যাত্রা 33:22 - Chakma Bible

²² মর্‌ মহিমাগান যেক্কে তর্‌ মুজুঙেন্দি যেবগোই সেক্কে মুই তরে মুড়োবোর্‌ ফাদান ভিদিরে সোরেই দিম্‌ আর মুই ন-যানা সং তরে মর্‌ আত্তান্দোই‌ ঢাগি রাগেম্‌।

যাত্রা 33:22 Iomraidhean Croise

গীতসংহিতা 91:1

দাঙর্ গোজেনর আশ্রয়ত্ যে বজত্তি গরে তে বেগত্তুন্ খেমতাবানর ছাবাত্ থায়।

যিশাইয় 2:21

লগেপ্রভু যেক্কে পিত্‌থিমীর মানুচ্চুনোরে দর্ জিনিস্‌ছান দেগেবাত্তে এবঅ সেক্কে তার দর্‌গরেপারা আর তার মহিমার্ জোল্‌জোল্যেগান আঢত্তুন্ রোক্ষ্যে পেবাত্তে মান্‌জ্যে দাঙর্ দাঙর্ শিলো ফাগত্ আর মোন-মুড়ো ফাদা সেরে ধেই যেবাক্।

গীতসংহিতা 91:4

তার ডুয়োনিলোই তে তরে ঢাগি রাগেব, তার ডুয়োগানির তলে তুই আশ্রয় পেবে; তার বিশ্বেজ্‌ছান তর্ ঢাল আর কিয়্যে রোক্ষ্যেগুরিয়্যে ঢাল অবঅ।

যিশাইয় 32:2

তারাত্তুন্ পত্তি জনে অবাক্কে যেন বোইয়্যেরত্তুন্ পোল্যেয়্যে জাগা আর ঝড়ত্তুন্ আশ্রয়জাগা, যেন ধূল্যেচরত্ গঙার পানি আর রোদ্ পোজ্যে ভূইয়োত্ দাঙর্ পাত্তর ছাবা।

২ করিন্হীয় 5:19

ইয়েনর্ অত্তগান অলঅ, গোজেনে মান্‌জ্যর্ পাপ্পানি ন-ধুরিনে খ্রীষ্টর্ মাধ্যমে নিজো সমারে মান্‌জ্যরে মিলেই দিয়্যে, আর সেই মিজেনার্ হবরান্ জানেবার ভারান্ তে আমা উগুরে দিয়্যে।

গীতসংহিতা 18:2

লগেপ্রভু মর্ অজল্ মুড়ো, মর্ ঘর আর মর্ উদ্ধোর্ গুরিয়্যে; মর্ গোজেন মর্ অজল্ মুড়ো, তাইদু মুই আশ্রয় নেযাং। তেয়ই মর্ ঢাল, মর্ রোক্ষ্যেগুরিয়্যে শিং, মর্ অজল্ আশ্রয়-জাগা।

পরমগীত 2:3

ঝারর্ গাজ্‌পালাগুনো ভিদিরে যেধোক্ক্যেন্ আপেল গাজ্, সেধোক্ক্যেন্ গাবুজ্যেগুনো ভিদিরেত্তুন্ মর্ পরাণ্যে। মুই তা ছাবাবোত্ বোইনে গম্ পাং, মঅ মুয়োদি তা ফলুন্ মিদে লাগে।

দ্বি’লম্বর বিররণ 33:12

বিন্যামীন পৌইদ্যেনে তে কোইয়্যেদে, “লগেপ্রভু যিবেরে কোচ্‌পায় তে গমেডালে তা ইদু থেবঅ; তে আমিঝে তারে আন্দলত্‌ রাগায়; তা পিঠ্‌তান উগুরে তার জাগায়ান।”

১ রাজাবলী 19:9

সিদু ইক্কো গাদঅ ভিদিরে সুমিনে তে রেত্তো কাদেল। সিয়েনত্‌ এলিয়োর্‌ ইদু লগেপ্রভু আঝিল্ ওইনে কলঅ, “এলিয়, তুই ইয়েনত্‌ কি গরর্‌?”

যিশাইয় 49:2

তে মঅ মুয়োন ধারেয়্যে তলোয়ার ধোক্ক্যেন গোজ্যে। তে মরে তা আঢ ছাবাবোলোই লুগেই রাগেয়্যে। তে মরে এক্কো বেঈ লোইয়্যে সেল্ বানেয়্যে আর তার সেল্ রাগেবার খাজাবো ভিদিরে রাগেয়্যে।

যিশাইয় 51:16

মুই তমা মুয়োত্ মঅ কধানি দুয়োং আর মঅ আঢ ছাবাগান্দোই তমারে ঢাগি রাগেয়োং। মুয়ই আগাজ্‌‍‌চানরে তা জাগানত্ রাগেয়োং আর পিত্‌‍‌থিমীর গড়াগান গাড়েয়োং। মুই সিয়োনানরে কোইয়োং, ‘তুই মঅ মানুচ্।’ ”