যাত্রা 3:6 - Chakma Bible

⁶ মুই তঅ বাবর গোজেন; মুই অব্রাহাম, ইস্‌হাক আর যাকোবর্‌ গোজেন।” সেক্কে মোশি তা মুয়োন্‌ ঢাগিলো, কিত্তে গোজেন ইন্দি রিনি চেবাত্তে তার্‌ মনত্‌ দর্‌বুগ লাগিলো।

যাত্রা 3:6 Iomraidhean Croise

পত্থম 12:1

পরেদি লগেপ্রভু অব্রামরে কলঅ, তুই তর্‌ নিজো দেজচান, তঅ কুদুম্মোগুন্‌ আর তঅ বাবর্ ঘর-দুয়োর্‌ ছাড়িনে মুই যে দেজ্‌চান দেগেই দিম্‌ সে দেজচানত্‌ যাহ্।

পত্থম 12:7

পরেদি লগেপ্রভু অব্রামরে দেগা দিইনে কলঅ,“এ দেজ্‌চান্‌ মুই তঅ বংশবোরে দিম্‌।” যিবে তারে দেগা দিয়্যে সে লগেপ্রভুর্ নাঙে অব্রামে সেক্কে সিয়েনত্‌ এক্কো ডালিপূজো বানেল।

পত্থম 17:3

সেক্কে অব্রামে মাদিত্‌ মাদা নিগিরি পড়িলো, আর গোজেনে তা লগে কধা কুয়ো ধুরিলো।

পত্থম 24:12

সে চাগরবো ইয়েন্‌ কোইনে তবনা গুরিলো, “ও লগেপ্রভু, মঅ গিরোজ্‌ অব্রাহামর গোজেন, এচ্চ্যে ইয়েনর বেক্কানি তুই তঅ আদত্‌ নেযা আর মর্‌ গিরোজ্‌ অব্রাহামরে দিয়্যে তঅ কধাগান রাগা।

পত্থম 26:24

সে রেদোত্‌ লগেপ্রভু তারে দেগা দিইনে কলঅ, “মুই তঅ বাপ্পো অব্রাহাম গোজেন। কিচ্ছু ন-দোরেবে, কিত্তে মুই তঅ সমারে আগং। মঅ চাগর্‌ অব্রাহামত্তে মুই তরে বর্ দিম্‌ আর তঅ বংশবো বাড়েই দিম্‌।”

পত্থম 28:13

আর লগেপ্রভু সিয়েন উগুরে ঠিয়েইনে কলঅ, “মুই লগেপ্রভু। মুই তঅ পুরোণি মানুচ্‌ অব্রাহামর গোজেন আর ইস্‌হাকরঅ গোজেন। তুই যিয়েনত্‌ ঘুম যর্‌ সে দেজ্‌চান মুই তরে আর তঅ বংশর্‌ মানুচ্চুনোরে দিম্‌।

পত্থম 28:17

এ কধাগান্‌ ভাবিনে তা মনত্‌ দর্‌ এলঅ। তে কলঅ, “ কি দর্‌গরেপারা এ জাগায়ান! ইয়েন্‌ গোজেনর থেবার জাগা ছাড়া আর কিচ্ছু নয়; স্বর্গর্‌ দুঅরান ইয়োদোই।”

পত্থম 31:42

মর্‌ বাবর্‌ গোজেন, যিবে অব্রাহামর গোজেন আর ইস্‌হাকর্‌ ভক্তির গোজেন, তে যুদি মর্‌ লগে ন-থেদঅ সালে হামাক্কায়্‌ তুই‌ ইক্কিনে মরে সুদো আদে বিদেয়্‌ গুরিদে। গোজেনে মর্‌ দুঘ্ আর দুঘোত্ কাম্‌গরানাগানি দেক্ক্যে। সেনত্তে তে গেল্যে রেদোত্‌ ইয়েনর্‌ দোল-বিচের্‌ গোজ্যে।”

পত্থম 32:9

যাকোবে গোজেন ইধু ইয়েন কোইনে তবনা গুরিলো, ও লগেপ্রভু, মর্‌ আগ মানুচ্ অব্রাহামর গোজেন, মর্‌ বাপ্পো ইস্‌হাকর্‌ গোজেন, তুয়ই দঅ মরে কোইয়োচ্‌ মঅ দেজত্‌, মর্‌ নিজো মানুচ্চুনো ইধু ফিরি যেবাত্তে, আর সিধু তুই মরে ভালেদ্ গুরিবে।

১ রাজাবলী 18:36

বেইল্যে বেইল্যে উৎসর্বর সময়ানত্‌ ভাববাদী এলিয় মুজুঙোত্‌ উজেই এইনে তবনা গুরিলো, “ও লগেপ্রভু, অব্রাহাম, ইসহাক আর ইস্রায়েলর গোজেন, এচ্ছ্যে তুই জানেই দে, ইস্রায়েলর ভিদিরে তুয়ই গোজেন আর মুই তঅ চাগর্‌, আর তঅ উগুমে মুই ইয়েনি গোজ্যং।

১ রাজাবলী 19:13

এলিয় সিয়েন শুনিনে তা কিয়্যের্‌ কাবড়ানদোই মুয়োন্‌ নাঢিলো আর বারেন্দি যেইনে গাত্তো ইদু থিয়্যেল। সে পরেন্দি তে এ কধাগান শুনিলো, “এলিয়, তুই ইয়েনত্‌ কি গরর্‌?”

