যাত্রা 32:15 - Chakma Bible

¹⁵ ইয়েন পরেদি মোশি সাক্ষ্য-আরুগ্ দ্বিবে আঢত্‌ গুরিনে মুড়োবোত্তুন্‌ তলেন্দি লামিলো। ফলক্ দ্বিবে মুজুঙেন্দি আর পিজেন্দি দ্বিকিত্তেদি লেগা এলঅ‌।

যাত্রা 32:15 Iomraidhean Croise

গীতসংহিতা 19:7

লগেপ্রভুর উগুমোত্ কনঅ ভেজাল্ নেই, সিয়েনে মান্‌‌জ্যরে জাগেই তুলে। লগেপ্রভুর কধানি বিশ্বেজ্ গুরিবার, সিয়েনিয়ে সিদেসিদি মানুচ্চুনোরে জ্ঞান দে।

যাত্রা 16:34

সেই মান্নাগান্‌ যেনে বংশর পর্‌ বংশ ধুরিনে তুল্যে থায় সেনত্তে হারোণে যেরেদি মোশিরে দিয়্যে লগেপ্রভুর্‌ উগুম্‌ মজিম্ সাক্ষ্য-সুন্দুগো মুজুঙোত্‌ সিয়েনি নেযেইনে রাগেল।

যাত্রা 24:12

সে পরেদি লগেপ্রভু মোশিরে কলঅ‌, “তুই মুড়োবো উগুরে মইদু উদি এইনে কানক্ষণ্‌ ইয়োদোই থাগ। মানুচ্চুনোরে শিক্ষ্যে দিবাত্তে পাত্তরর্‌ যে ফলক্কো উগুরে মুই রীদি-সুদোম আর উগুম্‌ লিগি রাগেয়োং সিয়েনি মুই তরে দিম্‌।”

যাত্রা 24:18

মুড়োবো বেঈ উদদে উদদে মোশি সেই মেঘ ভিদিরে সোমেলগোই। তে চোল্লিশ্‌ দিন আর চোল্লিশ্‌ রেত্‌ সং সেই মুড়োবোত্‌ রলঅ‌।

যাত্রা 31:18

সিনাই মুড়োবো উগুরে মোশি ইদু এই বেক্‌ কধানি কনা থুম্‌ গুরিনে লগেপ্রভু তারে দ্বিবে সাক্ষ্য-ফলক্‌ দিলো। এ দ্বিবে পাত্তর আরুগ্ উগুরে গোজেনে নিজেই তার্‌ উগুমানি লেখ্যে।

যাত্রা 32:16

সেই দ্বিবে অলঅ গোজেনর নিজো আদর্ কাম্‌, আর সিগুনো উগুরে কাবিনে লেখ্যে লেগাগান্অ তার্ অলঅ।

যাত্রা 34:29

মোশি যেক্কে সাক্ষ্য-আরুগ্ দ্বিবে আঢত্‌ লোইনে সিনাই মুড়োবোত্তুন্‌ লামি এলঅ‌ সেক্কে তে টার্ ন-পায়দ্যে যে, লগেপ্রভুর্‌ লগে কধা কনার্‌ কারনে তার্‌ মুয়োন্‌ জোল্‌জোল্যে পহর্‌ ওই উঠ্যে।

যাত্রা 40:20

সে পরেদি মোশি সাক্ষ্য-আরুগ্ দ্বিবে নেযেইনে সুন্দুগো ভিদিরে রাগেল আর সুন্দুক্কোত্‌ দিয়্যে লুদিক্কুন্ লাগেল আর সিবে উগুরে রাগেল তার্‌ ঢাগনিগান।

২ করিন্হীয় 3:3

তুমিই যে খ্রীষ্টর্ লেগা চিধি আর আমার্ কামর ফল সিয়েন গমেডালে দেগা যার্। এ চিধি কালিলোই লেগা ন-অয় বরং জেদা গোজেনর্ আত্মালোই লেগা ওইয়্যে। ইয়েন কনঅ পাত্তর্ আরুগ্ উগুরে লেগা ন-অয়, মান্‌জ্যর রিবেঙ উগুরে লেগা ওইয়্যে।

২ করিন্হীয় 3:7

পাত্তরত্ লেগা যে বেবস্থাগানর্ ফলে মরণান্ এজে সেই বেবস্থাগান দিবার্ সময়োত্ গোজেনর্ মহিমাগান ফগদাং ওইয়্যে। সেক্কে মোশির মুয়োন্অ গোজেনর্ মহিমালোই জ্বোল্‌জোল্ল্যে ওইয়্যে। সেই জ্বোল্‌জোল্ল্যেগান যুনিয়ো লারে লারে কুমি যার্ তো ইস্রায়েলীগুনে মোশির মুয়ো ইন্দি রিনি চেই ন-পারন্।

দ্বি’লম্বর বিররণ 5:22

সে মুড়োবো উগুরে আগুন, মেঘ আর ঘুর্‌গুজ্যে আন্ধার ভিদিরেত্তুন্‌ লগেপ্রভু এ উগুমানি তমা বেক্কুনো ইদু রঅ ছাড়িনে ফগদাং গোজ্যে। ইয়েনি বাদে তে তমা ইদু আর কিজু ন-কয়। পরেদি তে সিয়েনি দ্বিবে পাত্তর আরুগো উগুরে লিগিনে মইদু দিলো।

দ্বি’লম্বর বিররণ 9:15

ইয়েনর্ পরেন্দি মুই মুড়োবোত্তুন্‌ লামি এলুং; সেক্কেয়ো মুড়োবোত্‌ আগুন্‌ জ্বলের, আর মর্‌ আদত্‌ এলদে বেবস্থা লেখ্যে সেই দ্বিবে আরুগ।

ইব্রীয় 9:4

এ ভাগ্‌কানত্ আগর্‌বাট্টি জ্বালেবাত্যে সনার্ ডালিপূজো আর সাক্ষ্য সুন্দুক এলঅ। সিবের্ চেরোকিত্যেদি সনালোই বেড়েয়্যে এলঅ। সিবে ভিদিরে এলঅ সনার্ পিলেত্ থোইয়্যে মান্না, হারোণর যে লুদিক্কোত্ ফুল ফুট্যে সেই লুদিক্কো, আর বেবস্থা-লেগা দ্বিয়েন পাত্তর আরুগ্।

ফগদাং পেইয়্যে 5:1

যিবে সেই সিংহাসনান উগুরে বৈ এলঅ তার্ ডেন্ আঢত্ মুই এক্কো বোই দেগিলুং। বোইবো ভিদিরে আর বারেদি লেগা এলঅ আর সাত্‌টো মহ্‌রলোই সীলমাজ্জ্যে এলঅ।