যাত্রা 34:1 - Chakma Bible

¹ ইয়েন পরেদি লগেপ্রভু মোশিরে কলঅ‌, “তুই পত্তম্‌ পাত্তর-ফলক্কো ধোক্ক্যেন আরঅ‌ দ্বিবে পাত্তর আরুগ্ বানেই নেযা। তর্‌ ভাঙি ফেলেয়্যে আরুগ্ দ্বিবে উগুরে যে কধানি লেগা এলঅ‌ সিয়েনি মুই আরঅ‌ এই নূয়ো আরুগ্ দ্বিবে উগুরে লিগি দিম্‌।

যাত্রা 34:1 Iomraidhean Croise

গীতসংহিতা 119:89

ও লগেপ্রভু, তর্ কধানি স্বর্গত্ জিংকানিবর্ থিদেবর্ আঘে।

যাত্রা 24:12

সে পরেদি লগেপ্রভু মোশিরে কলঅ‌, “তুই মুড়োবো উগুরে মইদু উদি এইনে কানক্ষণ্‌ ইয়োদোই থাগ। মানুচ্চুনোরে শিক্ষ্যে দিবাত্তে পাত্তরর্‌ যে ফলক্কো উগুরে মুই রীদি-সুদোম আর উগুম্‌ লিগি রাগেয়োং সিয়েনি মুই তরে দিম্‌।”

যাত্রা 31:18

সিনাই মুড়োবো উগুরে মোশি ইদু এই বেক্‌ কধানি কনা থুম্‌ গুরিনে লগেপ্রভু তারে দ্বিবে সাক্ষ্য-ফলক্‌ দিলো। এ দ্বিবে পাত্তর আরুগ্ উগুরে গোজেনে নিজেই তার্‌ উগুমানি লেখ্যে।

যাত্রা 32:16

সেই দ্বিবে অলঅ গোজেনর নিজো আদর্ কাম্‌, আর সিগুনো উগুরে কাবিনে লেখ্যে লেগাগান্অ তার্ অলঅ।

যাত্রা 32:19

সে পরেদি মোশি তাম্বুলোর্‌ কায়-কুরে যেইনে সেই গোরু ছবো আর মানুচ্চুনোরে নাজদে দেগিলো। সিয়েন্‌ দেগিনে তে রাগে জুলি উদিলো আর আদত্‌ গুরি আন্যে পাত্তর-ফলক্কুন দ্বিবে ফেলেই দিলো। সেক্কে সেই দ্বিবে পাত্তর-আরুগ্ মুড়োবোত্‌ তলে পরিনে কট্টা কট্টা ওইনে ভাঙি গেলাক্।

যাত্রা 34:28

সিনাই মুড়োবো উগুরে মোশি লগেপ্রভু ইদু চল্লিশ দিন আর চল্লিশ রেত্‌ এলঅ‌। এই সময়ো ভিদিরে তে কনঅ পিদে বা পানি ন-খায়। লগেপ্রভু সেই পাত্তরর্‌ আরুগ্ দ্বিবে উগুরে তার্‌ সুদোমর্‌ কধানি আরঅ‌ লিগি দিলো, আর সিয়েনিই অলঅ‌ সেই দশ্‌ছান্‌ উগুম্‌।

যাত্রা 34:4

মোশি সেক্কে পত্তম্‌ পাত্তর-ফলক্কো ধোক্ক্যেন আরঅ‌ দ্বিবে পাত্তর-আরুগ্ বানেই নেযেল আর লগেপ্রভুর উগুম্‌ মজিম্‌ বেন্যেপোত্যে সিনাই মুড়োবোত্‌ উদিলো। সেই দ্বিবে পাত্তর আরুগ্ তে আঢত্‌ গুরি নেযেল।

যিরমিয় 36:32

সেক্কে যিরমিয় আর এক্কো ভাজ্ গুরি থোইয়্যে বোই নিইনে নেরিয়র পুয়ো লিগিয়্যে বারূকরে দিলো; যিহূদার রাজা যিহোয়াকীমে যে বোইবো আগুনোত্ পুড়ি দিয়্যে সিয়েনত্ যেদক্কানি লেগা এলঅ সেই বেক কধানি যিরমিয় মুয়োত্তুন্ শুনিনে বারূকে আরঅ লিগিলো। সেবাবোত্যে আরঅ বোউত্ কধায়ো সিবে সমারে মিজে অলঅ।

দ্বি’লম্বর বিররণ 4:13

তে তমা ইদু তার্‌ সুদোম, অত্তাৎ তার্‌ দশছান উগুম ফগদাং গোজ্যে। তে সেই দশছান উগুম্‌ তমারে মানিনে চলিবাত্তে কোইয়্যে আর সিয়েনি দ্বিবে পাত্তরর্‌ আরুগ্ উগুরে লিগি দিয়্যে।