যাত্রা 3:1 - Chakma Bible

¹ একদিন্যে মোশি তা শুয়োর্‌বো যিথ্রোর্, অত্তাৎ রূয়েলর ছাগল-ভেড়াছাগল পালুন্‌ চরার্‌। যিথ্রো অলদে মিদিয়নীয়গুনোর্‌ এক্কো ধর্মগুরু। ছাগল-ভেড়াছাগলর্ পালুন্‌ চরাদে চরাদে মোশি ধূল্যেচর-চাগালাত্‌ আরেক্‌ কিত্তেদি গোজেন মুড়ো হোরেব ইধু যেইনে লুমিলোগোই।

যাত্রা 3:1 Iomraidhean Croise

১ রাজাবলী 19:19

পরেন্দি এলিয় সিয়োত্তুন্‌ আঢি যেইনে শাফটর পূঅ ইলীশায়র দেগা পেলঅ। তে বার জড়া বলদ্‌তোই ভূইয়ান্‌ চাজ্‌ গুরিদো আর তে নিজে শেজ্‌ জড়াবোলোই আল্ চুয়োর্‌। এলিয় তাইদু যেইনে নিজোর্‌ কিয়্যের্ কাবড়ান্‌ তা কিয়্যেত্‌ ফেলেই দিলো।

১ রাজাবলী 19:8

সেনত্তে তে উদিনে হেলঅ। সে হানাগান হেই বল্‌ ওইনে তে চোল্লিশ দিন আর চোল্লিশ রেত্‌ আদিনে গোজেন মুড়ো হোরেবত্‌ যেইনে লুমিলো।

গীতসংহিতা 106:19

হোরেব মুড়োবো মুজুঙোত্ তারা এক্কো সনার গোরু বানেলাক্ আর গোলেইনে বানেয়্যে মূত্তিবোরে সালাম গুরিলাক্।

যাত্রা 17:6

সে পরেদি মুই হোরেব মুড়োবোর্‌ ইদু তঅ মুজুঙোত্‌ এক্কো পাত্তর উগুরে যেইনে ঠিয়েম্‌। তুই সেই পাত্তর্‌বোত্‌ আঘাত্‌ গুরিবে আর সেক্কে মানুচ্চুনে হেবাত্তে সিয়োত্তুন্‌ পানি নিগিলি এবঅ‌।” ইস্রায়েলীয় বুড়ো নেতাগুনো মুজুঙোত্‌ মোশি সিয়েনোই গুরিলো।

যাত্রা 18:12

ইয়েনর্ পরেদি যিথ্রো গোজেনর্ নাঙে পুজ্যে-উৎসর্ব আর অন্য উৎসর্বত্তে য়েমান্‌ আনিল। পরেদি হারোণ আর ইস্রায়েলীয়গুনোর্‌ বেক্‌ বুড়ো মাই-মুরুব্বীগুনে গোজেন মুজুঙোত্‌ মোশি শুয়োর্‌বো লগে হেবাত্তে বজিলাক্।

যাত্রা 19:2

তারা রফীদীমান ফেলেই এইনে সিনাই মুড়োবো মুজুঙোত্‌ সিনাই ধূল্যেচর-চাগালাত্ তাম্বুল ঠাঙেলাক্।

যাত্রা 19:3

পরেদি মোশি মুড়ো উগুরে গোজেন ইদু উদিলো। সে অক্তত্‌ লগেপ্রভু মুড়োবো উগুরেত্তুন্‌ তারে ডাগিনে কলঅ, “তুই যাকোবর্‌ বংশধর্‌ ইস্রায়েলীয়গুনোরে কোই দে,

যাত্রা 2:16

সিদুগোর্‌ মিদিয়োনীয় ধর্মগুরুবোর্‌ সাত্তো ঝি এলাক্। সিগুনে তারা বাব্‌‌পোর্ ভেড়াছাগলুনোরে পানি হাবেবাত্তে পানি তুলিনে গাবালা ভুরিবাত্যে সে জাগানত্‌ গেলাক্।

যাত্রা 2:18

সে মিলেগুনে তারা বাপ্পো রূয়েল ইধু ফিরি যানার পরেদি তে পিজের্‌ গুরিলো, “এচ্চ্যে তুমি এদক্‌ যাদিমাদি কেনে ফিরি এলা?”

