যাত্রা 31:2 - Chakma Bible

² “চাহ্, মুই যিহূদা-গুট্টির্‌ ঊরির পূঅ বৎসলেলরে বেঈ লোইয়োং। ঊরি অলদে হূরোর্‌ পূঅ।

যাত্রা 31:2 Iomraidhean Croise

১ রাজাবলী 7:14

তা মাবো অলদে রানিমিলে আর নপ্তালি-গুট্টির ঝি। তা বাবে অলদে সোরর মানুচ্‌। হীরমে পিদল কালিগর এলঅ। হীরমে পিদলর নানান্‌ বাবোত্যে কাম জানিদো আর সে কামত্‌ তে অমকদ কাবিল এলঅ। তে রাজা শলোমন ইদু এলঅ আর তারে যেদক্কানি কাম দিয়্যে অলঅ সিয়েনি গুরিলো।

২ বংশধর 1:5

মাত্তর্‌ হূরোর নাদিন ঊরির পুয়ো বৎসলেলে পিদোল যে পূজোবো বানেয়্যে সিবে গিবিয়োনত্‌ লগেপ্রভুর থেবার-তাম্বুলো মুজুঙোত্‌ এলঅ। সেনত্তে শলোমন আর বেক্‌ মানুচ্চুনে সিদু গেলাক্‌।

যাত্রা 17:10

মোশি যিহোশূয়োরে যিয়েনি কোইয়্যে তে সিয়েনোই গুরিলো। তে অমালেকীয়গুনো বিরুদ্ধে যুদ্ধো গুরিবাত্তে গেলঅ‌। সে ভিদিরে মোশি, হারোণ আর হূরে সেই মুড়োবোর্‌ মাদা উগুরে যেইনে উদিলাক্‌।

যাত্রা 33:12

পরেদি মোশি লগেপ্রভুরে কলঅ, “তুই মরে এই মানুচ্চুনোরে নেযেবাত্তে কোইয়োচ্‌, মাত্তর্‌ মর্‌ লগে কারে পাধেবে সিয়েন্‌ দঅ ন-কচ্‌। তুই কোয়োচ্চে তুই মরে তর্‌ নিজোর্‌ বিলিনেই জানচ্‌ আর মঅ‌ উগুরে তর্‌ দোয়্যে আঘে।”

যাত্রা 33:17

সেক্কে লগেপ্রভু মোশিরে কলঅ‌, “তুই যিয়েনি কোইয়োচ্‌ মুই সিয়েনি গুরিম্‌, কিত্তে মর্‌ দোয়্যেগান্‌ তঅ উগুরে আঘে আর মুই তরে মর্‌ নিজোর্‌ বিলিনে হবর্‌ পাং।”

যাত্রা 35:30

ইয়েন পরেদি মোশি ইস্রায়েলীয়গুনোরে কলঅ‌, “লগেপ্রভু যিহূদা-গুট্টির্‌ হূরোর্‌ নাদিন্‌, অত্তাৎ ঊরির পূঅ বৎসলেলরে বেঈ নেযেয়্যে আর গোজেন আত্মায় ভরণ-পূরোণ গুরিনে তে তারে জ্ঞান, বুদ্ধি, অভিজ্ঞতা আর নানান্‌ বাবোত্যে কালিগরি কামর্‌ খেমতা দিয়্যে।”

যাত্রা 36:1

“সেনত্তে কেধোক্ক্যেনগুরি এই পবিত্র তাম্বুল-ঘরান্‌ বানা পুরিবো সিয়েন্‌ বুঝিবাত্তেই লগেপ্রভু বৎসলেলরে, অহলীয়াবরে আর অন্য যিদুক্কুন্‌ কালিগররে জ্ঞান আর বুদ্ধি দুয়োন্‌ তারা যেনে লগেপ্রভুর্‌ উগুম মজিম্‌ সেই বেক্‌ কামানি গরন্‌।”

যাত্রা 37:1

বৎসলেলে বাব্‌লা তক্তালোই সাক্ষ্য-সুন্দুক্কো বানেল। সিবে আড়ি আত্‌ লাম্বা, দেড় আত্‌ পাদাজ্জ্যে আর দেড় আত্‌ উজু গুরি বানা অলঅ‌।

যাত্রা 38:22

লগেপ্রভু মোশিরে যিয়েন্‌ বানেবাত্তে উগুম্‌ দিয়্যে সে উগুম মজিম্‌ যিহূদা-গুট্টির ঊরির পূঅ বৎসলেলে বেক্কানি বানেই দিলো। তে অলদে হূরোর্‌ নাদিন্‌।

যাত্রা 38:23

বৎসলেলরে এজাল্‌ দিয়্যেদে দান-গুট্টির্‌ অহীষামকর পূঅ অহলীয়াবে। তে অলদে আঢর্‌ কাম্‌ আর আড়ুক্‌ বানেবার্‌ কামত্‌ কাবিল্‌। ইয়েনবাদে তে য়েল্, বিগুনি আর রাঙা রংয়র্‌ সুদো আর মসীনা সুদোলোই নক্‌শা তুলিবার্ কামদ্‌অ কাবিল্‌ এলঅ।

যোহন 3:27

ইয়েনর্ জোবত্ যোহনে কলঅ, “স্বর্গত্তুন্ দিয়্যে ন-অলে কারঅ পক্ষে কনঅ কিজু পানা সম্ভব্ নয়।