যাত্রা 34:16 - Chakma Bible

¹⁶ ইয়েনিবাদে তুমি তারার্‌ ঝিগুনো সমারে যেক্কে তমার্‌ পূঅগুনোরে মেলা গুরি দিবা সেক্কে সেই বেক্‌ মিলেগুনে ভান্ন্যেই মনভাব্‌‌পোই তারার্‌ দেব-দেবেদা পূজোত্‌ নিজোরে তুলি দিবাক্‌ আর তমার পূঅগুনোরেয়ো সেক্কে টানি নেযেবাক্।

যাত্রা 34:16 Iomraidhean Croise

পত্থম 24:3

যিবে স্বর্গ আর পিত্‌থিমীয়ানর্ গোজেন সেই লগেপ্রভু ইধু মুই তরে এ শমত্‌ গরাঙর্‌: মুই যে কনানীয়গুনো ইধু বজত্তি গরঙর্‌ তারা ভিদিরেত্তুন্‌ কনঅ মিলেরে মঅ পুয়োবোর্‌ মোক্‌ ইজেবে তুই বেঈ ন-লবে।

১ রাজাবলী 11:1

রাজা শলোমনে ফরৌণর ঝিবো বাদে আরঅ ভালোক্কুন্ বিদেশী মিলেরে কোচ্‌পেদঅ। তারা জাদে অলাক্কে মোয়াবীয়, অম্মোনীয়, ইদোমীয়, সীদোনীয় আর হিত্তীয়।

১ রাজাবলী 21:25

মোক্কোর্‌ ভেজে দেনালোই লগেপ্রভুর চোগোত্‌ যিয়েনি ভান্ন্যেই আহাবে সিয়েনি গুরিবাত্তে নিজোরে বিজি দিয়্যে। তা ধোক্ক্যেন্ আর কনজনে এবাবোত্যে কাম্‌ ন-গরন্‌।

২ বংশধর 21:11

তে যিহূদার মুড়োগুনো উগুরে পূজোর্‌ অজল্‌ জাগায়ান্‌ বানেল আর তাত্তে যিরূশালেম মানুচ্চুনে বানেয়্যে মূত্তি পূজোবোত্‌ নিজোরে দিলাক্‌ আর যিহূদার মানুচ্চুনে অন্য পধেদি গেলাক্‌।

ইষ্রা 9:12

সেনত্যেই তমা ঝিগুনোরে তারার্ পুয়োগুনো সমারে বৌ ন দুয়ো বা তমা পুয়োগুনোত্যে তারার্ ঝিগুনোরে ন নেযেয়ো আর কনদিন্অ তারার্ মংগল বা ভালেদির্ চেট্ট্যা ন-গোজ্য। ইয়েন্দোই তুমি বোলী অবা আর ভূইয়োর্ গম গম জিনিস হেই পারিবা আর উমরর্ অধিকার ইজেবে দেজ্‌‌চান্ তমার্ পুয়ো-ঝিগুনোত্যে থোই যেই পারিবে।

ইষ্রা 9:2

তারা নিজোরে আর তারার্ পুয়োগুনোত্যে মোক্ ইজেবে সেই জাদর্ মিলেগুনোরে মানি লোইয়োন, আর এবাবোত্যেগুরি তারার্‌ সুদ্ধো-সাংগ জাদরে সেই জাদ্‌‌তুনো সমারে মিজেই ফেল্যন্। এন্ কি, নেতাগুনে আর দাঙর্ পোজিশনর্ কামগুরিয়্যেগুনে পত্তমে এই অবিশ্বেজর্ পথ্‌‌তান্ দেখ্যন।”

নহিমিয় 10:30

আমি আমা কায়-কুরে জাদ্‌‍‍তুনোর্‌ লগে আমা ঝিগুনোরে বৌ ন-দিবোং বা আমা পূঅগুনোত্তে তারার্‌ ঝিগুনোরে বৌ ন-নিবোং।

নহিমিয় 10:31

জিরেবার্‌ দিনোত্‌ বা অন্য কনঅ পবিত্র দিনোত্‌ যুনি কায়-কুরে জাদর্‌ মানুচ্চুনে কনঅ পযাপিরা বা শোজ্য বিজিবাত্তে লোই এজন্‌ সালে তারাত্তুন্‌ আমি সিয়েনি ন-কিনিবোং। পত্তি সাত্‌ মাজত্‌ আমি ভূইয়ো চাষ্‌ ন-গুরিবোং আর বেক্‌ কজ্জগুন্‌ মাপ্‌ গুরি দিবোং।

নহিমিয় 13:23

সে অক্তত্‌ মুই ইয়েন দেগিলুঙ্‌, যিহূদার কনঅ কনঅ মানুচ্‌ অস্‌দোদ, অম্মোন আর মোয়াবর ঝিগুনোরে লোইয়োন্‌।

