যাত্রা 32:12 - Chakma Bible

¹² কিত্তেই মিসরীয়গুনে এই কধাগান্‌ কবার্‌ সুযোগ্‌ পেবাক্‌, মুড়োমুড়ি চাগালা ভিদিরে আনিনে তারারে মারে ফেলেইনে পিত্‌থিমীর্‌ বুগোত্তুন্‌ তুলি দিবার্‌ ভান্ন্যেই আওজে তুই তারারে নিগিলেই আন্যচ্‌? তর্‌ এই জদবদে রাক্কান্‌ তুই থামা। দোয়্যে গর্‌, তঅ মানুচ্চুনো উগুরে তুই এই বিপদ্‌থান্‌ ন-আনিচ্‌।

যাত্রা 32:12 Iomraidhean Croise

পত্থম 6:6

সেনে লগেপ্রভু মনত্‌ দুখ্‌ পেলঅ। তে পিতথিমীয়ানত্‌ মানুচ্‌ বানেয়্যে বিলি দুখ্‌ পেইনে কলঅ, “মর্ বানেয়্যে মানুচ্চুনোরে মুই পিত্‌থিমীগান উগুরেত্তুন্ তুলি দিম; আর তা লগে বেক পরাণবলাগুন, বুগেদি-আঢি বেড়েয়্যে প্রাণী আর আগাজ পেক্কুনো তুলি দিম্‌ । ইগুনোরে বানেয়োং বিলিনে মঅ মনত্‌ কষ্ট অর্‌।”

১ রাজাবলী 8:51

কিত্তে ইস্রায়েলীয়গুনে দঅ তর্‌ মানুচ্‌, তর সোম্বোত্তি যিগুনোরে তুই মিসর দেজত্তুন্‌ নিগিলেই আন্ন্যচ্‌, নিগিলেই আন্ন্যচ্‌ লুয়ো গোলেয়্যে চুলো ভিদিরেত্তুন।

ইষ্রা 10:14

আমা দাঙর্ পোজিশনর্ কামগুরিয়্যেগুনে যেনে পুরো সমাজর নেতা অন্। সে পরেদি আমার নানান্ আদাম আর শঅর ভিদিরে যিগুনে অন্য জাদর্ মিলেরে লোইয়োন্ তারা পত্তিজনে তারার্ বুড়ো নেতাগুনোরে আর বিচেরগ্‌কুনোরে লোইনে এক্কো ঠিগ্ সময়োত্ যিরূশালেমত্ এজোদোক্। সেক্কে এই পাপ্পানত্যে আমা গোজেনর্ দর্‌গরেপারা রাগ্‌কান্ আমাত্তুন্ যেবগোই।”

গীতসংহিতা 106:45

তারাত্তেই তার থিদেবর্ গোজ্যে সুদোমর্ কধানি তে ইদোত্ তুলিলো; তার থুম্ ন-ওইয়্যে, অমকদ কোচ্‌পানা থানায় তারারে মেয়্যে গুরিলো।

গীতসংহিতা 74:18

ও লগেপ্রভু, পুরি ন-ফেলেচ্ শত্রুগুনে তরে নিইনে ঠাট্টা-তামাজা গোজ্যন্, বাজে-বিবেকবলা মানুচ্চুনে তর্ নাঙান অগমান গোজ্যন্।

গীতসংহিতা 78:38

তো তে দোয়্যে-মেয়্যেলোই ভরা বিলিনে তারার অন্যেয়ানি খেমা গুরিলো, তারারে ভস্ত ন-গুরিলো; তা রাগ্‌কান তে বার বার দোঙেই রাগেল, তা বেক্ রাগ্‌কান ফুলি ন-উদিলো।

গীতসংহিতা 85:3

তর্ বেক রাগ্‌কান তুই দূর্ গুরি দুয়োচ্ আর তর্ অমকদ রাগত্তুন্ ফিজ্জোস্।

গীতসংহিতা 90:13

ও লগেপ্রভু, আর কয়দিন? এবেরা তুই ফিরি চাহ্, তর্ চাগরুনো উগুরে তুই মেয়্যে দেগা।

যাত্রা 32:14

এই কধাগান্‌ শুনিনে লগেপ্রভুর্‌ মনত্‌ দোয়্যে অলঅ‌। তার্‌ মানুচ্চুনো উগুরে যে দজাগানি আনিবার্‌ কধা তে কোইয়্যে সিয়েনি আর তে ন-আনিলো।

