যাত্রা 32:1 - Chakma Bible

¹ মুড়োবোত্তুন লামি এত্তে মোশির্‌ দেরি অর্‌ দেগিনে মানুচ্চুনে হারোণর্‌ চেরোকিত্তে এগত্তর্‌ ওইনে কলাক্‌, “পথ্‌ দেগেইনে নেযেবাত্তে তুই‌ আমারে ভুত্‌-দেবেদা বানেই দে কিত্তে সেই মোশি, যে আমারে মিসর দেজত্তুন্‌ নিগিলেই আন্যে, তার্‌ কি ওইয়্যে আমি হবর্‌ ন-পেই।”

যাত্রা 32:1 Iomraidhean Croise

পত্থম 19:14

সেক্কে লোটে বারেন্দি যেইনে যিগুনে তার জামেই অবাক্‌ তারারে কলঅ, “তুমি যাদিমাদি এ জাগাগান্‌ ছাড়ি যগোই কিত্তে লগেপ্রভু এ শঅরান্‌ ভস্ত গুরিবাত্তে যুক্কোল ওই আঘে।” মাত্তর্‌ তারা মনে গুরিলাক তে বিগিদি গরের্‌।

পত্থম 21:26

জোবত্‌ অবীমেলকে কলঅ, “এ কামান্‌ কন্না গোজ্যে সিয়েন্‌ দঅ মুই হবর্‌ ন-পাং। আগেদি দঅ তুই এ কধাগান মরে ন-কচ্‌। এচ্চ্যে মুই এ কধাগান শুনিলুং।”

পত্থম 39:8

মাত্তর্‌ যোষেফে সেক্কে রাজী ন-অলঅ। তে কলঅ, “চাহ্, মুই এ ঘরত্‌ আগং বিলি মর্‌ গিরোজ্‌সো কনঅ কিজুত্তে চিদে-চজ্জা ন-গরে। বেক্ কাম ভারান তে মঅ উগুরে গোজেই দিয়্যে।

পত্থম 44:15

সেক্কে যোষেফে তারারে কলঅ, “তুমি ইয়েন্‌ কি গোজ্য? মঅ ধোক্ক্যেন মান্‌জ্যে যে ঘেচ্চেক্‌গুরি বেক্কানি গুণিনে নিগিলেই পারে সিয়েন কি তুমি হবর্ নঅ-পেদা?”

পত্থম 44:4

তারা এইমাত্র শঅরত্তুন্‌ নিগিলি যেইয়োন মাত্তর্‌ বেশ্‌ দূরোত্‌ ন-যান, এন্‌ সময়োত্‌ যোষেফে তা ঘরর্‌ সদ্দারবোরে কলঅ, “যাদিমাদি গুরি উই মানুচ্চুনো পিজেদি যাহ্। তারারে দেগিলে কবেদে, তুমি উপোকারর্ বদলে অপকার্‌ গুরি এলা কিত্তে?”

গীতসংহিতা 106:19

হোরেব মুড়োবো মুজুঙোত্ তারা এক্কো সনার গোরু বানেলাক্ আর গোলেইনে বানেয়্যে মূত্তিবোরে সালাম গুরিলাক্।

যাত্রা 13:21

লগেপ্রভু তারারে পথ দেগেইনে নেযেবাত্তে দিনো লক্কে মেঘঅ আন্দল ভিদিরেদি আর রেদো লক্কে পহ্‌র্‌ দিবাত্যেই আগুনো আন্দল ভিদিরেদি থেইনে তারার্‌ আগে আগে যেদঅ‌। সেক্কে তারা দিনোত্‌ আর রেদোত্‌ সব সময়োত্‌ যেই পারিদাক্‌।

যাত্রা 14:11

তারা মোশিরে কলাক্, “মিসরত্‌ গোর্ দিবার্‌ জাগা নেই বিলিনে কি মুরিবাত্যেই তুই এই ধূল্যেচর চাগালাত্‌‌ আমারে আন্যচ্‌? মিসরত্তুন্‌ নিগিলেই আনিনে তুই‌ আমারে ইয়েন্‌ কি গুরিলে?

