙর্; দুষীরে তে সাজা ন-দিইনে ইরি ন-দে। তা পথ্‌‌‌তান তুট্ট্যেবোইয়্যের্ আর ঝড় ভিদিরে থায়, আর মেঘ্‌‌‌কান অলঅ তার টেঙর্ ধূল্যে।

গণাণা 12:8

মুই তা সমারে মুজুঙো-মুজুঙি দোলেডালে কধা কং, কনঅ ভানালোই নয়। লগেপ্রভু যেধোক্ক্যেনগুরি দেগা দে তে সিয়েন্‌ দেগে। ইয়েনর পরেদিয়ো তুমি মর্‌ চাগর্‌ মোশির্‌ বিপক্ষে কধা কধে ন-দোরেলা?”

যোহন 1:17

মোশির্ মাধ্যমে রীদি-সুদোম দিয়্যে ওইয়্যে, মাত্তর্ যীশু খ্রীষ্টর্ মাধ্যমে দোয়্যে আর সত্য এচ্চ্যে।

রোমীয় 2:4

তুই দঅ গোজেনর্ দোয়্যে, সোজ্যগুন্ আর ধৈজ্জ্যগানিরে ঈচ্ গোজ্জ্যস্। তুই পুরি ফেল্ল্যচ্ গোজেনর্ এ দোয়্যের্ উদ্দেচ্চ্য অলঅ তরে পাপত্তুন্ মন ফিরেবার পদথ্ আনানা।

দ্বি’লম্বর বিররণ 32:3

মুই লগেপ্রভুর নাঙান্‌ ফগদাং গুরিম্‌। তুমি আমার গোজেনর মহিমা-গান গরঅ।

দ্বি’লম্বর বিররণ 4:31

তমা গোজেন লগেপ্রভু দোয়্যেবলা; তে তমারে ফেলেইনে ন-যেবঅ বা ভস্ত ন-গুরিবো, বা শমক্‌ খেইনে তমা পুরোণি মানুচ্চুনোত্তে যে সুদোমানি থিদেবর্ গোজ্যে সিয়েনি ভুলি ন-যেবা।

দ্বি’লম্বর বিররণ 5:10

মাত্তর্‌ যিগুনে মরে কোচ্‌পান আর মর্‌ উগুমানি পালান্‌ আজার্‌ আজার্‌ বংশ সং তারা উগুরে মর্‌ অমকদ কোচ্‌পানাগান্ থেবঅ।

যাকোব 5:11

যিগুনে ধৈয্য ধুরিনে সোজ্জ্য গোজ্জ্যন তারারে আমি বর্ পেইয়্যে কোই। তুমি ইয়োবর্ ধৈয্যর্ কধা শুন্ন্য আর প্রভুর কামর শেজ্ ফল যে গম সিয়েন্‌অ দেক্ক্য। প্রভুর দোয়্যে আর মেয়্যের্ শেজ্ নেই।