যাত্রা 3:12 - Chakma Bible

¹² গোজেনে কলঅ, “মুয়ই তঅ লগে থেইম্‌। তুই মিসর দেজত্তুন্‌ মানুচ্চুনোরে নিগিলেই আনিবে আর তুমি এ মুড়োবোত্‌ মঅ নাঙে উবোসনা গুরিবা। মুয়ই যে তরে পাদেলুং ইয়েনই অবঅ তইধু তার্‌ চিহ্নো।”

যাত্রা 3:12 Iomraidhean Croise

পত্থম 15:1

ইয়ান পরেদি লগেপ্রভু অব্রামরে দেগা দিইনে কলঅ, “অব্রাম, তুই ন দোরেচ্‌। গাজ বাগল ধোক্ক্যেন গুরি মুয়ই তরে রোক্ষ্যে গুরিম, আর তঅ বক্‌শিজ্‌চান্‌ অবদে দাঙর্‌।”

পত্থম 15:8

সেক্কে অব্রামে কলঅ, “ও লগেপ্রভু, মর্‌ প্রভু, মুই কেন্‌জান্‌ গুরি হবর্‌ পেইম্‌ এ দেজ্‌ছান্‌ মইধু এবঅ?”

পত্থম 26:3

ইক্কিনে এ দেজত্‌ তুই কয়েক দিনোত্তে বজত্তি গুরিবে। মুই নিজে তঅ সমারে থেইনে তরে বর্ দিম। এ দেজ্‌ছানি মুই তরে আর তঅ বংশর্‌ মানুচ্চুনোরে দিম্‌। ইয়েন বাদে মুই তঅ বাব্‌ অব্রাহাম ইধু যে শমত্তান্‌ গোজ্যং সিয়েনঅ অদে অদে রাগেম্‌।

পত্থম 31:3

সেক্কে লগেপ্রভু যাকোবরে কলঅ, “তুই তঅ আগ বংশগুনো দেজত্‌ নিজো মানুচ্চুনো ইধু ফিরি যাহ্। মুই তঅ লগে লগে আগং।”

২ রাজাবলী 19:29

ও হিষ্কিয়, তত্তেই চিহ্নোগান্‌ অবঅ ইয়েন্‌: এ বজরত্‌ নিজে নিজে যিয়েনি জোর্মেব তুমি সিয়েনি হেবা, আর দ্বিবজরত্‌ সিয়েনিত্তুন্‌ যিয়েনি জোর্মেব সিয়েনি হেবা। মাত্তর্‌ তিন বজরত্‌ তুমি বীজ্‌ ফেলেবা আর খেত্-খেত্তি কাবিবা আহ্ আংগুর ক্ষেত্‌তানি গুরিনে সে গুলোগুলিগুন্‌ হেবা।

১ বংশধর 9:20

সে সময়োত্‌ ইলীয়াসর পুয়ো পীনহস উগুরে রোক্ষ্যে গুরিয়্যেগুনোর্‌ চেইচিদিবার্‌ ভারান্‌ এলঅ আর লগেপ্রভু তা লগে এলঅ।

গীতসংহিতা 86:17

তর্ ভালেদির আওজর্ প্রমাণান্ মরে দেগা, যেনে মরে যিগুনে ঈচ্ গরন্ তারা দেগিনে লাজ্ পান; কিত্তে ও লগেপ্রভু, তুয়ই মরে বল্ দুয়োচ্ আর বুঝেয়োচ্।

যাত্রা 18:5

গোজেনর মুড়োবো কায়কুরে যে ধূল্যেচর চাগালাত্‌ মোশি তাম্বুলান ফেলেয়ে সিদু তা মোক্কো আর পূঅগুন্দোই তার্‌ শুয়োরবো যিথ্রো লুমিলোগোই।

যাত্রা 3:1

একদিন্যে মোশি তা শুয়োর্‌বো যিথ্রোর্, অত্তাৎ রূয়েলর ছাগল-ভেড়াছাগল পালুন্‌ চরার্‌। যিথ্রো অলদে মিদিয়নীয়গুনোর্‌ এক্কো ধর্মগুরু। ছাগল-ভেড়াছাগলর্ পালুন্‌ চরাদে চরাদে মোশি ধূল্যেচর-চাগালাত্‌ আরেক্‌ কিত্তেদি গোজেন মুড়ো হোরেব ইধু যেইনে লুমিলোগোই।

যাত্রা 3:13

সেক্কে মোশি গোজেনরে কলঅ “মাত্তর্‌ মুই যেইনে ইস্রায়েলীয়গুনোরে যেক্কে কোম্‌ তারার্‌ পুরোণি মানুচ্চুনোর্‌ গোজেনে মরে তারা ইধু পাদেয়্যে, সেক্কে তারা দগেনলে মরে পুযোর্‌ গুরিবাক্, ‘তা নাঙান্‌ কি?’ সে সময়োত্‌ মুই তারারে কি জোব্ দিম?”

