যাত্রা 33:11 - Chakma Bible

¹¹ মান্‌জে যেধোক্ক্যেন গুরি মুয়োমি ওইনে সমাজ্যে লগে কধা কন্‌ লগেপ্রভু ঠিগ্ সেধোক্ক্যেন গুরিই‌ মোশির্‌ লগে কধা কদঅ‌। পরেন্দি মোশি ইস্রায়েলীয়গুনোর্‌ তাম্বুলোত্‌ ফিরি যেদঅ‌ মাত্তর্‌ নূনোর্‌ পূঅবো যিহোশূয় মিলন-তাম্বুলান ছাড়ি ন-যেদঅ‌। যিহোশূয় নাঙে এই গাবুজ্যেবো অলদে মোশিরে এজাল্‌‌দিয়্যে।

যাত্রা 33:11 Iomraidhean Croise

পত্থম 32:30

সেক্কে যাকোবে সে জাগান নাঙান রাগেল পনূয়েল (যিয়েনর্ ভেদ্‌তান্ “গোজেন মু”)। তে কলঅ, “মুই গোজেনরে মুজুঙো-মুজুঙি দেগিনেয়ো বাঁজি আগং।”

২ বংশধর 20:7

ও আমার্‌ গোজেন, তঅ মানুচ্‌ ইস্রায়েলীয়গুনোর মুজুঙেত্তুন্‌ এ দেজর্‌ আদাম্মেগুনোরে ধাবেই দিইনে তুই সিয়েন্‌ তঅ সমাজ্যে অব্রাহাম বংশর মানুচ্চুনোরে উমরত্তে দুয়োচ্‌।

ইয়োব 16:21

মান্‌জ্যে যেধোক্ক্যেন্ সমাজ্যে পক্ষ ওইনে কধা কন্‌ সেধোক্ক্যেন্ যুনি বানা একজনে মঅ পক্ষ ওইনে গোজেন ইদু কধা কোই পারিদো!

যাত্রা 17:9

সেক্কে মোশি যিহোশূয়োরে কলঅ‌, “তুই আমা ভিদিরেত্তুন্‌ মানুচ্‌ বেঈ লোইনে অমালেকীয়গুনো বিরুদ্ধে যুদ্ধো গুরিবাত্তে যাহ্‌। মুই কেল্যে গোজেনর সেই লুদিক্কো মঅ আদত্‌ লোইনে মুড়োবো মাদা উগুরে যেইনে ঠিয়েম্‌।”

যাত্রা 24:13

এই কধাগান্‌ শুনিনে মোশি তারে এজাল্‌ দিয়্যে যিহোশূয়রে নেযেইনে যাহ্ ধুরিলো। সে পরেদি তে গোজেনর্ মুড়োবোত্‌ যেইনে উদিলো।

যাত্রা 32:17

যিহোশূয় মানুচ্চুনোর্‌ কিজিক্-কাজাক্ শুনিনে মোশিরে কলঅ, “তাম্বুলত্তুন্‌ যুদ্ধোর্‌ রঅ‌ শুনো যার্‌।”

যাত্রা 33:10

মানুচ্চুনে যেক্কে এই চাক্কানরে তাম্বুল দুয়োরান ইদু দেগিদাক্‌ সেক্কে বেক্কুনে উদিনে নিজোর্‌ নিজোর্‌ তাম্বুলো দুয়োরান ইদু মাদিত্‌ মাদা নিগিরিনে লগেপ্রভুরে ভোক্তি জানেদাক্‌।

যাত্রা 33:9

মোশি সেই তাম্বুলোত্‌ সমানার্‌ পরেদি মেঘঅ চাক্কো লামি এদঅ‌ আর লগেপ্রভু যেদক্কণ মোশি লগে কধা কদঅ‌ সেদক্কণ্‌ সং সিবে তাম্বুলোর্ দুয়োরান ইদু থেদঅ‌।

