যাত্রা 3:20 - Chakma Bible

²⁰ সেনত্তে মঅ খেমতাগান্‌ বেবহার্‌ গুরিনে মুই এন্‌ আমক্‌ অইদে কামবোই মিসররে আঘাত্‌ গুরিম যিয়েনর্‌ ফলে ফরৌণে তমারে যেবাত্তে দিবো।

যাত্রা 3:20 Iomraidhean Croise

পত্থম 15:14

মাত্তর্‌ যে জাদ্‌তো তারারে চাগর্‌ বানে রাগেব সে জাদ্‌তোরে মুই সাজা-দিম্‌। পরেদি তারা বোউত্‌ ধন-সোম্বোত্তি নিইনে সে দেজত্তুন্‌ নিগিলি এবাক্‌।

নহিমিয় 9:10

ফরৌণ, তার্‌ বেক্‌ কামগুরিয়্যেগুনোরে আর তা দেজর্‌ বেক্‌ মানুচ্চুনোরে তুই বোউত্‌ চিহ্নো আর আমক্‌ অবার্‌ কাম্‌ দেগেয়োচ্‌, কিত্যে তুই হবর্‌ পেদে আমা পূরোণিমানুচ্চুনোর্‌ লগে মিসরীয়গুনোর্‌ বেবহার্‌ এলদে বার্‌বোলোই ভরা। এ কামানি গুরিনে তুই তর্‌ সুনাঙ্‌ রোক্ষ্যে গোজ্যস্‌, যিয়েনি এজঅ আঘে।

গীতসংহিতা 105:27

তারাল্লোই লগেপ্রভু হাম বংশীয়গুনোর দেজত্ বেক্কুনো মুজুঙোত্ নানান্ বাবোত্যে চিহ্নো আর আমক অবার্ কাম গুরিলো।

গীতসংহিতা 105:38

তারার যানা দেগিনে মিসরীয়গুনে হুজি ওইয়োন্, কিত্তে তারা ইস্রায়েলীয়গুনোরে অমকদ দোরেদাক্।

গীতসংহিতা 106:22

হাম-বংশীয়গুনোর দেজত্ গোজ্যে আমক্ অবার্ কাম পৌইদ্যেনে তারা ভুলি গেলাক্, লোহিত সাগর ইদু গোজ্যে দর্‌‌বুক্ লাগেদে বেক কামর্ কধানি ভুলি গেলাক্।

যাত্রা 11:1

সেক্কে লগেপ্রভু মোশিরে কলঅ, “মুই ফরৌণরে আর মিসর দেজ্‌চানরে আরঅ এক্কান্‌ আঘাত দিম্‌। সে পরেদি ফরৌণে ইয়েনত্তুন্‌ তমারে যেবাত্তে দিবো। সালে তে যেক্কে তমারে যেবাত্তে দিবো সেক্কে ইয়েনত্তুন্‌ তমারে তে এক্কুবারে ধাবেই দিইনে বিদেয়্‌ গুরিবো।

যাত্রা 12:39

যে সদানেইয়্যে মোইদ্যের্‌ ডলাগুন্ তারা মিসরত্তুন্‌ লোই এচ্ছোন্ পদথ্‌ তারা সিয়েনিলোই পিদে বানেলাক্‌। এদক্‌ যাদিমাদি মিসর দেজত্তুন্‌ তারারে নিগিলেই দিয়্যে অলদে যে, তারা মোইদ্যেগানি লগে সদা মিজেবার্‌অ‌ সময় ন-পান্‌ আর পদথ্‌ হেবাত্তে কনকিজু বানেয়ো নেযেই ন-পারন্‌।

যাত্রা 13:3

সেক্কে মোশি মানেইয়ুনোরে কলঅ‌, এই দিন্নোর্‌ কধা মনত্‌ রাগেবাত্যেই তুমি দিন্নো পালেবা, কিত্তে এদিন্ন্যে তুমি মিসরর্‌ চাগর্ খাদানাত্তুন্‌ নিগিলি এচ্ছো। লগেপ্রভু তাঁর খেমতা দেগেইনে সেই দেজত্তুন্‌ তমারে নিগিলেই আন্যে। এই দিনোত্‌ তুমি সদা মিজেয়্যে কনকিজু ন-হেবা।

যাত্রা 13:9

এধোক্ক্যেনগুরি তুমি লগেপ্রভুর্‌ দিয়্যে এই উগুমোর্‌ কধানি শিগেবা। এই সুদোমানি পালানা এন্‌ এক্কান্‌ চিহ্নো অবঅ‌ যিয়েনি আদত্‌ আর কবালর্‌ মনত্‌ থাইদে-চিহ্নো ধোক্ক্যেন তমারে মনত্‌ গুরি দিবো, লগেপ্রভু তার্‌ বলান্‌ দেগেইনে মিসর্‌ দেজত্তুন্‌ তমারে নিগিলেই আন্যে।

যাত্রা 15:11

“ও লগেপ্রভু, দেবেদাগুনো ভিদিরে কন্না আঘে তঅ‌ ধোক্ক্যেন্? কন্না আঘে তঅ ধোক্ক্যেন এমন্‌ পবিত্রতালোয় দাঙর্ আর মহিমালোই দর্‌‌‌‌গরেপারা? এধোক্ক্যেন আমক্‌ কাম গুরিরার্‌ বল্‌ কার্‌ আঘে?

