যাত্রা 34:11 - Chakma Bible

¹¹ এচ্চ্যে মুই তমারে যে উগুমানি দিম্‌ সিয়েনি তুমি পালেবা। ইমোরীয়, কনানীয়, হিত্তীয়, পরিষীয়, হিব্বীয় আর যিবুষীয়গুনোরে মুই তমা মুজুঙোত্তুন্‌ ধাবেই দিম্‌।

যাত্রা 34:11 Iomraidhean Croise

নহিমিয় 13:23

সে অক্তত্‌ মুই ইয়েন দেগিলুঙ্‌, যিহূদার কনঅ কনঅ মানুচ্‌ অস্‌দোদ, অম্মোন আর মোয়াবর ঝিগুনোরে লোইয়োন্‌।

যাত্রা 23:28

হিব্বীয়, কনানীয় আর হিত্তীয়গুনোরে তমা মুজুঙোত্তুন্‌ ধাবে দিবাত্তেই মুই তমা আগে আগে ভিঙুর্‌ পুক্‌ পাধেই দিম্‌।

যাত্রা 3:17

সেনত্যে মুই কঙর্‌, মিসর দেজর্ অত্যেচারত্তুন্‌ নিগিলেনে মুই তমারে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনোর দেজত্‌ নেযেম্‌। সিয়েনত্ দুধ, মধু আর কনঅ কিজুর্‌ অভাব নেই।

যাত্রা 3:8

মিসরীয়গুনোর্‌ আঢত্তুন্‌ তারারে রোক্ষ্যে গুরিবাত্যে মুই লামি এচ্চোং। মুই তারারে সে দেজত্তুন্‌ নিগিলেনে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনো দেজত্‌ নেযেম্‌। দেজ্‌সান্‌ এদক্‌ দাঙর্‌ আর দোল্; সিয়েনত্‌ দুধ, মধু আর কনঅ কিজুর্‌ অভাব নেই।

যাত্রা 33:2

মুই তমার আগে আগে এক্কো স্বর্গদূতরে পাদেইনে সেই দেজত্তুন্‌ কনানীয়, ইমোরীয়, হিত্তীয়, পরিষীয়, হিব্বীয় আর যিবূষীয়গুনোরে ধাবেই দিম্‌।

যাত্রা 8:27

সেনত্যে আমা গোজেন লগেপ্রভুর উগুম মজিম ধূল্যেচর-চাগালা ভিদিরে তিন দিনো পথ যেইনে তা নাঙে আমাত্তুন্‌ য়েমান্‌ উৎসর্ব গরা পুরিবো।”

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

যোহন 14:21

যে মর্ বেক্‌ উগুমানি কোই পারে আর পালন্ গরে তেয়ই মরে কোচ্‌পায়। যে মরে কোচ্‌পায় মঅ বাপ্পো তারে কোচ্ পেবঅ। মুইয়ো তারে কোচ্‌পেম্ আর তা ইধু নিজোরে ফগদাং গুরিম্।

দ্বি’লম্বর বিররণ 12:28

তমার আর তমার পরেদি তমার ঝি-পূঅগুনোরে যেনে আমিঝে ভালেদি অয় সেনত্যে মর্‌ দিয়্যে এ বেক্‌ উগুমানি তুমি যত্তন্‌ গুরিনে পালন গুরিবা, কিত্যে সিয়েনি গুরিলে তমার গোজেন লগেপ্রভুর চোগোত্‌ যিয়েনি ন্যায় আর গম্‌ সিয়েনোই গরা অবঅ।

দ্বি’লম্বর বিররণ 12:32

মুই তমারে যেদক্কানি উগুম্‌ দিলুং সিয়েনি বেক্কানি তুমি পালন গুরিবা; ইয়েন সমারে কিজু ন-মিজেবা, আরঅ ইয়েনত্তুন্‌ কিজু বাদঅ ন-দিবা।

