যাত্রা 32:8 - Chakma Bible8 এ ভিদিরে তারা মর্ উগুমোত্তুন্ দূরোত্ সুরি যেইয়োন্। তারা নিজোত্তেই গোরু ছঅ ধোক্ক্যেন এক্কো মূত্তি বানেয়োন। তারা মাদিত্ পুরিনে সিবেরে পূজো গোজ্যন্ আর সিবের্ নাঙে য়েমান্-উৎসর্ব গুরিনে কোইয়োন, ভেইলক্, ইবে ভিদিরে আগন্ তমা দেব-দেবেদাগুন্। এই দেব-দেবেদাগুনে মিসর্ দেজত্তুন্ তমারে নিগিলেই আন্যন্। Faic an caibideil |
যাত্রা 32:8
18 Iomraidhean Croise
এন্ কি, তারা নিজোত্তে ছাজি ফেলেইনে এক্কো গোরুছঅ মূত্তি বানেইনে কোইয়োন্, ইবেয়ই তমা গোজেন; মিসর দেজত্তুন্ ইবেয়ই তমারে নিগিলেই আন্যে। এধোক্কেন্ গুরিনে যেক্কে তারা তরে অমকদ অগমান্ গোজ্যন্ সেক্কেয়ো তর্ মেয়্যেত্তে তুই ধূল্যেচর-চাগালাত্ তারারে ছাড়ি ন-যাজ্। দিনোত্ তারারে আদেই নেযেবাত্তে মেঘঅ ছাগ্ আর রেদোত্ তারারে যেবার্ পধথ্ পহ্র দিবাত্তে আগুনো ঝিলান্ তারাত্তুন্ সোরেই ন-নেযাজ্।
সে পরেন্দি তে মরে কোইয়্যেদে, তুই আর দেরি ন-গুরিনে ইক্কিনে তলেন্দি লামি যাহ্, কিত্যে যে মানুচ্চুনোরে তুই মিসর দেজত্তুন্ নিগিলেই আন্যচ্ তারা ভান্ন্যেই পদথ্ যেইয়োন। যে পধন্দি চলিবার্ উগুম্ মুই দুয়োং এ ভিদিরে তারা সিয়েনত্তুন্ দূরোত্ সুরি যেইয়োন আর পূজোত্তে ছাঁঝি ফেলেয়্যে এক্কো মূত্তি বানেই নেযেয়োন।
মাত্তর্ তো ইস্রায়েলীয়গুনে এ শাজন্ গুরিয়্যেগুনোর কধালোই কান ন-পাদিদাক্। লগেপ্রভু উগুরে বিশ্বেজ্ আরেইনে তারা দেব-দেবেদাগুনো ইদু নিজোরে মিজেই দিদাক্ আর তারারে পূজো গুরিদাক্। তারার্ পূরোণি মানুচ্চুনে লগেপ্রভুর উগুম পালন গুরিনে যে বাধ্যতার পদেন্দি চলিদাক্ তারা সেই পথ্তানন্দি ন-আদিনে কয়েকদিনো ভিদিরেই সে পথ্তানত্তুন্ সুরি যেদাক্।
Sanasan