যাত্রা 33:14

জোবত্‌ লগেপ্রভু কলঅ, “মুই নিজেই তর্‌ লগে যেম্‌ আর তরে জিরেন্‌ দিম।”

যাত্রা 4:12

তুই এবেরা যাহ্। মুই নিজেই তরে কধা কবাত্তে বল্‌ দিম আর যিয়ান্‌ কবার্‌ সিয়ান তরে শিগেই দিম।”

যাত্রা 4:15

তুই যেক্কে তা লগে কধা কবে সেক্কে তারে কোই দিবে কি কুয়ো পুড়িবো। মুই তমা দ্বিজনরে কধা কবাত্যে বল্‌ দিম আর কি গরা পুড়িবো সিয়েন তমারে শিগেই দিম।

যাত্রা 8:27

সেনত্যে আমা গোজেন লগেপ্রভুর উগুম মজিম ধূল্যেচর-চাগালা ভিদিরে তিন দিনো পথ যেইনে তা নাঙে আমাত্তুন্‌ য়েমান্‌ উৎসর্ব গরা পুরিবো।”

যিশাইয় 37:30

ও হিষ্কিয়, তত্তে চিহ্নো অবদে ইয়েন: এ বজর্ নিজে নিজে যিয়েনি জোর্মেবে তুমি সিয়েনি হেবা, আর দ্বি বজরত্ সিয়েনিত্তুন্ যিয়েনি জোর্মেব সিয়েনি হেবা। মাত্তর্ তিন বজরত্ তুমি বীজ্ ফেলেবা আর খেত্-খেত্তি কাবিবা আর আংগুর খেত্ গুরিনে সিয়েনির ফল হেবা।

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিশাইয় 43:2

তুই যেক্কে পানি উগুরেদি যেবে সেক্কে মুই তঅ লগে লগে থেম্। যেক্কে তুই গাঙ উগুরেদি যেবে, সেক্কে সিয়েনিয়ে তরে ন-ডুবেব; তুই যেক্কে আগুনো উগুরেদি যেবে, সেক্কে তুই পুড়ি ন-যেবে, আগুনো জ্বিলান্ তঅ কিয়্যেত্ ন-বাঁজিবো;

যিশাইয় 7:14

সেনত্তে প্রভু নিজে তমা ইদু এক্কান চিহ্নো দেগেব। সিয়েন অলঅ, এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।

যিরমিয় 1:8

তুই তারারে ন-দোরেচ্, কিত্তে মুই লগেপ্রভু তরে রোক্ষ্যে গুরিবাত্তে তঅ লগে লগে আগং।”

গণাণা 16:28

মোশি সেক্কে ইস্রায়েলীয়গুনোরে কলঅ, “ইয়োত্তুনোই তুমি বুঝি পারিবা, মুই যিয়েন্‌ গরঙর্‌ সিয়েন গুরিবাত্তে লগেপ্রভুই মরে পাদেয়্যে; ইয়েন মর্‌ মনে মন্‌গজ্জা কিচ্ছু নয়।

গণাণা 23:21

যাকোবরে তে কনঅ অন্যেয় গত্যে ন-দেগে, ইস্রায়েলর্‌ ভাগ্যত্‌ কনঅ দুখ্‌ ন রাগায়। তারার্‌ গোজেন লগেপ্রভু তারা সমারে আঘে, আর তারার্‌ রাজার্‌ জয়র্ কধানি তারা ভিদিরে আঘে।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

মার্ক 16:20

পরেদি শিচ্চ্যগুনে যেইনে বেক্ জাগাইধু ফগদাং গরা ধুরিলাক্। প্রভু তারার্ মাধ্যমে তারা সমারে কাম্ গরা ধুরিলো আর তারারে আমক্ কাম্ গুরিবার খেমতা দিইনে প্রমান্ গুরিলো যে, তারা যিয়েনি ফগদাং গত্তন্ সিয়েনি সত্য।

প্রেরিত্‌ 11:21

গোজেনর্ খেমতা তারা উগুরে এলঅ বিলি বোউত্ মানুচ্ প্রভু উগুরে বিশ্বেজ্ গুরিনে তা ইধু ফিরিলাক্।

প্রেরিত্‌ 7:7

গোজেনে আরঅ কলঅ, যে জাদ্‌তো তারারে চাগর্ বানেব সেই জাদ্‌তোরে মুই সাজা দিম্। যেরেদি তারা সেই দেজত্তুন্ নিগিলি এইনে এ জাগানত্ মর্ উবোসনা গুরিবাক্।

রোমীয় 8:31

সালে এ বেপারানি আমি কি কবং? গোজেনে যেক্কে আমা পক্ষে আঘে সেক্কে আমারে ক্ষতি গুরিবার কন্না আঘে?

