যাত্রা 34:21 - Chakma Bible

²¹ “সাপ্তায়্‌ ছয়দিন তুমি কাম্‌ গুরিবা মাত্তর্‌ সাত্‌ দিনোত্‌ জিরেবা। এমন্‌ কি, চাষ গুরিবার্‌ আর ফসল কাবিবার্‌ অক্তত্‌অ সিয়েন্‌ গরা পুরিবো।”

যাত্রা 34:21 Iomraidhean Croise

পত্থম 45:6

ভাদ-রাদ্ চলের্‌ এ দ্বিবজর ধুরিনে। ইবে আরঅ পাঁজ্‌ বজর্‌ সং চুলিবো। সেক্কে খেত-খেত্তি লাগেই ন-পারিবাক্‌ কাবিয়ো ন-পারিবাক্‌।

নহিমিয় 13:15

সে অক্তত্‌ মুই দেগিলুঙ্‌ যিহূদার মানুচ্চুনে জিরেবার্‌ দিন্নোত্‌ আংগুর-মারেদে কাম্‌ গোজ্যন্‌ আর খেত্‌খেত্তি আনদন্‌ আর সেই খেত্‌খেত্তিগানি, আংগুর-রসছানি, আংগুর, ডোমোর্‌ আর অন্য নানান্‌ বাবোত্যে বুধি তারা গাধা উগুরে তুলি দুয়োন্‌। ইয়েনিবাদেয়ো তারা জিরেবার্‌ দিন্নোত্‌ সিয়েনি যিরূশালেমত্‌ আন্যন্‌। সেনত্তেই জিরেবার্‌ দিনোত্‌ হানা জিনিস বিজিবার্‌ পৌইদ্যেনে মুই তারারে উজিয়ার্‌ গুরিলুঙ্‌।

যাত্রা 23:12

তুমি সাপ্তায় ছয়দিন কাম্‌ গুরিবা মাত্তর্‌ সাত দিনোত্‌ কনঅ‌ কাম্‌ ন-গুরিবা। সেক্কে তমার্‌ গোরু আর গাধাগুনে জিরেন্‌ পেবাক্‌ আর তমা ঘরত্‌ জোর্মেয়োন এধোক্ক্যেন চাগর্‌ বা চাগরানী আর অন্য জাদর্‌ মানুচ্চুনেয়ো কামত্তুন্‌ জিরেন পেবাক্‌।

যাত্রা 31:15

তুমি সাপ্তায়্‌ ছয়দিন কাম্‌ গুরিবা মাত্তর্‌ সাত্‌ দিনোত্‌ অবদে জিরেবার্‌ দিন, আর লগেপ্রভুর নাঙে সিবে এক্কো ফারক্‌ গুরি রাগেয়্যে দিন। যুনি কনজনে এ দিন্নোত্‌ কাম্‌ গরন্‌ সালে তারে মারে ফেলা পুরিবো।

যাত্রা 35:2

সাপ্তায়্‌ ছয়দিন তুমি কাম্‌ গুরিবা মাত্তর্‌ সাত দিন্নো অবদে তমার্‌ এক্কো যুদো গুরি রাগেয়্যে দিন, লগেপ্রভুর্‌ নাঙে জিরেবার্‌ দিন। সেই দিনোত্‌ যে কাম্‌ গুরিবো তারে মারে ফেলা অবঅ‌।

যিশাইয় 30:24

তমার্ পালেয়্যে গোরু আর গাধাগুন জাব্‌নার লগে কুলো আর চালোন্দোই ঝাজ্যে কলাই হেবাক্।‍‌

লেবীয় 23:3

সাপ্তায় ছদিন তুমি কাম্‌ গুরি পারিবা মাত্তর্‌ সাত দিনোত্‌ অবঅ জিরেবার্‌ দিন, অত্তাৎ পবিত্র মিলন-সভার দিন। এ দিনোত্‌ তুমি কনঅ কাম্‌ ন-গুরিবা। তুমি যিয়েনত্‌ বজত্তি গত্তা সাৎ এ দিন্য অবঅ লগেপ্রভুর নাঙে জিরেবার্‌ দিন।”

লূকে লেখ্যে গম্ হবর্ 13:14

যীশু জিরেবার্ দিনোত্ গম্ গোজ্যে বিলি সমাজ-ঘর নেতাবো তোচ্চ্যে পেইনে মানুচ্চুনোরে কলঅ, “কাম্ গুরিবাত্যে দঅ ছয় দিন আঘে। সেনত্তে জিরেবার্ দিনোত্ ন-এইনে সেই ছয় দিনো ভিদিরে এইনে গম্ অ।”

লূকে লেখ্যে গম্ হবর্ 23:56

সে পরেদি তারা ফিরি যেইনে তা কিয়্যেগানত্তে তুম্বাজ্ মজলা আর মলম্ বানেলাক্। ইয়েনর্ পরেদি তারা মোশির উগুম্ মজিম্ জিরেবার্ দিনোত্ জিরেলাক্।

দ্বি’লম্বর বিররণ 21:4

যিয়েনত্ কনদিনঅ চাষ গরানা আহ্‌ বীজ্ ফেলানা ন অয় আর যিয়েনত্‌ এক্কান গাঙ্‌ বেঈ যার্‌, গোরু ছবোরে সেধোক্ক্যেন এক্কান কিঝিঙোত্‌ তারাত্তুন্‌ নেযা পুরিবো। সে কিঝিঙোত্‌ তারা গোরু ছবোরে গত্তনা ভাঙি দিবাক।

১ শমূয়েল 8:12

তে নিজোত্তে কেওরে আজার সৈন্য উগুরে, কেওরে পঞ্চাশজন সৈন্য উগুরে সেনাপতি ইজেবে নেযেল। অন্যগুনোরে তে তার ভূইয়ো চাজঅ কামত্‌ আর ক্ষেত্‌-ক্ষেত্তি কাবিবার কামত্‌ আর যুদ্ধোর অাত্যেরানি আর রথর্ জিনস্‌চানি বানেবার কামত্‌ লাগেব।