যাত্রা 34:15 - Chakma Bible15 যিগুনে সেই দেজত্ বজত্তি গত্তন্ তারা লগে কনঅ চুক্তি ন-গুরিবা, কিত্তে তারা যেক্কে ভান্ন্যেই মনভাব্পোই তারার্ দেবেদা পূজোত্ নিজোরে তুলি দিবাক্ আর সিগুনোর্ নাঙে য়েমান্ ডালি দিবাক্ সেক্কে তারা তমারে বাত্যেবাক্ আর তুমি তারার্ ডালি দিয়্যে য়েরানি হেবা। Faic an caibideil |
যাত্রা 34:15
36 Iomraidhean Croise
এ ভিদিরে তারা মর্ উগুমোত্তুন্ দূরোত্ সুরি যেইয়োন্। তারা নিজোত্তেই গোরু ছঅ ধোক্ক্যেন এক্কো মূত্তি বানেয়োন। তারা মাদিত্ পুরিনে সিবেরে পূজো গোজ্যন্ আর সিবের্ নাঙে য়েমান্-উৎসর্ব গুরিনে কোইয়োন, ভেইলক্, ইবে ভিদিরে আগন্ তমা দেব-দেবেদাগুন্। এই দেব-দেবেদাগুনে মিসর্ দেজত্তুন্ তমারে নিগিলেই আন্যন্।
ইয়েনর্ জোবত্ লগেপ্রভু কলঅ, মুই এক্কান্ সুদোম থিদেবর্ গোজ্যং। তর্ বেক্ মানুচ্চুনো মুজুঙোত্ মুই এমন্ আমক্ অবার্ কাম্ গুরিম্ যিয়েনি এর্ আগেন্দি পিত্থিমীত্ কনঅ জাদর্ মুজুঙোত্ গরা ন-অয়। যে মানুচ্চুনো ভিদিরে তুই বজত্তি গরর্ তারা দেগিবাক্, মুই লগেপ্রভু তমাত্তে যে কামানি গুরিবাত্তে যাঙর্ সিয়েনি মানুচ্চুনোর মনত্ কদক্ দর্ আর ভোক্তি জাগেই দে।
মাত্তর্ তো ইস্রায়েলীয়গুনে এ শাজন্ গুরিয়্যেগুনোর কধালোই কান ন-পাদিদাক্। লগেপ্রভু উগুরে বিশ্বেজ্ আরেইনে তারা দেব-দেবেদাগুনো ইদু নিজোরে মিজেই দিদাক্ আর তারারে পূজো গুরিদাক্। তারার্ পূরোণি মানুচ্চুনে লগেপ্রভুর উগুম পালন গুরিনে যে বাধ্যতার পদেন্দি চলিদাক্ তারা সেই পথ্তানন্দি ন-আদিনে কয়েকদিনো ভিদিরেই সে পথ্তানত্তুন্ সুরি যেদাক্।
Sanasan