যাত্রা 33:1 - Chakma Bible

¹ সে পরেদি লগেপ্রভু মোশিরে কলঅ‌, “তর্‌ যে মানুচ্চুনোরে তুই মিসর দেজত্তুন্‌ নিগিলেই আন্যচ্‌ তারারে নেযেইনে তুই এই জাগায়ান্‌ ছাড়িনে মর্‌ এগেম্ গোজ্যে দেজত্‌ যাহ্‌। সেই দেজ্‌ছান পৌইদ্যেনে মুই অব্রাহাম, ইস্‌হাক আর যাকোব ইদু এই এগেমান্‌ গোজ্যং, মুই তারার্‌ বংশধরুনোরে সিয়েন্‌ দিম।

যাত্রা 33:1 Iomraidhean Croise

পত্থম 12:7

পরেদি লগেপ্রভু অব্রামরে দেগা দিইনে কলঅ,“এ দেজ্‌চান্‌ মুই তঅ বংশবোরে দিম্‌।” যিবে তারে দেগা দিয়্যে সে লগেপ্রভুর্ নাঙে অব্রামে সেক্কে সিয়েনত্‌ এক্কো ডালিপূজো বানেল।

পত্থম 15:18

লগেপ্রভু সেদিন্যে অব্রামত্তে ইয়ান্‌ কোইনে এক্কান্‌ সুদোম্‌ রোক্ষ্যে গুরিলো, “মিসর গাঙত্তুন্‌ ধুরি আরাম্ভ গুরিনে বড়্‌ গাঙ্‌ ইউফ্রেটিস সং বেক্‌ দেজ্‌ছান্‌ মুই তঅ বংশবোরে দিলুং।

পত্থম 26:1

অব্রাহাম সময়বো ধোক্ক্যেন এবেরায়ো দেজত্‌ এক্কান্‌ ভাদঅ রাত্‌ দেগা দিলো। সেনত্তে ইস্‌হাকে গরার শঅর পলেষ্টীয়গুনোর রাজা অবীমেলকর ইধু গেলঅ।

পত্থম 26:3

ইক্কিনে এ দেজত্‌ তুই কয়েক দিনোত্তে বজত্তি গুরিবে। মুই নিজে তঅ সমারে থেইনে তরে বর্ দিম। এ দেজ্‌ছানি মুই তরে আর তঅ বংশর্‌ মানুচ্চুনোরে দিম্‌। ইয়েন বাদে মুই তঅ বাব্‌ অব্রাহাম ইধু যে শমত্তান্‌ গোজ্যং সিয়েনঅ অদে অদে রাগেম্‌।

পত্থম 28:10

ইন্দি যাকোবে বের্‌-শেবা ছাড়িনে হারণ শঅর ইন্দি যাহ্ ধুরিলো।

পত্থম 50:24

পরেদি এক সময়ত্‌ যোষেফে তা ভেইয়ুনোরে কলঅ, “মর্‌ মুরিবার্‌ অক্ত ওই এচ্চ্যে, মাত্তর্‌ ইয়েন্‌ ঘেচ্চেকগুরি, গোজেনে তমারে দেগাশুনো গুরিবো। তে অব্রাহাম, ইসহাক আর যাকোবরে যে দেজ্‌সান্‌ দিবো বিলি শমক্‌ গোজ্যে সে দেজ্‌সানত্‌ তে তমারে ইয়োত্তুন্‌ নেযেব।”

যাত্রা 17:3

মাত্তর্‌ মানুচ্চুনে পানি খাজে অরান্‌ ওইয়োন্‌, সেনত্তেই তারা মোশির্‌ বিরুদ্ধে নানান্‌ কধা কোইয়োন্‌। তারা কলাক্, “আমি যেনে পানির অভাবে মুরি যেই সেনত্তেই কি তুই আমারে আর আমা পূঅ-ঝিগুনোরে আর য়েমানুনোরে মিসর দেজত্তুন্‌ আন্ন্যচ্?”

