যাত্রা 3:5 - Chakma Bible

⁵ লগেপ্রভু কলঅ, “আর কায়-কুরে ন-এইচ্‌। তুই পবিত্র জাগানত্ ঠিয়্যেই আগচ্‌। তঅ টেঙর্‌ জদানি খুলি ফেলা।

যাত্রা 3:5 Iomraidhean Croise

যাত্রা 19:12

মানুচ্চুনোত্তে তুই মুড়োবোর্‌ চেরোকিত্তে এক্কান্‌ দুযি ঠিগ্ গুরি দিবে আর তারারে উজিয়ার্‌ গুরি দিইনে কবেদে, যেনে তারা মুড়োবো উগুরে ন-এজন্ আরঅ‌ মুড়োবো ইদু আত্‌ ন-দুয়োন। যে সেই মুড়োবো ধুরিবো তারে হামাক্কায়্‌ মারে ফেলা অবঅ‌।

যাত্রা 19:21

লগেপ্রভু মোশিরে কলঅ‌, “তুই তলেন্দি লামিনে মানুচ্চুনোরে উজিয়ার্‌ গুরি দে যেনে তারা লগেপ্রভুরে চেবাত্যেই দুঝি ভাঙিনে পার্ ওই ন-এজন্‌। সিয়েন্‌ গুরিলে বোউত্ মানুচ্ মারা পড়িবাক্।

যাত্রা 4:28

লগেপ্রভু মোশিরে যিয়ান কবাত্তে পাদেয়্যে সিয়ান মোশি হারোণরে জানেল। ইয়েনিবাদে যেদক্কানি আমক্‌ অইদে কাম্‌ গুরিবার্‌ উগুম্‌ লগেপ্রভু তারে দিয়্যে সিয়ানিয়ো মোশি হারোণরে বুঝেইনে কলঅ।

উপদেশক 5:1

গোজেন ঘরত্ যেবার অক্তত্ তঅ টেঙানি উজিয়ারে ফেলেচ্। যিগুনে নিজো অন্যেয়ানি ন-বুঝোন্ সে ভুল্ মানুচ্চুনো ধোক্ক্যেন্ উৎসর্বর অনুষ্ঠান গুরানাত্তুন্ বরং গোজেনর্ বাধ্য অনা গম্।

যিরমিয় 30:21

তারার নেতা অবঅ তারাত্তুন্ একজনে; তারা ভিদিরেত্তুন তারার শাজন্‌গুরিয়্যে উদিবাক্। মুই তারে ডাগিম আর তে মইধু এবঅ, কিত্তে মুই ন-ডাগিলে কন্না সাহস গুরিনে মইধু এই পারে?

লেবীয় 10:3

সেক্কে মোশি হারোণরে কলঅ, “লগেপ্রভু কোইয়্যেদে, ‘যিগুনে মইদু এজন্‌ তারা যেন মরে পবিত্র বিলিনে মানন্‌। মানুচ্চুনোর্‌ চোগোত্‌ তারা যেন মর্‌ সর্মান্‌ তুলি ধরন।’ ” হারোণে জুরো গুরি রলঅ।

প্রেরিত্‌ 7:33

“সেক্কে প্রভু তারে কলঅ, তঅ টেঙ জদানি খুয়োই ফেলা, কিয়া যে জাগানত্ তুই থিয়্যেই আঘচ্ সিয়েন্ পবিত্র।

দ্বি’লম্বর বিররণ 23:14

তমারে রোক্ষে গুরিবাত্তে আর তমা শত্রুগুনোরে তমা আদত্‌ তুলি দিবাত্তে তমার গোজেন লগেপ্রভু তমার তাম্বুলো ভিদিরে ঘুরি বেড়ায়। সেনত্যে তমার তাম্বুলান পবিত্র অবস্থায় রাগা পুরিবো যেনে তমা ভিদিরে জঘন্য কিজু দেগিনে তে তমা ইন্দিত্তুন্‌ মুয়োন্‌ ফিরেইনে ন-নেযায়।

ইব্রীয় 12:20

কিয়া তারা এ উগুমান সোজ্জ্য গুরি ন-পারন্-“কনঅ এ্যামানেয়ো যুনি সেই মূড়োবো ধরে সালে তারে পাত্তর্ মারা অবঅ।”

যিহোশূয় 5:15

লগেপ্রভুর সৈন্যদলর সেনাপতিবো কলঅ, “তঅ‌ টেঙর্‌ জদানি খুলি ফেলা, কিত্যে তুই যিয়েনত্‌ থিয়্যেই আগচ্‌ সে জাগায়ান পবিত্র।” যিহোশূয় সিয়েনই গুরিলো।

২ পিতর 1:18

আমি যেক্কে তা সমারে সেই পবিত্র মুড়োবোত্ এলং সেক্কে স্বর্গত্তুন্ কোইয়্যে এই কধানি শুন্ন্যেই।