যাত্রা 30:14 - Chakma Bible

¹⁴ যিগুনে গুণি রাগেয়্যে দলত যেবাক্, অত্তাৎ যিগুনোর্‌ বয়স কুড়ি বজর্‌ বা তাত্তুন্‌ বেশ্‌, লগেপ্রভুরে তারাত্তুন ইয়েনিই দিয়্যে পুরিবো।

যাত্রা 30:14 Iomraidhean Croise

যাত্রা 30:13

গুণি রাগেয়্যে মানেইয়ুনোর দলত্‌ যেবার্‌ আগেন্দি পত্তি জনে দশ গ্রাম মাবর্ ধর্মীয় শেখলর্‌ আধা শেখল ইজেবে দিয়্যে পুরিবো। এই আদা শেখল্‌ অবদে লগেপ্রভুর।

যাত্রা 30:15

জীংকানির-দাম্‌ ইজেবে লগেপ্রভুরে ইয়েনি দিবার্‌ অক্তত্‌ তাগোয়্যেবোর্‌অ‌ আদা শেখলত্তুন্‌ বেশ্‌ দিয়্যে ন পুরিবো, আরঅ‌ নাঢা মানেইয়ুনোর্‌অ ইয়েনত্তুন্‌ কম দেনা ন-চুলিবো।

যিহিষ্কেল 45:12

এক শেখেলত্ থেবঅ কুড়ি গেরা। এক মানিত্ থেবঅ ষায়েট্ শেখেল।

যিহিষ্কেল 45:16

দেজর্ বেক মানুচ্চুন ইস্রায়েলর্ শাজন্‌গুরিয়্যেবোরে এ বক্‌শিজচান দিবাক্।‌‌

গণাণা 1:20

ইস্রায়েলর্‌ দাঙর্‌ পূঅ রূবেণর বংশধরুনো ভিদিরে যিগুনোর্‌ বয়স কুড়ি বা তাত্তুন্‌ বেশ্‌, অত্তাৎ যিগুনে যুদ্ধোত্‌ যেবার্‌ অক্ত ওইয়োন্‌, বংশ আর পরিবারর্‌ পরিচয় মজিম একজন একজন গুরি তারার্‌ নাঙানি লিগি নেযা অলঅ।

গণাণা 14:29

তমা ভিদিরে কুড়ি বজর বা তাত্তুন্‌ বেশ্‌ বয়জর্‌ যিগুনোরে মানুচ্‌ গুণিবার্‌ সময় গোণা ওইয়্যে, অত্তাৎ যিগুনে মর্‌ বিরুদ্ধে বক্‌বক্‌ গোজ্যন, তারার্‌ মরাকিয়্যেগানি এই ধূল্যেচর-চাগালাত্‌ পড়ি থেবঅ।

গণাণা 26:2

“ইস্রায়েলীয়গুনো ভিদিরে যিগুনোর বয়স কুড়ি বা তাত্তুন্‌ বেশ্‌, অত্তাৎ যিগুনে যুদ্ধোত্‌ যেবার্‌ অক্ত ওইয়োন, গোর্‌বো মজিম তুমি তারার্‌ সোংখ্যেগুন্‌ গুণি লঅ।”

গণাণা 32:11

যে দেজ্‌চান্‌ দিবার্‌ কধা মুই অব্রাহামরে, ইস্‌হাকরে আর যাকোব ইদু শমক্‌ খেইনে এগেম্ গোজ্যং মিশরত্তুন্‌ নিগিলি এচ্চ্যে কুড়ি বা তাত্তুন্‌ বেশ্‌ বয়জর্‌ মানুচ্চুনো ভিদিরে কনজনে সিয়েন্‌ ন-দেগিবাক্, কিত্যে তারা মর্‌ কধানি পুরোপুরি মানি ন-চলন্।