যাত্রা 16:3

তারা তাঁরারে কলাক্কে, “মিসর দেজত্‌ লগেপ্রভুর্‌ আদত্‌ আমি কিত্যেই ন-মুরিলোং। সিদু আমি য়েরার্‌ পিলেগুন মুজুঙোত্‌ থোইনে পেট ভরন্‌ পিদে-য়েরা খেদং। আমার এই পুরো দল্লোরে ন-হাবেনে মারে ফেলেবাত্তেই তুমি আমারে এই ধূল্যেচর-বামর্‌ ভিদিরে আন্য।”

যাত্রা 20:23

সেনে উবোসনাত্তে তুমি কনঅ‌ কিজু বানেইনে মর্‌ লগে তুলনা ন-গুরিবা। সনা বা রূবোলোই নিজোত্তে কনঅ‌ দেব্‌-দেবেদায়ো ন-বানেবা।

যাত্রা 24:12

সে পরেদি লগেপ্রভু মোশিরে কলঅ‌, “তুই মুড়োবো উগুরে মইদু উদি এইনে কানক্ষণ্‌ ইয়োদোই থাগ। মানুচ্চুনোরে শিক্ষ্যে দিবাত্তে পাত্তরর্‌ যে ফলক্কো উগুরে মুই রীদি-সুদোম আর উগুম্‌ লিগি রাগেয়োং সিয়েনি মুই তরে দিম্‌।”

যাত্রা 24:18

মুড়োবো বেঈ উদদে উদদে মোশি সেই মেঘ ভিদিরে সোমেলগোই। তে চোল্লিশ্‌ দিন আর চোল্লিশ্‌ রেত্‌ সং সেই মুড়োবোত্‌ রলঅ‌।

যাত্রা 32:11

মোশি সেক্কে তার গোজেন লগেপ্রভুরে কোজোলী গুরিনে কলঅ‌, “লগেপ্রভু, তর্‌ খেমতাবলা আত্তান্‌ বাবেইনে দাঙর্‌ বল্লোই যিগুনোরে তুই মিসর্‌ দেজত্তুন্‌ নিগিলেই আন্যচ্‌ তর্‌ সেই মানুচ্চুনো উগুরে কিত্তেই তর্‌ এদক্‌ রাগ্‌?”

যাত্রা 32:22

জোবত্‌ হারোণে কলঅ, “তুই রাগ ন-গুরিচ্‌, তুই দঅ হবর্‌ পাজ্ ভান্ন্যেয়দি এই মানুচ্চুনোর অভ্যেস্‌।”

যাত্রা 32:23

তারা এইনে মরে কলাক্কে, পথ্‌ দেগেইনে নেযেবাত্তে তুই আমারে ভুত্‌-দেবেদা বানেই দে, কিত্তে সেই মোশি, যে মিসর দেজত্তুন্‌ আমারে নিগিলেই আন্যে, তার্‌ কি ওইয়্যে আমি হবর্‌ ন-পেই।

যাত্রা 32:7

ইয়েনত্যে লগেপ্রভু মোশিরে কলঅ‌, “তুই তলেন্দি লামি যাহ্। তর্‌ সেই বেক্‌ মানুচ্চুনে যিগুনোরে তুই মিসর্‌ দেজত্তুন্‌ নিগিলেই আন্যচ্‌ তারা অমহদ বেশ্ ওইয়োন্‌।”

যাত্রা 33:3

সিদু দুধ, মধু আর কনঅ‌ কিজুর্‌ চিদে চজ্জা নেই। মাত্তর্‌ তুমি এক্কো একবুচ্চ্যে জাদ্ বিলিনে মুই তমা লগে ন-যেম্‌, গেলে পদথ্‌ মুই তমারে শেজ্ গুরি দিম্‌।”

যিহিষ্কেল 20:8

মাত্তর্ তারা মঅ বিরুদ্ধে উল্লোমী গুরিলাক্, মঅ কধানি শুনিবাত্তে রাজি ন-অলাক্। যিদুক্কুন জঘন্য মূত্তি তারা ইধু গম্ লাগিদো সিগুন তারা দূর্ ন-গুরিলাক্ আর মিসরর মূত্তিগুন ন-ছাড়িলাক্। সেনত্তে মুই কলুং মিসরত্ মুই তারা উগুরে মঅ রাগ্‌‌‌‌কান আর অমকদ অহুজি অনাগান্ পুরোপুরি ঢালি দিম।

হোশেয় 12:13

মিসরত্তুন্ ইস্রায়েলরে আনিবাত্তে লগেপ্রভু এক্কো ভাববাদীরে বেবহার গোজ্যে; তারে দিইনে তে তার্ দেগাশুনো গোজ্যে।

মীখা 6:4

মুই মিসর দেজত্তুন্ তমারে নিগিলেই আন্যং, চাগর অবস্থাত্তুন্ তমারে উদ্ধোর্ গোজ্যং। তমারে বল্ দিবাত্তে মোশি, হারোণ আর মরিয়মরে পাদেয়োং।

