যাত্রা 3:13 - Chakma Bible

¹³ সেক্কে মোশি গোজেনরে কলঅ “মাত্তর্‌ মুই যেইনে ইস্রায়েলীয়গুনোরে যেক্কে কোম্‌ তারার্‌ পুরোণি মানুচ্চুনোর্‌ গোজেনে মরে তারা ইধু পাদেয়্যে, সেক্কে তারা দগেনলে মরে পুযোর্‌ গুরিবাক্, ‘তা নাঙান্‌ কি?’ সে সময়োত্‌ মুই তারারে কি জোব্ দিম?”

যাত্রা 3:13 Iomraidhean Croise

পত্থম 32:29

যাকোবে তারে কলঅ, “কোজোলী গরং, তুই কঅ তঅ নাঙান্‌ কি?” তে কলঅ, “তুই মঅ নাঙান্‌ কিত্তে পুযোর্‌ গরর্‌?” এ কধাগান কোইনে তে যাকোবরে বর্ দিলো।

যাত্রা 15:3

তা নাঙান লগেপ্রভু, তে বীর যোদ্ধা।

যাত্রা 3:12

গোজেনে কলঅ, “মুয়ই তঅ লগে থেইম্‌। তুই মিসর দেজত্তুন্‌ মানুচ্চুনোরে নিগিলেই আনিবে আর তুমি এ মুড়োবোত্‌ মঅ নাঙে উবোসনা গুরিবা। মুয়ই যে তরে পাদেলুং ইয়েনই অবঅ তইধু তার্‌ চিহ্নো।”

যাত্রা 3:14

গোজেনে মোশিরে কলঅ, যিবে মুই আগং মুয়ই তে। তুই ইস্রায়েলীয়গুনোরে কবেদে, মুই আগং তমাইধু তারে পাদেইয়্যে।

যাত্রা 3:15

তুই তারারে আরঅ কবেদে, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু তরে তারা ইধু পাদেয়্যে। মর্‌ উমরর্‌ নাঙান্‌ লগেপ্রভু। বংশর্‌ পর্‌ বংশ ধুরিনে মরে এ নাঙে মান্‌জে মনত্‌ রাগেবাক্।

যাত্রা 7:16

তারে কবে, ‘ইব্রীয়গুনোর্‌ গোজেন লগেপ্রভু মরে এ কধাগান্‌ কবাত্তে ত’ইধু পাদেয়্যে, তা মানুচ্চুনে যেনে ধূল্যেচর-চাগালাত্‌ তারে উবোসনা গুরি পারন সেনত্যে তুই যেন তারারে যেবাত্তে দুয়োচ্‌। মাত্তর্‌ তুই তা কধালোই এবঅ সং ন শুনোচ্‌।

গম্ উপদেজ্ 30:4

কন্না স্বর্গত্ উঠ্যেগোই আর কন্না লামি এচ্চ্যে? আদ্‌‌তোই মুঠ্ গুরিনে কন্না বোইয়্যের ধোজ্যে? কন্না নিজো কাবড় ভিদিরে বেক্ পানিগান তুবেই রাগেয়্যে? পিত্‌‌থিমীর চেরোকিত্তে শেজ্ দুযিগান কন্না থিদেবর্ গোজ্যে? তা নাঙান্ আর পুয়োবো নাঙান্ কি? যুনি তুই হবর্ পাজ্ সালে সিয়েনি মরে কঅ।

যিশাইয় 52:6

সেনত্তে মঅ মানুচ্চুনে হবর্ পেবাক্ মুই কন্না; সেদিন্যে তারা হবর্ পেবাক্, মুয়ই কধা কোইয়োং; অয়, মুয়ই কোইয়োং।”

যিশাইয় 7:14

সেনত্তে প্রভু নিজে তমা ইদু এক্কান চিহ্নো দেগেব। সিয়েন অলঅ, এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

যিরমিয় 23:6

তা সময়োত্ যিহূদা রোক্ষ্যে পেবঅ আর ইস্রায়েলে গমেডালে বজত্তি গুরি পারিবো। তারে লগেপ্রভু আমার উদ্ধোর্ গুরিয়্যে বিলিনে ডাকা অবঅ।

মথি লেখ্যে গম্ হবর্ 1:21

তুই তা নাঙান্ যীশু রাগেবে, কিত্যে তে তা মানুচ্চুনোরে তারার্ পাপত্তুন্ উদ্ধোর্ গুরিবো।”

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

প্রেরিত্‌ 3:13

অব্রাহাম, ইস্‌হাক আর যাকোবর গোজেন, অত্তাৎ আমা পূরোণি মানুচ্চুনোর গোজেন এ কামান্দোই নিজোর চাগর্ যীশুর মহিমাগান্ ফগদাং গোজ্যে। তুমি দঅ যীশুরে মারে ফেলেবাত্যে ধুরি দুয়ো। পীলাতে তারে ইরি দিবাত্তে চেইয়্যে, মাত্তর্ তুমি পীলাত মুজুঙোত্ তারে অস্বিগের্ গোজ্য।

বিচের গুরিয়্যেগুন 13:17

ইয়েনর্ পরেন্দি মানোহ লগেপ্রভুর দূত্তোরে পুযোর্‌ গুরিলো, “তঅ নাঙান্‌ কি? তঅ কধাগান যেক্কে হামাক্কাই অবঅ সেক্কে আমি তরে সর্মান দেগেবাত্তে চেই।”

বিচের গুরিয়্যেগুন 13:6

মিলেবো সেক্কে তার নেক্কো ইদু যেইনে কলঅ, “গোজেনর্‌ এক্কো মানুচ্‌ মইদু এচ্চ্যে। গোজেনর্‌ দূদো ধোক্কেন্‌ তা চেঙেরাগান, তারে দেগিলে অমহদ দর্‌ গরে। তে কুত্তুন্‌ এচ্চ্যে সিয়েন মুই তারে পুযোর্‌ ন-গরং আর তেইয়ো তা নাঙান্‌ মরে ন-কয়।