যাত্রা 34:25 - Chakma Bible

²⁵ “যেক্কে তুমি মর্‌ নাঙে য়েমানর্ লো উৎসর্ব গুরিবা সেক্কে সিয়েনর্‌ লগে যেন সদা দিয়্যে কনঅ‌ কিজু উৎসর্ব গরা ন-অয়। উদ্ধোর-পরবর্‌ উৎসর্ব-গোজ্যে কনঅ‌ কিজু বেন্যেমাদান্ সং যেনে পড়ি ন-থায়্‌।”

যাত্রা 34:25 Iomraidhean Croise

যাত্রা 12:10

বেন্যে সং সিয়েনির্‌ কনঅ কিজু ফেলেই ন-রাগেয়ো। যুদি কিজু বাগী থায় সালে সিয়েনি আগুনোত্‌ পুড়ি ফেলেবা।

যাত্রা 12:20

তুমি যিয়োদ থেদা সাৎ এ সাত্‌ দিন সং তুমি সদা মিজেয়ে কনঅ কিজু ন-হেবা; পিদেয়ো হেবাদে সদা ন-মিজেইয়্যে।”

যাত্রা 12:8

সেই রেদোত্ তারা সেই এরানি আগুনোত্‌ সিগিনে সদানেইয়্যে পিদে আর তিদে শাগ লগে হেবাক্।

যাত্রা 23:18

যেক্কে তুমি মর্‌ নাঙে য়েমানর্‌ লো উৎসর্ব গুরিবা সেক্কে সিয়েনর্‌ লগে যেন কনঅ‌ সদা-দিয়্যে পিদে উৎসর্ব গরা ন-অয়। পরবর্‌ অক্তত্‌ মর্‌ নাঙে যিদুক্কুন য়েমান উৎসর্ব গুরিবা সিয়েনর্‌ কনঅ‌ তেল্‌বলা ভাগ্ যেনে বেন্যে সং পড়ি ন-থায়।

যাত্রা 29:34

এই অদেঅদে-অনুষ্ঠানর্‌ ভেড়াছাগলর্‌ কনঅ‌ য়েরা বা রুটি যুনি বেন্যেমাদান্ সং থেই যায়্‌ সালে সিয়েনি পুড়ি ফেলা পুরিবো। সিয়েনি যেনে কনজনে ন-হান্, কিত্তে সিয়েনি পবিত্র হানা।

লেবীয় 2:11

“লগেপ্রভুর্ নাঙে শোজ্য-উৎসর্বত্তে তারা যিয়েনি আনিবাক্ সিয়েনি যেনে সদা ন-দিইনে বানেই দিয়্যে অয়। লগেপ্রভুর্‌ নাঙে আগুন্দোই-গোজ্যে উৎসর্বর্ জিনিজো ভিদিরে সদা বা মধু দিয়্যে ন-পুরিবো।”

লেবীয় 7:15

কৃতজ্ঞতা জানেবার্‌ এ উৎসর্বর য়েরাগান উৎসর্বর্‌ দিনোত্‌ হেই ফেলা পুরিবো, বেন্যেমাদান সং সিয়েন্‌ থোই ন-পারিবো।

গণাণা 9:12

বেন্যেমাদান সং কিচ্ছু ফেলে রাগেই ন-পারিবো বা কনঅ আড়্ ভাঙি ন-পারিবো। উদ্ধোর অনার-পরপ্পো পালেবার্‌ সময়োত্‌ বেক্‌ সুদোমানি তারাত্তুন্‌ মানি চলা পুরিবো।

মথি লেখ্যে গম্ হবর্ 13:33

যীশু তারারে আর এক্কো হিত্ত্য কুয়ো ধুরিলো। “স্বর্গ-রেজ্যগান্ এবাবোত্যে। এক্কো মিলে সদা লোইনে আদার কেজি মোয়দ্যে লগে মিজেল। সেনে বেক্ মোয়দ্যেগান্ ফুলি উদিলো।”

দ্বি’লম্বর বিররণ 16:3

সে য়েমানর য়েরাগান তুমি সদা দিয়্যে পিদেলোই ন হেবা। সাত দিন সং তমাত্তুন্‌ দুখ্‌-কট্টগানি ইদোত্‌ তুলিনে সদাছাড়া পিদে হা পুরিবো, কিত্যে দরে যাদিমাদি গুরিনে তুমি মিসর দেজ্‌ছান ছাড়িনে এই যেয়োগোই। ইয়েন্দোই মিসর দেজত্তুন নিগিলি এজানার কধাগান তমাত্তুন সারা জীংকানিবর্‌ মনত্‌ থেবঅ।

দ্বি’লম্বর বিররণ 16:4

এ সাত দিন সং গোদা দেজছানত্‌ তমা ভিদিরে যেন সদা দিয়্যে কনঅ কিজু পাহ্ ন যায়। পরবর্‌ পত্তম দিন্নোত্‌ বেন্যে মাদান্ তুমি যে য়েরাগান উৎসর্ব গুরিবা সিয়েন যেনে বেন্যে মাদান্ সং পড়ি ন থায়।