যাত্রা 2:21

পরেদি মোশি সেই ধর্মগুরুবো সমারে থেবাত্তে রাজী অলঅ আর তে মোশি লগে তার্‌ ঝিবো সিপ্পোরার মেলা গুরি দিলো।

যাত্রা 24:13

এই কধাগান্‌ শুনিনে মোশি তারে এজাল্‌ দিয়্যে যিহোশূয়রে নেযেইনে যাহ্ ধুরিলো। সে পরেদি তে গোজেনর্ মুড়োবোত্‌ যেইনে উদিলো।

যাত্রা 3:12

গোজেনে কলঅ, “মুয়ই তঅ লগে থেইম্‌। তুই মিসর দেজত্তুন্‌ মানুচ্চুনোরে নিগিলেই আনিবে আর তুমি এ মুড়োবোত্‌ মঅ নাঙে উবোসনা গুরিবা। মুয়ই যে তরে পাদেলুং ইয়েনই অবঅ তইধু তার্‌ চিহ্নো।”

যাত্রা 3:5

লগেপ্রভু কলঅ, “আর কায়-কুরে ন-এইচ্‌। তুই পবিত্র জাগানত্ ঠিয়্যেই আগচ্‌। তঅ টেঙর্‌ জদানি খুলি ফেলা।

যাত্রা 33:6

সেনত্তেই ইস্রায়েলীয়গুনে হোরেব মুড়োবোত্‌ তারার্‌ সনা-রূবোনি খুলি ফেলেলাক্; তারা আর কনদিন্অ সিয়েনি ন-পিনোন্‌।

যাত্রা 4:18

ইয়েন পরেদি মোশি তা শুয়োর্‌ যিথ্রো ইধু ফিরি যেইনে তারে কলঅ, “মিসর দেজত্‌ মঅ কুদুম্মোগুনো ইধু মরে ফিরি যেবাত্তে অনুমতি দুয়ো। মুই যেইনে দেগিবাত্তে চাং তারা এজঅ বাঁজি আগন্‌ নাহি।” যিথ্রো মোশিরে কলঅ, “ঠিক্‌ আঘে যঅ, তমার্‌ ভালেদি ওক্।”

যাত্রা 4:27

ইয়েন পরেদি লগেপ্রভু হারোণরে কলঅ, “ধূল্যেচর-চাগালাত্‌‌ যেইনে তুই মোশি লগে দেগা গর্‌।” সেক্কে তে গেলঅ আর গোজেন মুড়োবোত্‌ মোশিরে দেগিনে তারে চুমিলো।

আমোষ 1:1

তকোয়র গরগ্‌‌কুনো ভিদিরে আমোষে অলদে এক্কো। সেক্কে যিহূদার রাজা এলদে উষিয় আর ইস্রায়েলর রাজা এলদে যিহোয়াশর পুয়ো যারবিয়াম। ভূজোলর্ দ্বিবজর্ আগে ইস্রায়েল পৌইদ্যেনে গোজেন আমোষরে যিয়েনি দেগেয়্যে সিয়েনি তে কোইয়্যে।

মালাখি 4:4

তুমি মঅ চাগর্ মোশির রীদি-সুদোমর্ কধা, অত্তাৎ মুই তারে হোরেবত্ বেক ইস্রায়েলত্তে যেদক্কানি সুদোম আর উগুম দুয়োং সিয়েনি ইদোত্ তুলো।