যাত্রা 15:6

ও লগেপ্রভু, খেমতায়্‌ দাঙর্‌ তর্‌ সেই‌ ডেন্‌ আত্তান্, অয় সেই‌ ডেন্‌ আত্তানে শত্রুগুনোরে শেজ্ গুরিলো।

যাত্রা 4:21

লগেপ্রভু মোশিরে কলঅ, “মুই তরে যেদক্কানি আমক্‌ অইদে কাম্‌ গুরিবার্‌ খেমতা দুয়োং তুই মিসর্‌ দেজত্‌ ফিরি যেইনে ফরৌণ মুজুঙোত্‌ সিয়েনি বেক্কানি গুরিবে। মাত্তর্‌ মুই তা মনান্‌ এন্‌ চিৎনপুজ্যে গুরি দিম্‌ যেনে তে মানুচ্চুনোরে যেবাত্তে ন-দিবো।

যাত্রা 6:1

লগেপ্রভু মোশিরে কলঅ, “তুই দেগিবে, ফরৌণরে এবারত্‌ মুই কি গরঙ্‌। মর্‌ দরমর আঢত্‌ পড়িনে সেই মানুচ্চুনোরে ইরি দিবো। অয়, মর্‌ দরমর আঢত্‌ পড়িনে তে তা দেজত্তুন্‌ তারারে ধাবেইনে নিগিলেই দিবো।”

যাত্রা 6:6

সেনত্যে তুই ইস্রায়েলীয়গুনোরে কোইদে, লগেপ্রভু কত্তে, ‘মুই লগেপ্রভু। মিসরীয়গুনোর দিয়্যে জদবদে কামানিত্তুন্‌ তমারে নিগিলেই আনিম। তারার্‌ চাগর্‌ কাদানাত্তুন্‌ মুই তমারে উদ্ধোর গুরিম। আত্‌ বাড়েইনে তারারে জদবদে সাজা-দিইনে মুই তমারে উদ্ধোর গুরিম।

যাত্রা 9:15

ইয়েন ভিদিরে মুই মঅ বলান্‌ বেবহার্‌ গুরিনে তর্‌ আর তঅ মানুচ্চুনো উগুরে এন্‌ এক্কান্‌ পীড়ের ভানা বেবস্থা গুরি পাত্তুং যেনে তুমি পিত্‌থিমীয়ানত্তুন্‌ শেজ্ ওই যেদাগোই।

যিশাইয় 19:22

লগেপ্রভু মিসরানরে আঘাত্ গুরিবো; তে তারারে আঘাত্ গুরিবো আর গম্‌অ গুরিবো। তারা লগেপ্রভু ইন্দি ফিরিবাক্, আর তে তারার কোজোলীগান্দোই রিনি চেবঅ আর তারারে গম্ গুরিবো।

যিশাইয় 26:11

ও লগেপ্রভু, তঅ আঢ্‌‌তান তুই অজলত্ তুল্যচ্, মাত্তর্ তারা সিয়েন ন-দেগন্। তঅ মানুচ্চুনোত্তে তঅ আওজ্‌চান্ তারা দেগোদোক্ আর লাজাদোক্; আগুনানে তঅ শত্রুগুনোরে পুড়ি ফেলোক্।

যিহিষ্কেল 20:33

মুই প্রভু লগেপ্রভু মর্ জিংকানির নাঙে কঙর্, মর্ খেমতাবলা আঢ্‌‌‌তানি বাবেইনে রাগে মুই তমা উগুরে রাজাগিরি গুরিম।

মীখা 7:15

মিসর দেজত্তুন্ নিগিলি এবার্ দিনুনো ধোক্ক্যেন গুরি তুই আমারে আমক্ আমক্ অইদ্যে কাম্ দেগা।

প্রেরিত্‌ 7:36

এ মোশিই মিসর দেজত্তুন্ ইস্রায়েলীয়গুনোরে নিগিলেই আন্ন্যে আর মিসর দেজত্, লোহিত সাগরত্ আর চল্লিশ বজর্ সং ধূল্যেচর-চাগালাত্ ভালোক্কানি আমক্ অবার্ কাম্ গোজ্যে।

দ্বি’লম্বর বিররণ 4:34

তুমি তোগেই চঅ, তমা গোজেন লগেপ্রভু তমা চোগো মুজুঙোত্‌ মিসর দেজত্‌ তমাত্যে যিয়েনি গোজ্য কনঅ দেবেদা কনদিনঅ সেধোক্ক্যেনগুরি পোরোক্কেগুরিনে, আমক্‌ অবার্‌ কাম্‌ আর চিহ্নোলোই, যুদ্ধোলোই, দরমর আর বোলী আত্তোই আর দাঙর্‌ আর দর্‌ লাগাইদে কাম্মোই কনঅ জাদরে অন্য জাদ ভিদিরেত্তুন্‌ নিজোত্তে নিগিলেই আন্যন্‌ নাহি।

দ্বি’লম্বর বিররণ 6:22

লগেপ্রভু আমার্‌ চোগো মুজুঙোত্‌ ফরৌণ আর তা ঘরর্‌ বেক্কুনো উগুরে আর মিসর দেজঅ উগুরে দাঙর্‌ দাঙর্‌ আর দর্‌গরেপারা চিহ্নো আর আমক্‌ অবার্‌ কাম্‌ গোজ্যে।

বিচের গুরিয়্যেগুন 8:16

গিদিয়োনে সুক্কোতর বুড়ো নেতাগুনোরে ধুরিলো আর ধূল্যে-চরর্ চাগালাত্‌ কাদা আর কাদাগাজ্‌চোই পিদিনে তারারে সাজা দিলো।