নহিমিয় 9:9

মিসর দেজত্‌ আমা পূরোণিমানুচ্চুনোর্‌ দুখ্‌কানি তুই দেখ্যস্‌; লোহিত সাগরর্‌ পারত্‌ তারার্‌ কানানিগানি তুই শুন্যস্‌।

ইষ্টের 3:4

দিনকে দিন তারা তারে কলেয়ো তে সিয়েনি মানদে রাজী ন-অলঅ। সেনত্তেই তারা হামনরে সে কধাগান জানেলাক্‌। তারা দেগিবাত্তে চেলাক্‌ মর্দখয়র এ বেবহারান্‌ গ্রাজ্য গরা অবঅ নাহি, কিত্যে তে যে এক্কো যিহূদী সে কধাগান তে তারারে কোইয়্যে।

গীতসংহিতা 132:2

তে দঅ লগেপ্রভু ইদু শমক্ হেইয়্যে, যাকোববর্ সেই খেমতাবলা গোজেন ইদু এ এগেমান্ গোজ্যে,

যাত্রা 15:2

লগেপ্রভুই মর্‌ বল্‌, তেয়ই মর্‌ গীদ্; মর্‌ উদ্ধোরান্ তা ভিদিরে আঘে। লগেপ্রভুই‌ মর্‌ গোজেন; মুই‌ তাঁরই‌ বাঈনী গরেদে-গীদ্ গেইম্। তে মর্‌ বাবার্‌ গোজেন; মুই তাঁর মহিমার্ গীদ্ গেইম্‌।

যাত্রা 29:45

মুই ইস্রায়েলীয়গুনোর্‌ গোজেন ওইনে তারা ইদু বজত্তি গুরিম।

যাত্রা 3:16

তুই যেইনে ইস্রায়েলীয় বুড়ো নেতাগুনোরে একলগে এগত্তর্‌ গুরি তারারে কবেদে, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু তরে দেগা দিইনে কোইয়্যেদে, তমা ইন্দি আর মিসরত্‌ তমা উগুরে যিয়েনি গরা অর্‌ সিন্দি মর্‌ চোগ্‌ আঘে।

যাত্রা 33:20

মাত্তর্‌ তুই মর্‌ মুয়োন্‌ ন-দেগিবে, কিত্তে মরে দেগানার্‌ পরেন্দি কনজনে বাঁজি থেই ন-পারন্‌।”

যাত্রা 4:5

সে পরেদি লগেপ্রভু কলঅ, “তুই ইয়েন গুরিবে যেনে তারা বিশ্বেজ্ গরন্‌, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু ঘেচ্চেক্‌গুরি তরে দেগা দিয়্যে।”

যিরমিয় 24:7

মুয়ই যে লগেপ্রভু সিয়েন হবর্ পেবার মনান্ মুই তারারে দিম। তারা মর্ মানুচ্ অবাক্ আর মুই তারার গোজেন ওম্, কিত্তে বেক্ মনান্ দিইনে তারা মইধু ফিরি এবাক্।

যিরমিয় 31:33

পরেদি মুই ইস্রায়েলীয়গুনোত্তে যে সুদোমান থিদেবর্ গুরিম সিয়েন অলঅ, মর্ রীদি-সুদোমান্ মুই তারার মন ভিদিরে রাগেম আর তারার মনত্অ সিয়েন লিগি রাগেম। মুই তারার গোজেন ওম্ আর তারা মঅ মানুচ্ অবাক্।

যিরমিয় 32:38

তারা মঅ মানুচ্ অবাক্ আর মুই তারার গোজেন ওম্।

যিহিষ্কেল 11:20

সেক্কে তারা মঅ সুদোম মজিম্ চলিবাক্ আর মর্ রীদি-সুদোমানি যত্তন্ গুরি পালেবাক্। তারা মঅ মানুচ্ অবাক্ আর মুই তারার্ গোজেন ওম।