গণাণা 10:29

ইয়েনর পরেদি মোশি তাঁর শুয়োর্‌বো মিদিয়োনীয় রূয়েলর পূঅ হোববকররে কলদে, “লগেপ্রভু যে দেজ্‌চান্‌ আমারে দিবো বিলি শমক্‌ গোজ্যে আমি সেই দেজ্‌চানন্দি যাহ্ ধুরির্। তুমি আমা লগে এজঅ। আমি তমার ভালেদি চেই, কিত্যে লগেপ্রভু ইস্রায়েলীয়গুনোরে বোউত্‌ ভালেদি গুরিবো বিলি শমক্‌ গোজ্যে।” (গর্বা মাদানা)

গণাণা 10:33

ইঙিরিনে ইস্রায়েলীয়গুনে লগেপ্রভুর মুড়োবো ইত্তুন্‌ আদা মারিনে তিন দিনোর পদথ্‌ উজেই গেলাক্। তারা ঝিরেবাত্তে এক্কান্‌ জাগা তোগেইনে নিগিলেবার্‌ আজাই সেই তিন দিন সং লগেপ্রভুর বেবস্থা-সুন্দুক্কো তারার্‌ আগে আগে যাহ্ ধুরিলো।

লূকে লেখ্যে গম্ হবর্ 2:8

বৈৎলেহম ইধু মাদ ভিদিরে রেদোত্ গরগ্‌কুনে তারার্ ভেড়া পালুন্ চুগি দেদন্।

প্রেরিত্‌ 7:30

সে পরেদি চল্লিশ বজর্ বিদি গেলঅ। সিনাই মুড়োবো ইধু যে ধূল্যেচর-চাগালাগান আঘে সিধু এক্কো জ্বোল্‌‌‌‌জোল্যে ঝুবো আগুনো ভিদিরে এক্কো স্বর্গদূত্ মোশিরে দেগা দিলো।

দ্বি’লম্বর বিররণ 1:2

হোরেবত্তুন্‌ সেয়ীর মুড়োবোর পথ্‌তান্‌ ধুরিনে কাদেশ-বর্ণেয় সং যাদে এগার দিন লাগে।

দ্বি’লম্বর বিররণ 1:6

আমা গোজেন লগেপ্রভু হোরেব মুড়োবোত্‌ আমারে কোইয়্যেদে, এই মুড়োবোত্‌ তমার্‌ ভালোক্‌ দিন কাদি যেইয়্যে।

দ্বি’লম্বর বিররণ 4:10

তুমি সে দিনোর্‌ কধা মনত্‌ তুল্য যেদিন্যে তুমি হোরেবত্‌ তমার্‌ গোজেন লগেপ্রভুর মুজুঙোত্‌ আঝিল্ ওইয়ো। সেদিন্যে তে মরে কোইয়্যেদে, মঅ কধানি শুনিবাত্তে তুই মানুচ্চুনোরে মঅ মুজুঙোত্‌ এগত্তর্‌ গর্‌ যেনে তারা এ পিত্‌থিমীত্‌ সারা জিংকানিবর্‌ মরে ভোক্তি গুরি চুলিনে শিগি পারন্‌ আর তারার্‌ ঝি-পূঅগুনোরে মর্‌ উগুমোর্‌ কধাগানি শিক্ষ্যে দি পারন্‌।

বিচের গুরিয়্যেগুন 4:11

ইয়েনর্ আগেন্দি হেবর নাঙে এক্কো কেনীয় অন্য কেনীয়গুনোর, অত্তাৎ মোশির শোর্‌বো হোববর গুট্টিগুনোরে ছাড়িনে কেদশর ইদু সানন্নীমোর এলোন গাজর কায় কুরে তা তাম্বুলান ফেলেয়্যে।

১ শমূয়েল 16:11

সে পরেন্দি তে যিশয়রে পুযোর্ গুরিলো, “ইগুনে বাদে কি তর্‌ আর পূঅ নেই?” যিশয়ে কলঅ, “বেগত্তুন্‌ চিগোন্নো বাগি আঘে; তে ভেড়াছাগল চড়ার্‌।” শমূয়েলে কলঅ, “তারে ডাগিবাত্তে পাদা। তে ইয়েনত্‌ ন-এজানা সং আমি হেবাত্তে ন-ববং।”