যাত্রা 34:2 - Chakma Bible

² বেন্যেমাদান্ যুক্কোল্‌ ওইনে তুই সিনাই মুড়োবোত্‌ উদিবে। সিদু মুড়োবো মাদাত্‌ তুই মঅ মুজুঙোত্‌ আঝিল্ অবে।

যাত্রা 34:2 Iomraidhean Croise

যাত্রা 19:18

সে পরেন্দি সিনাই মুড়োবো ধূমোলোই নাঢি গেলঅ‌, কিত্তে লগেপ্রভু মুড়োবো উগুরে আগুনো ভিদিরেত্তুন্‌ লামি এলঅ‌। চুলোত্তুন্‌ যেধোক্ক্যেনগুরি ধূমো উদে ঠিগ্ সেধোক্ক্যেন গুরি ধূমো উদো ধুরিলো আর পুরো মুড়োবো অমহদ গুরি গির্‌গিরা ধুরিলো।

যাত্রা 19:20

লগেপ্রভু সিনাই মুড়োবো মাদাথ্‌ লামি এইনে মোশিরে ডাগিলো আর মোশি মুড়োবো উগুরে উদিলোগোই।

যাত্রা 19:24

সেক্কে লগেপ্রভু মোশিরে কলঅ‌, “তুই তলেন্দি লামি যাগোই। সে পরেন্দি তুই আর হারোণে আরঅ‌ উগুরে উদি এজগোই। মাত্তর্‌ ধর্মগুরুগুনে বা মানুচ্চুনে যেনে দুঝি ভাঙিনে মইদু উদি ন-এজন্‌। সিয়েন্‌ গুরিলে মুই তারারে জদবদে সাজা-দিম্‌।”

যাত্রা 24:12

সে পরেদি লগেপ্রভু মোশিরে কলঅ‌, “তুই মুড়োবো উগুরে মইদু উদি এইনে কানক্ষণ্‌ ইয়োদোই থাগ। মানুচ্চুনোরে শিক্ষ্যে দিবাত্তে পাত্তরর্‌ যে ফলক্কো উগুরে মুই রীদি-সুদোম আর উগুম্‌ লিগি রাগেয়োং সিয়েনি মুই তরে দিম্‌।”

দ্বি’লম্বর বিররণ 9:25

লগেপ্রভু তমারে ভস্ত গুরি দিবার্‌ কধা কোইয়্যে বিলিনে মুই সে চোল্লিশ দিন আর চোল্লিশ রেত্‌ সং লগেপ্রভুর মুজুঙোত্‌ আদুপাড়িনে পুড়ি রোইয়োং।