গণাণা 14:22

এই মানুচ্চুনোত্তুন্‌ একজনেয়ো সেই দেজ্‌চান্‌ চেই ন-পেবাক, যে দেজ্‌চান্‌ দিম্‌ বিলি মু্‌ই তারার্‌ পুরোণি মানুচ্চুনো ইদু শমক্‌ গোজ্যং। ইয়েনর্‌ কারণান্‌ অলঅ, এই মানুচ্চুনে মর্‌ মহিমাগান্ আর মিসরর্‌ ধূল্যেচর-চাগালাত্‌ দেগেয়্যে মর্‌ আমক্‌ অবার চিহ্নগানি দেগিনেয়ো মরে অগ্রাজ্য গোজ্যন আর দশ দশবার মরে যগা চেইয়োন। যিগুনে মরে ইংসে-নিন্দে গোজ্যন্ তারা কনজনে সেই দেজ্‌চান্‌ ন-দেগিবাক।

মথি লেখ্যে গম্ হবর্ 24:43

ঘর গিরোজ্‌সো যুনি হবর্ পেদঅ কন্ সময় চুর্ এবঅ সালে তে জাগি থেদঅ, নিজো ঘরত্ তে চুর্ সোমেবাত্তে ন-দিদো।

মথি লেখ্যে গম্ হবর্ 24:48

মাত্তর্ যুনি সেই চাগর্‌বো পাজি, তে নিজে মনে মনে কয়, মঅ গিরোজ্‌সো ফিরি এত্তে বোউত্ দেরি অবঅ ।

প্রেরিত্‌ 17:29

সালে আমি যেক্কে গোজেনর্ পুয়ো সেক্কে গোজেনরে মান্‌জ্য আঢ্‌তোই আর চিন্তেশক্তিলোই বানেয়্যে সনা, রূবো বা পাত্তর মূত্তি মনে গরানা আমার্ উচিত্ নয়।

প্রেরিত্‌ 19:26

মাত্তর্ তুমি দেগর্ আর শুনোর্ যে, পৌল নাঙে সে মানুচ্চো আমারে এই ইফিষত্ আর কদঅ গেলে প্রায় গোদা এশিয়া রেজ্যর্ বোউত্ মান্‌জ্যরে বিশ্বেজ্ গোরেনেই তারারে ভুল্ পধেদি নেযেয়্যে। তে কয়দ্যে, আঢে বানেইয়্যে দেব-দেবীগুন কিচ্চু নয়।

দ্বি’লম্বর বিররণ 31:8

লগেপ্রভু নিজে তমার আগে আগে যেবঅ আর তমা সমারে থেবঅ। তে কনদিনঅ তরে ছাড়িনে ন-যেবঅ বা বাদ ন-দিবো। তুই ন-দোরেচ্‌, মনবল ন-আরেচ্‌।”

দ্বি’লম্বর বিররণ 9:1

ইস্রায়েলীয়গুন্‌, শুনো। যিদুক্কুন জাদে তমাত্তুন মান্‌জ্যর সোংখ্যেন্দি আর বলেদি বেশ্‌ তুমি ইক্কিনে যেইনে তারার্‌ আগাজত্‌ বাস্যে দেবাল্লোই ঘিজ্যে দাঙর্‌ দাঙর্‌ শঅরানি গজক্ গুরিবাত্তে যর্দন গাঙান্‌ পার্‌ অবাত্তে যর্‌।

দ্বি’লম্বর বিররণ 9:9

লগেপ্রভু যে সুদোমান তমাত্যে থিদেবর্ গোজ্যে সেই সুদোমান লেখ্যে পাত্তরর্‌ ফলগত্‌ দ্বিবে গুজি লবাত্তে মুই মুড়ো উগুরে উদিনে চোল্লিশ দিন আর চোল্লিশ রেত্‌ সিয়োদোই এলুং। সেক্কে মুই পানি বা পিদে কিচ্ছু ন-খাং।

যিহোশূয় 7:13

“তুই যেইনে মানুচ্চুনোরে মঅ‌ নাঙে যুদো গুরি নেযা। তারারে কঅ‌ যেন তারা এযেত্যে কেল্যেত্তে নিজোরে সিজি গরন্‌। ইস্রায়েলীয়গুনোর গোজেন্‌ লগেপ্রভু কোইয়্যে, ‘ও ইস্রায়েল, তমা ভিদিরে এন্‌ কদক্কানি জিনিস আঘে যিয়েনি ভস্তর্ অভিশাবর তলে। সিয়েনি তমা ভিদিরেত্তুন দূর্ গুরি ন-ফেলানা সং তুমি তমার শত্রুগুনোর বিরুদ্ধে থিয়্যেই ন-পারিবা।

২ পিতর 3:4

আর কবাক্, “তার্ এযানার্ যে এগেম্ এলঅ সিয়েনর কি অলঅ? পিত্‌থিমীগান সৃট্টির সময়ত্তুন্ ধুরি যেধোক্ক্যেন চলের্ ঠিগ্ সেধোক্ক্যেন আমার পূরোণি মানুচ্চুনোর্ মরণর পরেত্তুন্ ধুরি বেক্কানি সেবাবোত্যে গুরি চলের্।”