নহিমিয় 13:25

মুই তারারে গেইল্‌ দিলুঙ্‌ আর কলুঙ্‌ তারা উগুরে যেনে অভিশাব্ লামি এজে। তারার্‌ কয়েক্কো মান্‌জ্যরে মুই মারিলুঙ্‌ আর চুলানি উগুরে ফেলেলুঙ্‌। গোজেনর নাঙে মুই তারারে দিইনে এ শমক্‌কান্ গোরেলুঙ্‌, তারা বিদেশী পূঅগুনোর্‌ লগে তারার্‌ ঝিগুনোরে বুয়ো ন-দিবাক্‌ আর নিজে বা তারার্‌ পূঅগুনে বিদেশী মিলেগুনোরে ন-লবাক্‌।

গীতসংহিতা 106:39

ইয়েনি গুরিনে তারা নিজোরে ফি বলা বানেলাক্; তারার্ কামানিলোই তারা লগেপ্রভু ইদু অবিশ্বেজি অলাক্।

হোশেয় 1:2

হোশেয়র্ মাধ্যমে পত্তমবার্ কধা কবার সময়োত্ লগেপ্রভু তারে কলঅ, “তুই যেইনে এক্কো বেশ্যে মিলেরে লঅ। তার বেশ্যেমি গরানার পুয়ো-ছাগুনোরেয়ো মানি লবে, কিত্যে এ দেজ্‌‌চান লগেপ্রভুত্তুন্ সুরি যেইনে বেগত্তুন্ জঘন্য বেশ্যের্ দুষে দুষী ওইয়্যে।”

লেবীয় 21:15

যেনে তে পুরো বংশর্‌ ভিদিরে তার্‌ নিজোর্‌ ঝি-পূঅগুনোরে যুদো গোজ্যে অবস্থাত্তুন্‌ সাধারন অবস্থাত্‌ লামেই ন-আনে। মুই লগেপ্রভু, মুয়ই দাঙর্‌ ধর্মগুরুগুনোরে মর্‌ নাঙে যুদো গুরি রাগেয়োং।”

যিহোশূয় 23:12

মাত্তর্‌ এ জাদ্‌তুনো ভিদিরে যিদুক্কুন্‌ মানুচ্‌ পরাণে বাঁজি যেইনে তমা ভিদিরে আগন্‌ তুমি যুনি লগেপ্রভুরে ছাড়িনে তারা সমারে মিজো, বা তারা সমারে বৌ দেনার কুদুম্মোগান্ থিদে গরঅ, বা তারা সমারে মিজো,

যিহোশূয় 23:13

সালে তুমি এ কধাগান গমেডালে জানি লঅ‌, তমা গোজেন লগেপ্রভু এ বেক্‌ জাদ্‌তুনোরে তমা মুজুঙোত্তুন্‌ আর ধাবেই ন-দিবো। সিয়েনর্‌ বদলে তারা এন্‌ জাল্‌ আর ফাল্‌ ওইনে উদিবাক্‌ যিয়েন ভিদিরে তুমি যেইনে ধরা পড়িবা আর তারা অবাক্‌ তমার পিঠ্‌তানির্‌ চাবুক্‌ আর চোগোর্‌ কাদা। যে দোল্‌ দেজ্‌চান তমার্‌ গোজেন লগেপ্রভু তমারে দিয়্যে যেরেন্দি সিয়েনত্তুন্‌ তুমি ভস্ত ওই যেবা।

বিচের গুরিয়্যেগুন 14:3

জোবত্‌ তা মা-বাবে কলাক্কে, “তঅ কুদুম্মোগুনো ভিদিরেত্তুন্‌ বা আমা বেক্‌ জাদ্‌তুনোর ভিদিরেত্তুন্‌ কি কনঅ মিলে নেই, মোগ্‌ লবাত্তে তত্তুন্‌ সুন্নত ন-গোজ্যে পলেষ্টীয়গুনো ইদু যাহ্ পুরিবো?” মাত্তর্‌ শিম্‌শোনে তা বাবরে কলঅ, “না, মত্তেই তারে তুমি দুয়ো। তারে মুই বেই লোইয়োং।”

বিচের গুরিয়্যেগুন 3:5

সেনত্তেই ইস্রায়েলীয়গুনে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনোর সমারে বজত্তি গরা ধোজ্যন্‌।

বিচের গুরিয়্যেগুন 3:6

তারা তারার্‌ মিলেগুনোরে লদাক্‌ আর নিজো ঝিগুনোরে তারার্‌ পূঅগুনো সমারে বৌ-দিদাক্‌ আহ্‌ তারার্‌ দেব-দেবেদাগুনোরে পূজো গুরিদাক্‌।

বিচের গুরিয়্যেগুন 8:27

গিদিয়োনে সে বেক্‌ সোনানিলোই এক্কো এফোদ বানেইনে তা নিজোর আদামত্‌ অফ্রাদত্‌ রাগেল। ইস্রায়েলীয়গুনে বেক্কুনে সিদু লগেপ্রভু উগুরে বিশ্বেজ্ ন- গুরিনে এফোদর পূজোবোত্‌ নিজোরে লোঙেলাক্‌। সিয়েনই অলঅ গিদিয়োন আর তার গিরিত্তে এক্কো ফাল্‌।