দ্বি’লম্বর বিররণ 28:1

তমার গোজেন লগেপ্রভু উগুরে যুনি তমার পূরোপুরি বাধ্যতা থায় আর এচ্চ্যে মুই তার যেদক্কানি উগুম তমারে দুয়োঙর্‌ সিয়েনি যুনি তুমি দোলেডালে পালন গরঅ, সালে তে পিত্‌থিমীর অন্য বেক্‌ জাদ্‌তুনো উগুরে তমারে জাগা দিবো।

দ্বি’লম্বর বিররণ 33:27

যিবে আগকালর গোজেন তেয়ই তর্‌ আশ্রয়; তার উমরর্ আদত্‌ তেয়ই তরে ধুরি আঘে। তর্‌ মুজুঙোত্‌ যিদুক্কুন শত্রু আগন্‌ তে তারারে ধাবেই দিবো; তে কবঅ, ‘ইগুনোরে ভস্ত গরঅ।’

দ্বি’লম্বর বিররণ 4:40

তমার্‌ আর তমার পরেন্দি তমা ঝি-পূঅগুনোর্‌ যেনে ভালেদি অয় আর তমার গোজেন লগেপ্রভু যে দেজ্‌ছান উমরত্তে তমারে দের্‌ সিয়েন্দোই যেনে তুমি ভালোক্‌ দিন বাঁজি থেই পার সেনত্যে মুই যেদক্কানি রীদি-সুদোম আর উগুম এচ্চ্যে তমারে দুয়োঙর্‌ সিয়েনি তুমি মানি চলিবা।”

দ্বি’লম্বর বিররণ 5:32

সেনত্যেই তমার গোজেন লগেপ্রভু তমারে যিয়েনি গুরিবাত্তে উগুম দিয়্যে সিয়েনি তমাত্তুন্‌ য্ত্তন্‌ গুরিনে পালন গরা পুরিবো; সিয়োত্তুন্‌ এক্কানায়ো ইন্দি-উন্দি ওই ন-পারিবো।

দ্বি’লম্বর বিররণ 6:25

আমি যুনি আমা গোজেন লগেপ্রভুর মুজুঙোত্‌ তার্‌ উগুম মঝিম এ রীদি-সুদোমানি মানি চলিবাত্তে মনান্‌ দিই সালে সিয়েনোই অবঅ আমা পক্ষেন্দি তার্‌ আওজ্ মজিম্ চলানা।

দ্বি’লম্বর বিররণ 6:3

ইস্রায়েলীয়গুন, তুমি মঅ কধাগান শুনো আর উঝিয়ার্‌ ওইনে এ বেক্কানি মানি চলঅ, যেনে দুধ আর মধুলোই ভোজ্যে সেই দেজত্‌ যেবার্‌ পরেন্দি তমার পুরোণি মানুচ্চুনোর্‌ গোজেন লগেপ্রভুর এগেম্ মজিম তমার্‌ ভালেদি অয় আর তুমি মান্‌জ্যন্দি ভালোক্কুন্‌ বেশ্‌ ওইনে উদি পার।

দ্বি’লম্বর বিররণ 7:19

তমা গোজেন লগেপ্রভু যেদক্কানি জদবদে পোরোক্ষেলোই, আমক্‌ অবার্‌ কাম্‌ আর চিহ্নোলোই আর তার্‌ দরমর আর খেমতাবলা আঢ্‌তোই তমারে নিগিলেই আন্যে সিয়েন্‌ দঅ তুমি নিজোর্‌ চোগেদি দেক্কো। তুমি ইক্কিনে যিদুক্কুন্‌ জাদরে দেগিনে দরর্‌ তারা উগুরেয়ো তে সেধোক্কেন্‌ গুরিবো।

যিহোশূয় 23:5

তমার্‌ গোজেন লগেপ্রভু নিজে বাদ্‌বাগি সে বেক্‌ জাদ্‌তুনোরে তমার পথ্‌তানিত্তুন্‌ সোরেই দিবো। তমা মুজুঙেত্তুন্‌ তে তারারে ধাবেইনে নিগিলেই দিবো আর তুমি তমার গোজেন লগেপ্রভুর এগেম্ মজিম তারার্‌ জাগায়ানি গজক্ গুরি নেযেবা।