যাত্রা 33:13

যুনি মুই তর্‌ দোয়্যে পেই থাং সালে তুই কি আজালোই কি গরচ্‌ সিয়েনি মরে জানেই দিচ্‌ যেনে মুই তরে বুঝি পারং আর তর্‌ দোয়্যেলোই থেই পারং। মনত্‌ রাগেচ্‌, এই জাদ্‌তো তর্‌।

যিশাইয় 64:7

কনজনে তরে ন-ডাগন্ বা কোজোলি গুরিবাত্তে কনজনে তইদু ন-এজন্, কিত্তে আমা ইন্দিত্তুন্ তুই তঅ মুয়োন ফিরেই রাগেয়োচ্ আর আমা পাপত্তে আমারে ভস্ত ওই যেবাত্তে দুয়োর্।

যিশাইয় 64:8

তো, ও লগেপ্রভু, তুয়ই আমার বাপ। মাদি মাদি, তুই কুমোর্; আমি বেক্কুনে তঅ আঢর্ কাম।

যিরমিয় 28:16

সেনত্তে লগেপ্রভু কোইয়্যেদে, ‘মুই তরে পিত্‌থিমীর উগুরেত্তুন সোরেই দিবাত্তে যাঙর্। এ বজরত্ তুই মুরি যেবে, কিত্তে তুই লগেপ্রভুর বিরুদ্ধে উল্লোমির কধা ফগদাং গোজ্যস্।’ ”

যিহিষ্কেল 20:14

মাত্তর্ মঅ সুনাঙান রোক্ষ্যে গুরিবাত্তে মুই সিয়েন ন-গরং, যেনে যে জাদ্‌‌‌‌‌তুনো মুজুঙোত্ মুই তারারে নিগিলেই আন্যং তারা ইধু মঅ নাঙান্ অসিজি ন-অয়।

যিহিষ্কেল 20:22

মাত্তর্ মঅ আঢ্‌‌তান মুই সোরেই রাগেলুং আর মর্ সুনাঙান রোক্ষ্যে গুরিবাত্তে মুই সিয়েন ন-গরং যেনে যিদুক্কুন্ জাদ মুজুঙোত্ মুই তারারে নিগিলেই আন্যং তারা ইধু মর্ নাঙান অসিজি ন-অয়।

যিহিষ্কেল 20:9

মাত্তর্ মঅ সুনাঙান্ রোক্ষ্যে গুরিবাত্তে মুই সিয়েন ন-গরং, যেনে তারা যে জাদ্‌‌‌‌তুনো ভিদিরে বজত্তি গোজ্যন তারা ইধু মঅ নাঙান্ অসিজি ন-অয়। মিসর দেজত্তুন্ ইস্রায়েলীয়গুনোরে নিগিলেই আনিনে সেই বেক্ জাদ্‌‌‌‌তুনোর চোগো মুজুঙোত্ মুই ইস্রায়েলীয়গুনো ইধু নিজোরে ফগদাং গুরিলুং।

যোয়েল 2:17

যিগুনে লগেপ্রভুর মুজুঙোত্ সেবা-কাম গরন্ সেই ধর্মগুরুগুনে উবোসনা-ঘরর্ বারান্দা আর পুজোবোর্ সংমোধ্যে কানোদোক্। তারা কোদোক্, “ও লগেপ্রভু, তঅ মানুচ্চুনো উগুরে তুই দোয়্যে গর্। তঅ সোম্বোত্তিগানরে ঈচ্ গরেপারা ন-গুরিচ্, জাদ ভিদিরে তারার্ নাঙানি ঈচ্ গরেপারা কধা অবাত্তে ন-দিচ্। অন্য জাদ মানুচ্চুনে কিত্তে কবাক্, ‘তারার্ গোজেনে কুদু?’ ”

আমোষ 7:3

সেক্কে লগেপ্রভু মনান্ ফিরেইনে কলঅ, “সেবাবোত্যে আর ন-ঘুদিবো।”

আমোষ 7:6

সেক্কে প্রভু লগেপ্রভু মনান্ ফিরেইনে কলঅ, “সেবাবোত্যে ন-ঘুদিবো।”

যোনা 3:9

কন্না হবর্ পাই অয়ত বা গোজেনে মন ফিরেইনে তার্ জদবদে রাগত্তুন্ ফিরিবো যেনে আমি ভস্ত ওই ন-যেই।”

