যাত্রা 3:10 - Chakma Bible

¹⁰ সেনত্যে তুই ইক্কিনে যাহ্। মুই তরে ফরৌণ ইধু পাদাঙর্‌। তুই যেইনে মঅ মানুচ্চুনোরে, অত্তাৎ ইস্রায়েলীয়গুনোরে মিসর্‌ দেজত্তুন্‌ নিগিলেই আনিবে।”

যাত্রা 3:10 Iomraidhean Croise

পত্থম 15:13

সেক্কে লগেপ্রভু তারে কলঅ, তুই এ কধাগান হামাক্কায়্‌ হবর্‌ পাছ্‌, তঅ বংশর্‌ মানুচ্চুনে এন্‌ এক্কান্‌ দেজত্‌ যেই্‌নে বজত্তি গুরিবাক্‌ যিয়েন্‌ তারার্‌ নিজোর্‌ নয়। সিয়েনত্‌ তারা অন্যগুনোর্‌ চাগর্‌ ওইনে চেরশঅ বজর্‌ সং অত্যেচার্‌ ভোগ গুরিবাক্‌।

পত্থম 15:14

মাত্তর্‌ যে জাদ্‌তো তারারে চাগর্‌ বানে রাগেব সে জাদ্‌তোরে মুই সাজা-দিম্‌। পরেদি তারা বোউত্‌ ধন-সোম্বোত্তি নিইনে সে দেজত্তুন্‌ নিগিলি এবাক্‌।

গীতসংহিতা 105:26

তে তার চাগর্ মোশিরে আর তার বেঈ লোইয়্যে হারোণরে পাধেই দিলো;

গীতসংহিতা 77:20

মোশি আর হারোণরে দিইনে ভেড়া পাল ধোক্ক্যেন গুরি তুই তঅ মানুচ্চুনোরে চোড়েয়োচ্।

যাত্রা 12:40

মিসর দেজত্‌ ইস্রায়েলীয়গুনে বেক্কুনে মিলিনে চেরশঅ ত্রিশ বজর্‌ বজত্তি গোজ্যন্‌।

যাত্রা 12:41

চেরশঅ ত্রিশ বজর্‌ শেজ অবার দিন্নোত্‌ লগেপ্রভুর বেক্‌ মানেইয়ুন সৈন্যদল ধোক্ক্যেন গুরি মিসর্‌ দেজ্‌চান ফেলেইনে নিগিলি এচ্ছোন্।

যাত্রা 33:12

পরেদি মোশি লগেপ্রভুরে কলঅ, “তুই মরে এই মানুচ্চুনোরে নেযেবাত্তে কোইয়োচ্‌, মাত্তর্‌ মর্‌ লগে কারে পাধেবে সিয়েন্‌ দঅ ন-কচ্‌। তুই কোয়োচ্চে তুই মরে তর্‌ নিজোর্‌ বিলিনেই জানচ্‌ আর মঅ‌ উগুরে তর্‌ দোয়্যে আঘে।”

যাত্রা 33:13

যুনি মুই তর্‌ দোয়্যে পেই থাং সালে তুই কি আজালোই কি গরচ্‌ সিয়েনি মরে জানেই দিচ্‌ যেনে মুই তরে বুঝি পারং আর তর্‌ দোয়্যেলোই থেই পারং। মনত্‌ রাগেচ্‌, এই জাদ্‌তো তর্‌।

যাত্রা 6:26

এই হারোণ আর মোশিরে লগেপ্রভু কোইয়্যেদে যেনে তারা সৈন্যগুনো ধোক্ক্যেন গুরি ইস্রায়েলীয়গুনোরে মিসর দেজত্তুন্‌ নিগিলেই আনন্‌।

হোশেয় 12:13

মিসরত্তুন্ ইস্রায়েলরে আনিবাত্তে লগেপ্রভু এক্কো ভাববাদীরে বেবহার গোজ্যে; তারে দিইনে তে তার্ দেগাশুনো গোজ্যে।

মীখা 6:4

মুই মিসর দেজত্তুন্ তমারে নিগিলেই আন্যং, চাগর অবস্থাত্তুন্ তমারে উদ্ধোর্ গোজ্যং। তমারে বল্ দিবাত্তে মোশি, হারোণ আর মরিয়মরে পাদেয়োং।

প্রেরিত্‌ 7:34

মিসর দেজত্ মঅ মানুচ্চুনো উগুরে যে অত্যেচার্ অর্ সিয়েন মুই দেক্ক্যং। মুই তারার্ কোজোলি গরানাগানি শুন্ন্যং আর তারারে উদ্ধোর্ গুরিবাত্যে লামি এচ্চ্যং। ইক্কিনে মুই তরে মিসর দেজত্ ফেরৎ পাধেম্।”

প্রেরিত্‌ 7:36

এ মোশিই মিসর দেজত্তুন্ ইস্রায়েলীয়গুনোরে নিগিলেই আন্ন্যে আর মিসর দেজত্, লোহিত সাগরত্ আর চল্লিশ বজর্ সং ধূল্যেচর-চাগালাত্ ভালোক্কানি আমক্ অবার্ কাম্ গোজ্যে।

প্রেরিত্‌ 7:6

গোজেনে তারে কলঅ, তঅ গুট্টিগুনে বিদেজত্ বজত্তি গুরিবাক্। মান্‌জ্যে তারারে চাগর্ বানেবাক্ আর চেরশত্ বজর ধুরিনে তারা উগুরে অত্যেচার্ গুরিবাক্।

প্রেরিত্‌ 7:7

গোজেনে আরঅ কলঅ, যে জাদ্‌তো তারারে চাগর্ বানেব সেই জাদ্‌তোরে মুই সাজা দিম্। যেরেদি তারা সেই দেজত্তুন্ নিগিলি এইনে এ জাগানত্ মর্ উবোসনা গুরিবাক্।

বিচের গুরিয়্যেগুন 6:14

লগেপ্রভু তা ইন্দি ফিরিনেই কলঅ, “তর্‌ এ বলান্দোই তুই যাহ্ আর মিদিয়নীয়গুনোর আঢত্তুন্‌ ইস্রায়েলীয়গুনোরে উদ্ধোর গর্‌, কিত্যে মুয়ই তরে পাদাঙর্‌।”

১ শমূয়েল 12:6

শমূয়েলে মানুচ্চুনোরে আরঅ কলদে, অয়, লগেপ্রভুই সাক্ষী, যিবে মোশি আর হারোণরে নেযেয়্যে আর তমার পুরোণি মানুচ্চুনোরে মিসর দেজত্তুন্‌ নিগিলেই আন্যে।

১ শমূয়েল 12:8

যাকোবে মিসর দেজত্‌ গেলঅ, আর পরেন্দি যেক্কে তমার পুরোণি মানুচ্চুনে লগেপ্রভুর ইদু কানাকুদি গুরিলাক্ সেক্কে লগেপ্রভু মোশি আর হারোণরে পাধেই দিলো। তারা মিসর দেজত্তুন্‌ তমার পুরোণি মানুচ্চুনোরে নিগিলেই আনিলাক্ আর এই দেজত্‌ তারারে বজত্তি গুরিবার বেবস্থা গুরিলো।