যাত্রা 3:15 - Chakma Bible

¹⁵ তুই তারারে আরঅ কবেদে, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু তরে তারা ইধু পাদেয়্যে। মর্‌ উমরর্‌ নাঙান্‌ লগেপ্রভু। বংশর্‌ পর্‌ বংশ ধুরিনে মরে এ নাঙে মান্‌জে মনত্‌ রাগেবাক্।

যাত্রা 3:15 Iomraidhean Croise

পত্থম 24:12

সে চাগরবো ইয়েন্‌ কোইনে তবনা গুরিলো, “ও লগেপ্রভু, মঅ গিরোজ্‌ অব্রাহামর গোজেন, এচ্চ্যে ইয়েনর বেক্কানি তুই তঅ আদত্‌ নেযা আর মর্‌ গিরোজ্‌ অব্রাহামরে দিয়্যে তঅ কধাগান রাগা।

১ বংশধর 16:16

সে সুদোমানি তে অব্রাহামত্তে থিদেবর্ গুরি দিয়্যে আর ইস্‌হাক ইদু শমক্‌ গোজ্যে।

১ বংশধর 29:18

ও লগেপ্রভু, আমা পূরোণি মানুচ্‌ অব্রাহাম, ইসহাক আর ইস্রায়েল গোজেন, তঅ মানুচ্চুনো মনত্‌ এধোক্ক্যেন আওজ্ তুই জিংকানিবর্‌ রাগেচ্‌ আর তঅ উগুরে তারা মনানি বিশ্বেজ্ রাগেচ্‌।

২ বংশধর 28:9

ওদেদ নাঙে লগেপ্রভুর এক্কো ভাববাদী শমরিয়াত্‌ এলঅ। সৈন্যদলুনে যেক্কে শমরিয়াত্‌ ফিরি এত্তন্‌ সেক্কে তে তারা লগে দেগা গুরিনে কলঅ, “তমা পূরোণি মানুচ্চুনোর গোজেন লগেপ্রভু যিহূদা উগুরে অমকদ বেজার্‌ ওইয়্যে বিলিনে তে তারারে তমা আঢত্ তুলি দিয়্যে। মাত্তর্‌ রাগর্‌ সুরে তুমি তারারে যেধোক্ক্যেন গুরিনে মারে ফেল্য সে কধাগান স্বর্গয়ান সং লুম্মেগি।

গীতসংহিতা 102:12

মাত্তর্ ও লগেপ্রভু, তুই উমর সং তঅ সিংহাসনানত্ আগচ্; তঅ নাঙান্ জনমভুরি থেবঅ।

গীতসংহিতা 102:13

তুই সিয়োনান উগুরে দোয়্যে গুরিবে, কিত্তেই তারে দোয়্যে দেগেবার সময় ওইয়্যে, ঠিগ্ সময়ান এচ্চ্যে।

গীতসংহিতা 135:13

ও লগেপ্রভু, তঅ নাঙান্ উমরত্তে থিদেবর্ গোজ্যে। ও লগেপ্রভু, বংশর পর বংশ ধুরিনে তঅ নাঙান ইদোত্ থেবঅ;

গীতসংহিতা 30:4

ও লগেপ্রভুর ভক্তগু্‌ন্, তুমি তা নাঙে গীদ্ গঅ, তার্ পবিত্রতাগানর্ বাঈনী গরঅ;

গীতসংহিতা 30:5

কিয়া তা রাগকান্ বেশ্ ন-থায়; তার্ দোয়্যেলোই জিংকানি পাহ্ যায়। বানা কানদে কানদে রেত্তো কাদি যায়, মাত্তর্ বেন্যে পোত্যে হুজিগান্ এজে।

গীতসংহিতা 68:5

গোজেনে তার পবিত্র থেবার জাগানত্ মা-বাপ নেইয়্যেগুনোর বাপ্ আর রানিমিলেগুনোর পক্কে গুজিলোইয়্যে।

গীতসংহিতা 72:17

তার সুনাঙান জিংকানিবর থিদেবর্ ওক্; বেলানে যেদকদিন পহর্ দিবো সেদকদিন তার সুনাঙান্ অদে অদে থোক্। তা মাধ্যমে যেন বেক জাদ্‌তুনে আশিদ্‌বাদ পান; তারা তারে ভালেদি জানাদোক্।

গীতসংহিতা 72:19

জিংকানিবর্ তার মহিমাবলা নাঙানির্ নাং গিনে ওক্; পুরো দুনিয়াগান তার মহিমালোই পূরোন ওক্। আমেন, আমেন।

