যাত্রা 33:12 - Chakma Bible

¹² পরেদি মোশি লগেপ্রভুরে কলঅ, “তুই মরে এই মানুচ্চুনোরে নেযেবাত্তে কোইয়োচ্‌, মাত্তর্‌ মর্‌ লগে কারে পাধেবে সিয়েন্‌ দঅ ন-কচ্‌। তুই কোয়োচ্চে তুই মরে তর্‌ নিজোর্‌ বিলিনেই জানচ্‌ আর মঅ‌ উগুরে তর্‌ দোয়্যে আঘে।”

যাত্রা 33:12 Iomraidhean Croise

পত্থম 18:19

মুই লগেপ্রভু এ আশালোই তারে বেঈ নেযেয়োং যেনে তে তার পুয়ো আর ঘরর্‌ অন্য বেক্কুনোরে গম্‌ আহ্ দোল্ কাম্‌ গুরিনে মর্‌ আওজ্ মজিম মানি চুলিবার্‌ উবদেজ্ দে। যুদি তারা অব্রাহাম কধা শুনিনে সেধোক্ক্যেন গুরি চলন্‌, সালে মুই লগেপ্রভু অব্রাহাম পৌইদ্যেনে যিয়েনি কোইয়োং সিয়েনি বেক্কানি গুরিম্‌।”

২ শমূয়েল 15:25

বেক্‌ মানুচ্চুন নিগিলি যানার পরেন্দি রাজা সাদোকরে কলঅ, “গোজেনর সুন্দুক্কো শঅরত্‌ ফিরেই নেযা। লগেপ্রভু যুনি মরে কোচপানার্‌ চোগেন্দি দেগে সালে তে মরে ফিরেই আনিবো আর এ সুন্দুক্কো আর তার থেবার জাগাগান আরঅ মরে চেবাত্তে দিবো।

গীতসংহিতা 1:6

কিত্যে গোজেন ভক্তগুনো উগুরে লগেপ্রভুর খিয়েল্ আঘে, মাত্তর্ পাজি মানুচ্চুনোর্ আঢিবার্ পদথ্ আগেদে ভস্ত অনা।

যাত্রা 3:10

সেনত্যে তুই ইক্কিনে যাহ্। মুই তরে ফরৌণ ইধু পাদাঙর্‌। তুই যেইনে মঅ মানুচ্চুনোরে, অত্তাৎ ইস্রায়েলীয়গুনোরে মিসর্‌ দেজত্তুন্‌ নিগিলেই আনিবে।”

যাত্রা 3:4

ঝুপ্পো চেবাত্তে মোশি এক কিত্তেদি যাদে দেগিনে লগেপ্রভু গোজেনে ঝুবো সেরেত্তুন্‌ ডাগিলো, “মোশি, মোশি।” মোশি কলঅ, “এইয়্যে দঅ মুই।”

যাত্রা 32:34

শুনিচ্‌, যে জাগানর্‌ কধা মুই কোইয়োং তুই ইক্কিনে যেইনে মানুচ্চুনোরে সিদু নেযা। মর্‌ দূত্‌তুনে তমারে পথ্‌ দেগেইনে নেযেবাক্‌। যেক্কে সাজা-দিবার্‌ অক্ত এবঅ‌ সেক্কে মুই তারারে পাপর্‌ সাজা দিম্‌।”

যাত্রা 33:1

সে পরেদি লগেপ্রভু মোশিরে কলঅ‌, “তর্‌ যে মানুচ্চুনোরে তুই মিসর দেজত্তুন্‌ নিগিলেই আন্যচ্‌ তারারে নেযেইনে তুই এই জাগায়ান্‌ ছাড়িনে মর্‌ এগেম্ গোজ্যে দেজত্‌ যাহ্‌। সেই দেজ্‌ছান পৌইদ্যেনে মুই অব্রাহাম, ইস্‌হাক আর যাকোব ইদু এই এগেমান্‌ গোজ্যং, মুই তারার্‌ বংশধরুনোরে সিয়েন্‌ দিম।

যাত্রা 33:17

সেক্কে লগেপ্রভু মোশিরে কলঅ‌, “তুই যিয়েনি কোইয়োচ্‌ মুই সিয়েনি গুরিম্‌, কিত্তে মর্‌ দোয়্যেগান্‌ তঅ উগুরে আঘে আর মুই তরে মর্‌ নিজোর্‌ বিলিনে হবর্‌ পাং।”

যাত্রা 33:2

মুই তমার আগে আগে এক্কো স্বর্গদূতরে পাদেইনে সেই দেজত্তুন্‌ কনানীয়, ইমোরীয়, হিত্তীয়, পরিষীয়, হিব্বীয় আর যিবূষীয়গুনোরে ধাবেই দিম্‌।

যিশাইয় 43:1

ও যাকোব, যিবে তরে সৃট্টি গোজ্যে, ও ইস্রায়েল, যিবে তরে বানেয়্যে, সেই লগেপ্রভু ইক্কিনে এ কধাগান কত্তে, “তুই ন-দোরেচ্, কিত্তে মুই তরে উদ্ধোর্ গোজ্যং। মুই তঅ নাঙান্ ধুরিনে ডাক্যং, তুই মর্।

যিশাইয় 45:3

মুই তরে আন্ধার জাগাত্ থোইয়্যে ধন-সোম্বোত্তি আর লুগেয়্যে জাগাত থুবেই থোইয়্যে ধন দিম, যেনে তুই হবর্ পাজ্, মুয়ই লগেপ্রভু, ইস্রায়েলর গোজেন, যিবে তঅ নাঙান্ ধুরিনে ডাগে।

যিরমিয় 1:5

“তরে মা পেদত্ বানেবার্ আগেদি মুই তরে বেঈ থোইয়োং। তর্ জর্মর্ আগেদি মুই তরে যুদো গুরি থোইনে জাদ্‌‌তুনো ইধু ধর্মগুরু ইজেবে বেঈ লোইয়োং।”

হগয় 2:5

তুমি যেক্কে মিসর দেজত্তুন্ নিগিলি এচ্চো সেক্কে তমা ইধু মুই এ এগেমান্ গোজ্যং, আর মঅ আত্মাগান ইক্কিনেয়ো তমা ইধু আঘে। তুমি ন-দোরেয়ো।

২ তীমথিয় 2:19

তো গোজেনর্ গাড়েইয়্যে দরমর গড়াগান থিয়্যেই আঘে, আর সিয়েন উগুরে সীলমাজ্যে ধোক্ক্যেন গুরি এ কধানি লেগা আঘে, “প্রভু কোই পারে, কনা তার্”, আর “যে কেঅ খ্রীষ্টরে প্রভু বিলিনে ডাগে তে বেক্‌ পাপ্পানিত্তুন্ দূরোত্ যোক্।”