যিশাইয় 42:8

“মুই লগেপ্রভু, ইয়েনই মঅ নাঙান্। মুই অন্যজনরে মর্ বাঈনী বা মূত্তিরে মর্ পাওনা নাঙ্ গিনেনাগান্ পেবাত্তে ন-দিম।

গণাণা 11:28

সেক্কে নূনোর পূঅ যিহোশূয় মোশিরে কলঅ, “ও মর্‌ প্রভু, সিগুনোরে জুরো গুরি থেবাত্তে উগুম গর্‌।” যিহোশূয় গাবুরো বয়জত্তুন্‌ ধুরি মোশির সাহায্যগুরিয়্যে এলঅ।

গণাণা 12:7

মাত্তর্‌ মর্‌ চাগর্‌ মোশি সমারে মুই সিয়েন্‌ ন-গরং। তে মঅ পরিবারর্‌ বেক্‌ কামানি বিশ্বেজ্ গুরিনে গরে।

গণাণা 12:8

মুই তা সমারে মুজুঙো-মুজুঙি দোলেডালে কধা কং, কনঅ ভানালোই নয়। লগেপ্রভু যেধোক্ক্যেনগুরি দেগা দে তে সিয়েন্‌ দেগে। ইয়েনর পরেদিয়ো তুমি মর্‌ চাগর্‌ মোশির্‌ বিপক্ষে কধা কধে ন-দোরেলা?”

যোহন 11:11

এ বেক্‌ কধানি কবার্ পরেদি যীশু শিচ্চ্যগুনোরে কলঅ, “আমা সমাজ্যে লাসারে ঘুমোত্ পোজ্যে, মাত্তর্ মুই তারে জাগেবাত্যে যাঙর্।”

যোহন 3:29

যা আঢত্ ঝিবোরে দিয়্যে ওইয়্যে, তেয়ই জামেবো। জামেয় সমাজ্যেবো থিয়্যেইনে জামেয়র্ কধা শুনে আর তার্ রবুয়ো শুনিনে ভারী খুজী অয়। ঠিগ্ সেবাবোত্যেগুরি মর্ খুজীগান্ এচ্চ্যে পুরেল।

দ্বি’লম্বর বিররণ 31:14

ইয়েনর্ পরেন্দি লগেপ্রভু মোশিরে কলঅ, “তর্‌ মরণর দিন্নো ঘোনেই এস্যে। যিহোশূয়রে ডাগি নেযেইনে তুই মিলন-তাম্বুলোত যাহ্। সিয়েনত্ মুই তারে তার্‌ কামর্‌ ভারান্‌ দিম্‌।” সেনত্যেই মোশি আর যিহোশূয় মিলন-তাম্বুলোত্‌ লগেপ্রভুর মুজুঙোত্‌ আঝিল্ অলাক্‌।

দ্বি’লম্বর বিররণ 34:10

এচ্চ্যে সং ইস্রায়েলীয়গুনো ভিদিরে মোশি ধোক্ক্যেন আর কনঅ ভাববাদীর জর্ম ন-অন যিবে ইদু লগেপ্রভু দাংগু ধোক্ক্যেন মুজুঙো-মুজুঙি কধা কধঅ।

দ্বি’লম্বর বিররণ 5:4

লগেপ্রভু সে মুড়োবো উগুরে আগুনো ভিদিরেত্তুন্‌ তমা মুজুঙোত্‌ কধা কোইয়্যে।

যাকোব 2:23

এবাবোত্যে গুরি পবিত্র বোইবোর্ এ কধাগান পূরোণ ওইয়্যে, “অব্রাহামে গোজেন কধাগান বিশ্বেজ্ গুরিলো আর সেনত্যে গোজেনে তারে নিদ্দুজি বিলিনে মানি ললঅ।” সেনত্যে তারে গোজেনর্ দাংগু বিলিনে ডাগা ওইয়্যে।