যাত্রা 15:2

লগেপ্রভুই মর্‌ বল্‌, তেয়ই মর্‌ গীদ্; মর্‌ উদ্ধোরান্ তা ভিদিরে আঘে। লগেপ্রভুই‌ মর্‌ গোজেন; মুই‌ তাঁরই‌ বাঈনী গরেদে-গীদ্ গেইম্। তে মর্‌ বাবার্‌ গোজেন; মুই তাঁর মহিমার্ গীদ্ গেইম্‌।

যাত্রা 15:3

তা নাঙান লগেপ্রভু, তে বীর যোদ্ধা।

যাত্রা 3:13

সেক্কে মোশি গোজেনরে কলঅ “মাত্তর্‌ মুই যেইনে ইস্রায়েলীয়গুনোরে যেক্কে কোম্‌ তারার্‌ পুরোণি মানুচ্চুনোর্‌ গোজেনে মরে তারা ইধু পাদেয়্যে, সেক্কে তারা দগেনলে মরে পুযোর্‌ গুরিবাক্, ‘তা নাঙান্‌ কি?’ সে সময়োত্‌ মুই তারারে কি জোব্ দিম?”

যাত্রা 3:6

মুই তঅ বাবর গোজেন; মুই অব্রাহাম, ইস্‌হাক আর যাকোবর্‌ গোজেন।” সেক্কে মোশি তা মুয়োন্‌ ঢাগিলো, কিত্তে গোজেন ইন্দি রিনি চেবাত্তে তার্‌ মনত্‌ দর্‌বুগ লাগিলো।

যাত্রা 4:1

এ কধাগানর্‌ জোবত্‌ মোশি কলঅ, “মাত্তর্‌ যুদি ইস্রায়েলীয়গুনে মরে বিশ্বেজ্ ন-গরন আর মঅ কধানি ন-শুনোন্? তারা দঅ কোই পারিদাক্, ‘না, লগেপ্রভু তরে দেগা নঅ-দে।’”

যাত্রা 4:5

সে পরেদি লগেপ্রভু কলঅ, “তুই ইয়েন গুরিবে যেনে তারা বিশ্বেজ্ গরন্‌, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু ঘেচ্চেক্‌গুরি তরে দেগা দিয়্যে।”

যাত্রা 6:2

গোজেনে মোশিরে আরঅ কলঅ, “মুই লগেপ্রভু।

গম্ উপদেজ্ 18:10

লগেপ্রভুর দরমর ঘর ধোক্ক্যেন্; গোজেন ভক্ত মান্‌জ্যে সিয়েনত্ যেইনে রোক্ষ্যে পায়।

যিশাইয় 26:8

অয়, লগেপ্রভু, আমি তর্ ন্যায় পধেদি আঢিনে তত্তে বাজ্জেই আগিই; আমি চেই যেন তুই তঅ কামর্ মাধ্যমে ফগদং অ।

যিশাইয় 42:8

“মুই লগেপ্রভু, ইয়েনই মঅ নাঙান্। মুই অন্যজনরে মর্ বাঈনী বা মূত্তিরে মর্ পাওনা নাঙ্ গিনেনাগান্ পেবাত্তে ন-দিম।

যিশাইয় 63:12

যিবে মোশিরে সাহায্য গুরিবাত্তে তার বাঈনী গুরিবার খেমতাবলা মানুচ্চোরে দিয়্যে, যিবে নিজোর সুনাঙান্ উমরর্ গুরিবাত্তে তারা মুজুঙোত্ পানিগানরে দ্বিভাগ গোজ্যে,

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

যিরমিয় 33:2

লগেপ্রভু কলঅ, মঅ নাঙান্ লগেপ্রভু, মুই কাম্ গরং; যে কামানি মুই গরং সিয়েনির পরিকল্পনা গরং আর সিয়েন থুম্ গরং। মুই কঙর্,

দানিয়েল 2:23

ও মর্ পূরোণি মানুচ্চুনোর গোজেন, মুই তরে ভালেদি জানাং, তরে বাঈনী গরং, কিত্যে তুই মরে জ্ঞান আর খেমতা দুয়োচ্; আমি তইদু যিয়েনি জানিবাত্তে চেইয়্যেই সিয়েনি তুই মরে জানেয়োচ্; রাজার স্ববন বিষয়ে তুই আমারে জানেয়োচ্।”

হোশেয় 12:5

তেয়ই বেগত্তুন্ খেমতাবলা গোজেন লগেপ্রভু; লগেপ্রভু নাঙে মান্‌জ্যে তারে ইদোত্ তুলোন্।

