যাত্রা 33:9 - Chakma Bible

⁹ মোশি সেই তাম্বুলোত্‌ সমানার্‌ পরেদি মেঘঅ চাক্কো লামি এদঅ‌ আর লগেপ্রভু যেদক্কণ মোশি লগে কধা কদঅ‌ সেদক্কণ্‌ সং সিবে তাম্বুলোর্ দুয়োরান ইদু থেদঅ‌।

যাত্রা 33:9 Iomraidhean Croise

পত্থম 17:22

অব্রাহাম লগে কধা কনা থুম্‌ গুরিনে গোজেনে তা কায় কুরেত্তুন্‌ উগুরেন্দি উদি গেলঅ।

পত্থম 18:33

অব্রাহাম লগে কধা কনা থুম্‌ গুরিনে লগেপ্রভু সিয়েনত্তুন্‌ আঢি গেলগোই আর অব্রাহামেয়ো তা ঘরত্‌ ফিরি গেলঅ।

গীতসংহিতা 99:7

তে মেঘ চাগত্তুন্ তারা সমারে কধা কদঅ; তারা তার কধানি আর তার দিয়্যে উগুমানি পালেদাক্।

যাত্রা 25:22

এই সাক্ষ্য-সিন্দুগোর্‌ ঢাগনীগান উগুরে দ্বিবে করূব সংমোধ্যে মুই তঅ সমারে দেগা গুরিনে ইস্রায়েলীয়গুনোত্তে মর্‌ বেক্‌ উগুমানি তরে দিম্‌।

যাত্রা 31:18

সিনাই মুড়োবো উগুরে মোশি ইদু এই বেক্‌ কধানি কনা থুম্‌ গুরিনে লগেপ্রভু তারে দ্বিবে সাক্ষ্য-ফলক্‌ দিলো। এ দ্বিবে পাত্তর আরুগ্ উগুরে গোজেনে নিজেই তার্‌ উগুমানি লেখ্যে।

যাত্রা 33:10

মানুচ্চুনে যেক্কে এই চাক্কানরে তাম্বুল দুয়োরান ইদু দেগিদাক্‌ সেক্কে বেক্কুনে উদিনে নিজোর্‌ নিজোর্‌ তাম্বুলো দুয়োরান ইদু মাদিত্‌ মাদা নিগিরিনে লগেপ্রভুরে ভোক্তি জানেদাক্‌।

যাত্রা 33:11

মান্‌জে যেধোক্ক্যেন গুরি মুয়োমি ওইনে সমাজ্যে লগে কধা কন্‌ লগেপ্রভু ঠিগ্ সেধোক্ক্যেন গুরিই‌ মোশির্‌ লগে কধা কদঅ‌। পরেন্দি মোশি ইস্রায়েলীয়গুনোর্‌ তাম্বুলোত্‌ ফিরি যেদঅ‌ মাত্তর্‌ নূনোর্‌ পূঅবো যিহোশূয় মিলন-তাম্বুলান ছাড়ি ন-যেদঅ‌। যিহোশূয় নাঙে এই গাবুজ্যেবো অলদে মোশিরে এজাল্‌‌দিয়্যে।

যাত্রা 33:8

মোশি যেক্কে সেই মিলন-তাম্বুলত্‌ যেদঅ‌ সেক্কে মানুচ্চুনে নিজোর্‌ নিজোর্‌ তাম্বুল দুয়োর মু্‌জুঙোত্‌ ঠিয়্যেই থেদাক্‌ আর তে সেই তাম্বুলোত্‌ ন-সমানা সং তাইন্দি চেই‌ থেদাক্‌।

যাত্রা 34:3

কনজনে যেনে তঅ লগে ন-থান্‌ বা মুড়োবোর্‌ কনজাগাত্‌ যেনে কাররে দেগা ন-যায়; এমন্‌ কি, মুড়োবো মুজুঙেয়ো যেনে কনঅ‌ গরু, ছাগল বা ভেড়া ঘাস হেবাত্তে ন-এজন্‌।”

যাত্রা 34:5

লগেপ্রভু মেঘ ভিদিরেত্তুন্‌ লামি এইনে মোশি কায়-কুরে ঠিয়্যেল আর তার্‌ “লগেপ্রভু” নাঙান্‌ ফগদাঙ্‌ গুরিলো।

যিহিষ্কেল 3:22

সিয়েনত্ লগেপ্রভুর্ খেমতাবলা আঢ্‌‌তানি মঅ উগুরে এলঅ আর তে মরে কলঅ, “তুই উদিনে কলগত্ যাহ্, সিদু মুই তঅ লগে কধা কোম্।”

গণাণা 11:17

মুই সিয়েনত্‌ লামি এইনে তঅ সমারে কধা কোম্‌। তঅ উগুরে যে আত্মাগান্‌ আঘে মুই সিয়েনরে তারা উগুরেয়ো দিম্‌। মানুচ্চুনোর্‌ ভারান্‌ বুয়োই নিবাত্তে তারা তরে সাহায্য গুরিবাক। সেক্কে তত্তুন্‌ আর গায়্‌ গায়্‌ দায়িত্বোগান বুয়োই নেযা ন-পুরিবো।

গণাণা 7:89

ইয়েনর পরেদি মোশি যেক্কে লগেপ্রভুর লগে কধা কবাত্তে মিলন-তাম্বুলোত্‌ চোমেদ সেক্কে সাক্ষ্য-সিন্দুগো উগুরে ঢাগনিগানর্‌ কাজাকুরেন্দি করূব দ্বিবের্‌ ভিদিরে জাগানত্তুন্‌ তাঁর কধানি শুনিদাক্। এবাবোত্যেগুরি লগেপ্রভু মোশি সমারে কধা কদঅ।

দ্বি’লম্বর বিররণ 31:14

ইয়েনর্ পরেন্দি লগেপ্রভু মোশিরে কলঅ, “তর্‌ মরণর দিন্নো ঘোনেই এস্যে। যিহোশূয়রে ডাগি নেযেইনে তুই মিলন-তাম্বুলোত যাহ্। সিয়েনত্ মুই তারে তার্‌ কামর্‌ ভারান্‌ দিম্‌।” সেনত্যেই মোশি আর যিহোশূয় মিলন-তাম্বুলোত্‌ লগেপ্রভুর মুজুঙোত্‌ আঝিল্ অলাক্‌।

দ্বি’লম্বর বিররণ 31:15

সেক্কে লগেপ্রভু মেঘর চাগঅ ভিদিরেন্দি সেই তাম্বুলানত্‌ আঝিল্ অলঅ আর সেই চাগ্‌কান তাম্বুলোর দোরান ইদু যেইনে থিয়্যেল।