সখরিয় 8:14

“মুই বেগত্তুন্ খেমতাবলা লগেপ্রভু কঙর্, তমা পূরোণি মানুচ্চুনে যেক্কে মরে অহুজি গোজ্যন্ সেক্কে মুই তারা উগুরে দযা আনিম্ বিলি ঠিগ্ গোজ্যং আর সিয়েন ঘোদেয়োংঅ।

গণাণা 14:19

মিসর দেজ্‌চান্‌ ফেলেই এজানার্‌ সময়ত্তুন্‌ ধুরি ইক্কিনে সং তুই যেধোক্ক্যেন গুরি তারারে ক্ষেমা গুরি এজর্‌ সেধোক্ক্যেন তর্‌ সেই অমহদ কোচ্‌পানা সমারে মিজেইনে তুই এই মানুচ্চুনোর্ অন্যেয়ানি ক্ষেমা গর্‌।”

গণাণা 16:21

“তুমি অন্য বেক্‌ মানুচ্চুনোত্তুন্‌ যুদো ওই যঅ, যেনে মুই তারারে এই অক্তবোত্‌ শেজ্ গুরি দি পারং।”

দ্বি’লম্বর বিররণ 13:17

লগেপ্রভু যেনে তার দর্‌গরেপারা রাগত্তুন্‌ ফিরি এজে সেনত্যে তমা আদত্‌ যেনে এই বেক্‌ পযাপিরানির এক্কানঅ দেগা ন-যায়, কিত্যে সিয়েনি উগুরে আঘেদে ভস্ত অনার্ অবিশাব। সালে তে তমারে দোয়্যে আর মেইয়্যে গুরিবো আর তমার পুরোণি মানুচ্চুনো ইদু শমক্‌ খেইয়্যে এগেম্ মঝিম তমার বংশগুন বাড়েই দিবো,

দ্বি’লম্বর বিররণ 32:36

লগেপ্রভু সেক্কে কবঅ, তার মানুচ্চুনোর বল্‌ ফুরেইয়্যে, চাগর বা গিরোজ্ কারর্‌ আর বল্‌ নেই, সেক্কে তে তার মানুচ্চুনোর পক্ষ নেযেব, তার চাগরুনো উগুরে দোয়্যে গুরিবো।

দ্বি’লম্বর বিররণ 9:28

সিয়েন্‌ গুরিলে যে দেজত্তুন্‌ তুই আমারে নিগিলেই আনিলে সে দেজর্‌ মানুচ্চুনে কবাক্, লগেপ্রভু তার্‌ এগেম্ গোজ্যে দেজত্‌ তারারে নেযেই ন-পারে বিলিনে বা তে তারারে ঘিনাই বিলিনে তারারে মারে ফেলেবাত্তে এ ধূল্যেচর-চাগালাত্ আন্যে।

যিহোশূয় 7:26

আখনর কিয়্যের্‌ উগুরেন্দি তারা ভালোক্কুন্‌ পাত্তর্‌ এগত্তর্ গুরিনে এক্কো হুড়্ বানেলাক্‌। সিবে এজঅ‌ আঘে। ইয়েনর্ পরেন্দি লগেপ্রভু তা রাক্কানত্তুন্‌ ফিরিলো। ইয়েনত্তেই সে জাগায়ানরে ইয়েনর্‌ পরেত্তুন্‌ ধুরি আখোর কিজিং কুয়ো অদঅ‌।

যিহোশূয় 7:9

কনানীয়গুনে আর এ দেজর্‌ অন্য মানুচ্চুনে এ কধানি শুনিবাক্‌ আর তারা আমারে ঘিরিবাক্‌ আহ্‌ দুনিয়ের্‌ বুগোত্তুন আমা নাঙানি বাদ দিবাক্‌। ইয়েনর্ পরেন্দি তুমি কিঙিরিনে তমার সুনাঙানি রোক্ষ্যে গুরিবা?”

১ শমূয়েল 12:22

লগেপ্রভু তার দাঙর্‌ নাঙানত্তে তার মানুচ্চুনোরে কনদিনঅ ছাড়ি ন-যেবঅ, কিত্যে তে নিজোর্ আওজ্‌‌লোই তমারে তার নিজোর মানুচ্‌ ইজেবে নেযেয়্যে।