দ্বি’লম্বর বিররণ 31:23

নূনোর পূঅ যিহোশূয়রে লগেপ্রভু এ উগুমান দিলো, “তুই বোলী অ আর মনত্‌ বুক্‌ বান্‌। যে দেজ্‌ছান দিবার এগেম মুই শমক্‌ গুরিনে ইস্রায়েলীয়গুনো ইদু গোজ্যং সিয়েনত্ তুমি তারারে নেযেবা। মুই নিজে তঅ সমারে থেম্‌।”

ইব্রীয় 13:5

টেঙা-পৌইজ্যের্ লুভোত্তুন্ নিজোরে দূরোত্ রাগঅ। তমার্ যিয়েনি আঘে সিয়েনিলোই হুজি থাগঅ। গোজেনে কোইয়্যেদে, “মুই কনদিন্অ তরে ফেলেই ন-যেম্ বা কনদিন্অ তরে বাদ্ ন-দিম্।”

যিহোশূয় 1:5

তুই যেদকদিন বাঁজি থেবে কনঅ জনে তর্‌ বিরুদ্ধে থিয়্যেই ন-পারিবাক্‌। মুই যেধোক্ক্যেন গুরি মোশি লগে এলুং সেধোক্ক্যেন তঅ লগেয়ো থেম্‌; মুই কনঅ‌ দিনঅ‌ তরে ছাড়ি ন যেম্‌ বা ফেলেই ন-যেম্‌।

বিচের গুরিয়্যেগুন 6:12

সেই অক্তত্‌ লগেপ্রভুর দুত্‌তো গিদিয়োনরে দেগা দিইনে কলঅ্‌, “ও বোলী যুদ্ধো গুরিয়্যে, লগেপ্রভু তঅ লগে আঘে।”

বিচের গুরিয়্যেগুন 6:16

জোবত্‌ লগেপ্রভু কলঅ, “মুই তঅ লগে থেম্‌, আহ্‌ সেক্কে তুই বেক্‌ মিদিয়নীয়গুনোরে এক্কো মান্‌জ্য ধোক্ক্যেন্ গুরিনে ওদেই দিবে।”

বিচের গুরিয়্যেগুন 6:17

গিদিয়োনে কলঅ, “যুনি মুই তর্‌ দোয়্যে পেই থাং, সালে মুই যেনে বুঝি পারং, হামাক্কাই তুই মঅ লগে কধা কোইয়োচ্‌ সিয়েনর্‌ এক্কান চিহ্নো তুই মরে দেগা।

বিচের গুরিয়্যেগুন 6:21

সেক্কে লগেপ্রভুর দূত্তো আঢত্‌ যে লুদিক্কো এলঅ সিবেলোই তে সেই য়েরাগান আর সদানেইয়্যে পিদেগানিত্‌ মিজেই দিলো। সেক্কে পাত্তর্‌বোত্তুন্‌ আগুন উদিনে সেই য়েরাগান আর পিদেগানি পুড়ি দিলো, আহ্‌ সেক্কে লগেপ্রভুর দূত্তো অদেগা ওই গেলঅ।

বিচের গুরিয়্যেগুন 7:11

আর শুনি থেচ্‌ তারা কি কন্‌। সেক্কে তুই তাম্বুলান আক্রমণ গুরিবাত্তে বল্‌ পেবে।” সেনত্তেই গিদিয়োনে তা চাগর্‌ ফুরারে সমারে নেযেইনে তাম্বুলোর দুযিত্‌ সৈন্যগুনোর কায়কুরে লামিলাক্‌।

১ শমূয়েল 14:10

মাত্তর্‌ তারা যুনি কন্‌, ‘আমা ইদু উদি এজঅ,’ সালে আমি উদিবোং। লগেপ্রভু যে আমা আঢত্‌ তারারে তুলি দিয়্যে সিয়েনই অবঅ আমা ইদু তার চিহ্নো।”