যাত্রা 31:3 - Chakma Bible

³ মুই এই বৎসলেলরে গোজেনর্‌ আত্মালোই পরিপূরোণ গোজ্যং। মুই তারে জ্ঞান, বুদ্ধি, অভিজ্ঞতা আর নানান্‌ বাবত্যে কালিগরি কামর্‌ খেমতা দিইনে রাগেয়োং।

যাত্রা 31:3 Iomraidhean Croise

১ রাজাবলী 3:9

সেনত্তে তঅ মানুচ্চুনোরে শাজন্ গুরিবাত্তে আর কুবোন্‌ ঠিগ্ বা কুবোন্‌ ভুল সিয়েনি জানিবাত্তে তুই তঅ চাগর্‌বোর্‌ মনানত্‌ বুঝিবার খেমতা দে; কিত্যে কার সাধ্য আঘে তর্‌ এ দাঙর্‌ জাদ্‌তোরে শাজন্ গরে?”

১ রাজাবলী 7:13

রাজা শলোমনে সোরত্‌ মানুচ্‌ পাদেইনে হীরামরে আনিলো।

১ রাজাবলী 7:14

তা মাবো অলদে রানিমিলে আর নপ্তালি-গুট্টির ঝি। তা বাবে অলদে সোরর মানুচ্‌। হীরমে পিদল কালিগর এলঅ। হীরমে পিদলর নানান্‌ বাবোত্যে কাম জানিদো আর সে কামত্‌ তে অমকদ কাবিল এলঅ। তে রাজা শলোমন ইদু এলঅ আর তারে যেদক্কানি কাম দিয়্যে অলঅ সিয়েনি গুরিলো।

২ বংশধর 2:7

“মঅ‌ বাপ্পো দায়ূদে কাবিল্‌ কালিগরুনোরে ঠিগ্‌ গুরি রাগেয়্যে যিগুনে ইক্কিনে যিহূদা আর যিরূশালেমত্‌ মইদু আগন্‌। তারার্‌ লগে কাম্‌ গুরিবাত্তে তুই মরে এন্‌ এক্কো কাবিল্‌ কালিগর পাধেই দে যে সোনা-রূবো, পিদোল আর লুয়োর্‌ কামানি, বিগুনো রঙর্‌, রাঙা আর য়েল্‌ রঙর্‌ সুদোর্‌ কামানি আর কাবিনে লেগেদে কামানি গুরি জানে।

যাত্রা 28:3

মুই যিদুক্কুন্‌ কাবিল্‌ কালিগররে জ্ঞানদানগোজ্যে পবিত্র আত্মালোই পূরোণ গুরি রাগেয়োং, তুই তারারে কোইদে যেনে তারা হারোণত্তে এমন্‌ একবাবোত্যে পোজাক্‌ বানান্‌ যিয়েনে তারে ধর্মগুরু ইজেবে মরে সেবা গুরিবার্‌ নাঙে যুদো গুরি রাগেব।

যাত্রা 31:4

সেক্কে তে নিজোর্‌ মনত্তুন্‌ সনা, রূবো আর পিদোল উগুরে দোল্‌ দোল্‌ নক্‌‌শা/আড়ুক্‌ বানেই পারিবো,

যাত্রা 35:35

তে তারারে নানান্‌ বাবোত্যে আঢর্‌ কাম্‌, য়েল্, বিগুনি আর রাঙা রঙয়র্‌ সুদো আর মসীনা সুদোলোই সিলেইনে আড়ুক্‌ তুলিবার্‌ কাম্‌ আর তাদ কাম্‌ গুরিবার্‌ খেমতা দিলো। তারা নানান্‌ বাবোত্যে আঢ কাম্‌ গুরি পারিবাক্‌ আর নিজোর্‌ মনত্তুন্‌ নানান্‌ বাবোত্যে আড়ুক্‌অ বানেই পারিবাক্‌।

গম্ উপদেজ্ 2:6

কিত্তে লগেপ্রভু গম বুদ্ধি দান গরে, তা মুয়োত্তুন্ জ্ঞান আর বিচের বুদ্ধি নিগিলি এজে।

যিশাইয় 28:26

তা গোজেনে তারে উগুম দে আর তারে ঠিগ পথ্‌তান্ শিক্ষ্যে দে।

যিশাইয় 28:6

তে বিচেরগর্ মনত্ ন্যায়বিচেরর্ মনভাব্ দিবো। যিগুনে গেদো কায়-কুরেত্তুন যুদ্ধো সোরেই দুয়োন্ তারারে তে বল্ দিবো।