যাত্রা 32:1

মুড়োবোত্তুন লামি এত্তে মোশির্‌ দেরি অর্‌ দেগিনে মানুচ্চুনে হারোণর্‌ চেরোকিত্তে এগত্তর্‌ ওইনে কলাক্‌, “পথ্‌ দেগেইনে নেযেবাত্তে তুই‌ আমারে ভুত্‌-দেবেদা বানেই দে কিত্তে সেই মোশি, যে আমারে মিসর দেজত্তুন্‌ নিগিলেই আন্যে, তার্‌ কি ওইয়্যে আমি হবর্‌ ন-পেই।”

যাত্রা 32:13

তঅ চাগর্‌ অব্রাহাম, ইস্‌হাক আর ইস্রায়েলর কধা মনত্‌ তুল্। তুই নিজোর্‌ নাঙে শমক্‌ খেইনে তারারে কোইয়োচ্‌, তারার্‌ বংশধরুনোরে আগাজ তারা ধোক্ক্যেন গুণি ন-পুড়েইয়্যে গুরি তুলিবে আর তর্‌ শমক্‌ খেইয়্যে দেজ্‌চান পুরো বেক্কানই উমরর্ অধিকার ইজেবে তারার্‌ বংশধরুনোরে দিবে।

যাত্রা 32:34

শুনিচ্‌, যে জাগানর্‌ কধা মুই কোইয়োং তুই ইক্কিনে যেইনে মানুচ্চুনোরে সিদু নেযা। মর্‌ দূত্‌তুনে তমারে পথ্‌ দেগেইনে নেযেবাক্‌। যেক্কে সাজা-দিবার্‌ অক্ত এবঅ‌ সেক্কে মুই তারারে পাপর্‌ সাজা দিম্‌।”

যাত্রা 32:7

ইয়েনত্যে লগেপ্রভু মোশিরে কলঅ‌, “তুই তলেন্দি লামি যাহ্। তর্‌ সেই বেক্‌ মানুচ্চুনে যিগুনোরে তুই মিসর্‌ দেজত্তুন্‌ নিগিলেই আন্যচ্‌ তারা অমহদ বেশ্ ওইয়োন্‌।”

লেবীয় 20:24

মুই তমারে কোইয়োংগে, তারার্‌ দেজ্‌চান্‌ তমা অধীনোত্‌ এবঅ। দুধ, মধু আর কনঅ কিজুর্‌ অভাব নেইয়ে এক্কান্‌ দেজ্‌ সোম্বোত্তি ইজেবে মুই তমারে দিম। মুই লগেপ্রভু তমার গোজেন। অন্য বেক্‌ জাদত্তুন্‌ মুয়ই তমারে ফারক্‌ গোজ্যং।

গণাণা 11:12

মুই কি এই বেক্‌ মানুচ্চুনোরে পেদত্‌ ধোজ্যং? মুই কি ইগুনোরে পুদেয়োং? তুই তারার পুরোণি মানুচ্চুনো ইদু যে দেজ্‌চান্‌ দিবার্‌ শমক্‌ খেইয়োচ্‌ সিয়েনত্‌ কিত্তেই তুই মরে সাদাঙা-বাব ধোক্ক্যেন গুরি তারারে বুগোদ্‌ গুরি নেযেবাত্তে কোইয়োচ?

প্রেরিত্‌ 7:36

এ মোশিই মিসর দেজত্তুন্ ইস্রায়েলীয়গুনোরে নিগিলেই আন্ন্যে আর মিসর দেজত্, লোহিত সাগরত্ আর চল্লিশ বজর্ সং ধূল্যেচর-চাগালাত্ ভালোক্কানি আমক্ অবার্ কাম্ গোজ্যে।

দ্বি’লম্বর বিররণ 1:8

চঅ‌, মুই সেই জাগায়ানি তমারে দি ফেল্যং। মুই লগেপ্রভু তমার্‌ পুরোণিমানুচ্‌ অব্রাহাম, ইসহাক, যাকোব আর তারার্‌ পরেন্দি তারার্‌ বংশধরুনোরে যে দেজ্‌ছান দিবাত্তে শমক্‌ খেইয়োং তুমি সিয়েনত্‌ যেইনে সেই দেজ্‌ছান গজক্ গরঅ।