সখরিয় 8:8

যিরূশালেমত্ বজত্তি গুরিবাত্তে মুই তারারে ফিরেই আনিম। তারা মঅ মানুচ্ অবাক্ আর মুই তারার্ গোজেন ওম্; মুই তারা উগুরে বিশ্বেজি আর ন্যায়বান থেইম্।

মথি লেখ্যে গম্ হবর্ 17:6

এ কধাগান্ শুনিনে শিচ্চ্যগুনে অমকদ দোরেইনে মাদিত্ মাঢা নিগিরি পড়িলাক্।

মথি লেখ্যে গম্ হবর্ 22:32

সিয়েনত্ লেগা আঘে, ‘মুই অব্রাহামর্ গোজেন, ইস্‌হাকর্ গোজেন আর যাকোবর্ গোজেন।’ মাত্তর্ গোজেনে দঅ মরাগুনোর্ গোজেন নয়, তে জেদাগুনোর্ গোজেন।”

মার্ক 12:26

মরাগুন জেদা ওই উদোনা পৌইদ্যেনে মোশির বোইয়োত্ লেখ্যে জোল্‌‌জোল্যে ঝুবো কধা কি তুমি ন-পড়অ, গোজেনে মোশিরে কলঅ, ‘মুই অব্রাহামর গোজেন,

লূকে লেখ্যে গম্ হবর্ 20:37

জ্বোল্‌‌‌‌জোল্যে ঝুবো পৌইদ্যেনে যিয়েনত্ লেগা আঘে সিয়েনত্ মোশি দেগেই দিয়্যেদে যে, মরাগুনে ঘেচ্চ্যেক্‌‌‌‌গুরি জেদা ওই উদোন্। সিয়েনত্ মোশি প্রভুরে অব্রাহামর্ গোজেন, ইস্‌হাকর্ গোজেন আর যাকোবর্ গোজেন বিলি ডাক্ক্যে।

লূকে লেখ্যে গম্ হবর্ 5:8

ইয়েন্ দেগিনে শিমোন-পিতরে যীশু মুজুঙোত্ মাঢা নিগিড়ি পুড়িনে কলাক্, “প্রভু, মুই পাপী; মত্তুন্ যাগোই।”

প্রেরিত্‌ 7:32

মুই তর্ পূরোণি মানুচ্চুনোর গোজেন-অব্রাহাম, ইস্‌হাক আর যাকোবর গোজেন। সেক্কে মোশি দরে গির্‌গিরা ধল্ল; রিনি চেবার্ সাহচ্‌ তার্ ন-অলঅ।

প্রেরিত্‌ 7:34

মিসর দেজত্ মঅ মানুচ্চুনো উগুরে যে অত্যেচার্ অর্ সিয়েন মুই দেক্ক্যং। মুই তারার্ কোজোলি গরানাগানি শুন্ন্যং আর তারারে উদ্ধোর্ গুরিবাত্যে লামি এচ্চ্যং। ইক্কিনে মুই তরে মিসর দেজত্ ফেরৎ পাধেম্।”

দ্বি’লম্বর বিররণ 6:3

ইস্রায়েলীয়গুন, তুমি মঅ কধাগান শুনো আর উঝিয়ার্‌ ওইনে এ বেক্কানি মানি চলঅ, যেনে দুধ আর মধুলোই ভোজ্যে সেই দেজত্‌ যেবার্‌ পরেন্দি তমার পুরোণি মানুচ্চুনোর্‌ গোজেন লগেপ্রভুর এগেম্ মজিম তমার্‌ ভালেদি অয় আর তুমি মান্‌জ্যন্দি ভালোক্কুন্‌ বেশ্‌ ওইনে উদি পার।

ইব্রীয় 11:16

মাত্তর্ তারা আরঅ গম এক্কান দেজর্, অত্তাৎ স্বর্গগানরে তগাদন্। সেনত্যে গোজেনে নিজোরে তারার্ গোজেন কধে ন-লাজায়, কিয়া তে তারাত্যে এক্কান শঅর্ বানেয়্যে।

ইব্রীয় 12:21

যিয়েন দেগা যেয়্যে সিয়েন এন্‌ দর্‌গরেপারা এলঅ যে, মোশি কোইয়্যেদে, “মুই দরে গির্‌গিরেঙর্।”

ফগদাং পেইয়্যে 1:17

তারে দেগিনে মুই মরা ধোক্ক্যেন তা টেঙ কুরে পড়িলুং। সেক্কে তে তার্ ডেন্ আঢ্‌তান মঅ উগুরে থোইনে কলঅ, ন-দোরেচ্। মুয়ই পত্তম আর থুম্,

বিচের গুরিয়্যেগুন 13:22

সেক্কে মানোহ তা মোক্কোরে কলদে, “আমি গোজেনরে দেখ্‌খ্যেই, হামাক্কাই আমাত্তুন্‌ মরা পুরিবো।”