হোশেয় 12:6

ইক্কিনে ও যাকোব-বংশর মানুচ্চুন, তমা গোজেন ইধু তুমি ফিরি এজঅ; তুমি বিশ্বেজ্ আর ন্যায়বিচের্ রোক্ষ্যে গর্ আর নিত্য তমা গোজেনরে বাজ্জেই থাগঅ।

লেবীয় 24:11

সেক্কে সেই ইস্রায়েলীয় মিলেবোর্‌ পূঅবো এক্কান ভান্ন্যেই নাঙে লগেপ্রভুর্ নাঙ্‌ নিইনে অভিশাব্ দিলো। সিয়েন্‌ শুনিনে মানুচ্চুনে তারে মোশি ইদু নেযেলাক্। পূঅবোর মাবো নাঙান্‌ এলঅ শালোমীৎ। তে দান-গুট্টির দিব্রির ঝি। ইয়েন পৌইদ্যেনে লগেপ্রভুর আওজচান্ কি সিয়েন্‌ তাত্তুন্‌ জানিবাত্তেই ইস্রায়েলীয়গুনে সে মানুচ্চোরে আক্‌সো রাগেলাক্‌।

মীখা 4:5

বেক্ জাদ্‌‌‌‌তুনে তারার্ দেব-দেবেদার বল্লোই কাম গুরিলেয়ো আমি উমরত্যে আমা গোজেন লগেপ্রভুর বল্লোই কাম গুরিবোং।

মালাখি 3:6

“মুই লগেপ্রভু, মর্ কনঅ পরিবত্তন্ নেই। সেনত্তে ও যাকোবর্ বংশধরুন, তুমি ভস্ত ন-অর্।

মথি লেখ্যে গম্ হবর্ 22:32

সিয়েনত্ লেগা আঘে, ‘মুই অব্রাহামর্ গোজেন, ইস্‌হাকর্ গোজেন আর যাকোবর্ গোজেন।’ মাত্তর্ গোজেনে দঅ মরাগুনোর্ গোজেন নয়, তে জেদাগুনোর্ গোজেন।”

প্রেরিত্‌ 3:13

অব্রাহাম, ইস্‌হাক আর যাকোবর গোজেন, অত্তাৎ আমা পূরোণি মানুচ্চুনোর গোজেন এ কামান্দোই নিজোর চাগর্ যীশুর মহিমাগান্ ফগদাং গোজ্যে। তুমি দঅ যীশুরে মারে ফেলেবাত্যে ধুরি দুয়ো। পীলাতে তারে ইরি দিবাত্তে চেইয়্যে, মাত্তর্ তুমি পীলাত মুজুঙোত্ তারে অস্বিগের্ গোজ্য।

প্রেরিত্‌ 7:32

মুই তর্ পূরোণি মানুচ্চুনোর গোজেন-অব্রাহাম, ইস্‌হাক আর যাকোবর গোজেন। সেক্কে মোশি দরে গির্‌গিরা ধল্ল; রিনি চেবার্ সাহচ্‌ তার্ ন-অলঅ।

দ্বি’লম্বর বিররণ 1:11

তমার পূরোণি মানুচ্চুনোর গোজেন লগেপ্রভু তমা মানুচ্চুনোরে আরঅ আজার্‌ গুণ বাড়েই দুয়োক্‌ আর তার্‌ এগেম্ মজিম তে তমারে আশিদবাদ্‌ গোরোক্।

দ্বি’লম্বর বিররণ 4:1

ইস্রায়েলীয়গুন, মুই তমারে যেদক্কানি সুদোম আর রীদি-সুদোমর্ শিক্ষ্যে দিবাত্তে যাঙর্‌ সিয়েনি তুমি ইক্কিনে শুনো। ইয়েনি তমাত্তুন্‌ মানি চলা পুরিবো যেনে তুমি বাঁঝি থাগঅ আর তমা পুরোণি মানুচ্চুনোর্‌ গোজেন লগেপ্রভু যে দেজ্‌ছান তমারে দিবাত্তে যার্‌ সিদু যেইনে সিয়েন্‌ অধিকার্‌ গুরি নেযেই পার।

ইব্রীয় 11:16

মাত্তর্ তারা আরঅ গম এক্কান দেজর্, অত্তাৎ স্বর্গগানরে তগাদন্। সেনত্যে গোজেনে নিজোরে তারার্ গোজেন কধে ন-লাজায়, কিয়া তে তারাত্যে এক্কান শঅর্ বানেয়্যে।

ইব্রীয় 13:8

যীশু খ্রীষ্ট গেল্লে কেল্ল্যে যেধোক্ক্যেন এলঅ, এচ্চ্যেয়ো সেধোক্ক্যেন আঘে আর উমর্ সং সেধোক্ক্যেন থেবঅ।