যাত্রা 32:2 - Chakma Bible

² জোবত্‌ হারোণে তারারে কলঅ‌, “তমার মোক্কুনোর আর পূঅ-ঝিগুনোর্‌ কানর্‌ সনার্‌ কান্‌ফুলানি খুলি আনিনে মরে দুয়ো।”

যাত্রা 32:2 Iomraidhean Croise

পত্থম 24:22

উট্‌তুনোরে পানি হাবানা থুম্‌ গরানার্‌ পরেদি তে প্রায় ছয় গ্রাম গুয়োর্ এক্কো সোনার্‌ নাক্‌ফুল আর দ্বিয়েন আদত্তে একশঅ কুড়ি গ্রাম গুয়োর্‌ দ্বিয়েন সোনার্‌ হারু নিগিলেনে রিবিকারে দিইনে কলঅ,

পত্থম 24:47

সে পরেদি মুই তারে পুযোর্‌ গুরিলুং, তুই কার্ ঝি? তে কলঅ, মুই নাহোর আর মিল্‌কার পুয়ো বথূয়েল ঝি। “এ কধাগান শুনিনে মুই তা নাগত্‌ নাক্‌ফুল আর দ্বি আদত্‌ হারু পিনেই দিলুং।

যাত্রা 20:23

সেনে উবোসনাত্তে তুমি কনঅ‌ কিজু বানেইনে মর্‌ লগে তুলনা ন-গুরিবা। সনা বা রূবোলোই নিজোত্তে কনঅ‌ দেব্‌-দেবেদায়ো ন-বানেবা।

যাত্রা 32:3

সেক্কে বেক্কুনে তারার্‌ কানর্‌ জিনিসছানি খুলি আনিনে হারোণরে দিলাক্।

যাত্রা 35:22

মরদ আর মিলেগুনো ভিদিরে যিগুনোর্‌ মনত্ আওজ্ অলঅ তারা নানা বাবোত্যে সনার গহনায়ো আনিলাক্। সিয়েনি ভিদিরে এলঅ‌ কাবড় আক্‌সো রাগেবার পিন্‌, কান্‌ ফুল, আংদি আর অন্য বাবোত্যে গহনা। লগেপ্রভুর্‌ নাঙে দোলন-উৎসর্বত্তেই তারা এদক্কানি দিলাক্।

গম্ উপদেজ্ 25:12

সনার দুল্ বা গম্ সনার নেগেলেচ্ যেধোক্ক্যেন্, সেধোক্ক্যেন্ বাধ্য মান্‌‍জ্যর কানত্ জ্ঞানী মান্‌‍জ্যর সংশোধনর কধা।

যিশাইয় 3:19

কানর্ দুল, হারু, জালি পর্দা,

যিশাইয় 30:22

সেক্কে তুমি তমার্ রূবো আর সোনালোই বেড়েয়্যে মূত্তিগুন্ অসিজি গুরিবা; তুমি সিগুনোরে কজরা কাবড় ধোক্ক্যেন ফেলেই দিইনে কবাদে, “দূর্ অ, দূর্ অ!” ‍

যিহিষ্কেল 16:17

মর্ সনা-রূবোলোই বানেয়্যে গয়না, যিয়েনি মুই তরে দুয়োং, সেই দোল্ গয়নানি তুই নিজোত্তে মরদ মূত্তি বানেইনে সিগুনো সমারে সিনেলী গুরিদে।

হোশেয় 2:8

তে স্বীগের্ ন-গুরিদো যে, মুয়ই তারে সেই শোজ্য, নূয়ো আংগুর-রস আর তেল দিদুং, তারে বোউত্ সনা আর রূবো দিদুং, যিয়েনি তে বাল দেবেদাত্তে বেবহার গোজ্যে।