যাত্রা 32:3 - Chakma Bible

³ সেক্কে বেক্কুনে তারার্‌ কানর্‌ জিনিসছানি খুলি আনিনে হারোণরে দিলাক্।

যাত্রা 32:3 Iomraidhean Croise

পত্থম 24:22

উট্‌তুনোরে পানি হাবানা থুম্‌ গরানার্‌ পরেদি তে প্রায় ছয় গ্রাম গুয়োর্ এক্কো সোনার্‌ নাক্‌ফুল আর দ্বিয়েন আদত্তে একশঅ কুড়ি গ্রাম গুয়োর্‌ দ্বিয়েন সোনার্‌ হারু নিগিলেনে রিবিকারে দিইনে কলঅ,

পত্থম 35:4

সেক্কে তারা ইধু যিদুক্কুন্‌ দেবেদা মুত্তি এলাক্ সিগুন্‌ তারা যাকোব আঢত্‌ তুলি দিলাক্। সে লগে কান সনাগানিয়ো দিলাক্। যাকোবে সিয়েনি নিইনে শিখিম শঅর ইধু দাঙর্ গাজ তলে মাদিত্ গারে রাগেল।

যাত্রা 32:2

জোবত্‌ হারোণে তারারে কলঅ‌, “তমার মোক্কুনোর আর পূঅ-ঝিগুনোর্‌ কানর্‌ সনার্‌ কান্‌ফুলানি খুলি আনিনে মরে দুয়ো।”

যাত্রা 32:4

মানুচ্চুনে হারোণরে যিয়েনি দিলাক্‌ সিয়েনি গোলেইনে ছাচি ছাজাই মিশিন্দোই তে গোরু ছঅ ধোক্ক্যেন এক্কো মূত্তি বানেল। সিবে দেগিনেই ইস্রায়েলীয়গুনে কলাক্, “ভেইলক্‌, ইবে ভিদিরে আগন্‌ তমার দেব-দেবেদাগুন্‌। মিসর্‌ দেজত্তুন্‌ এই দেব-দেবেদাগুনে তমারে নিগিলে আন্যন্‌।”

যাত্রা 33:6

সেনত্তেই ইস্রায়েলীয়গুনে হোরেব মুড়োবোত্‌ তারার্‌ সনা-রূবোনি খুলি ফেলেলাক্; তারা আর কনদিন্অ সিয়েনি ন-পিনোন্‌।

যিশাইয় 3:19

কানর্ দুল, হারু, জালি পর্দা,

যিশাইয় 46:6

কেউ কেউ তারার থৈল্যেত্তুন্ সনা ঢাল আর পাল্লালোই রূবো মাবন্। সিয়েনিলোই তারা দেবেদা বানেবাত্তে সনা বান্যেগুনোরে দুয়োন; পরেদি তারা সেই দেবেদাগুনোরে জু জু জানান্ আর পূজো গরন।

যিরমিয় 10:9

তর্শীশত্তুন্ পিদেয়্যে রূবো আর ঊফসত্তুন সোনা আনা অয়। কালিগর আর বান্যেগুনে সিয়েনিলোই মূত্তিগুন বেড়েই থন্ । সিগুনোরে য়েল্ আর বিগুনি রঙ কাবড় উরো অয়; সিয়েন কাবিল্ কালিগর আঢ্‌তোই বানেয়্যে।‌‍‌‍‍