যাত্রা 29:7 - Chakma Bible

⁷ ইয়েনর্ পরেদি অভিষেকর্‌ তেলান্ তা মাদাবোত্‌ ঢালি দিইনে তারে অভিষেক্‌ গুরিবে।

যাত্রা 29:7 Iomraidhean Croise

গীতসংহিতা 133:2

সিয়েন যেন মাঢাত্ ঢালি দিয়্যে মংগা তেল্ যিয়েন ঝুরি পুরিনে হারোণর দাড়িনি বেই যেইনে, বেই পোজ্যেগোই তা সিলুম কলার উগুরে।

গীতসংহিতা 89:20

মর্ চাগর দায়ূদোরে মুই তোগেইনে পেয়োং; মর্ সুদ্ধো-সাংগ তেল্‌লোই তারে অভিষেগ্ গোজ্যং।

যাত্রা 28:41

তর্‌ ভেই হারোণ আর তার্‌ পূঅগুনোর্‌ এই বেক্‌ পোজাক্কানি পিনেই দিইনে তুই তারারে তেল্লোই অভিষেক গুরিনে ধর্মগুরু ইজেবে বোজেই দিবে। লগেপ্রভুর্‌ নাঙে তুই তারারে ফারক্‌ গুরি নেযেবে যেনে তারা ধর্মগুরু ওইনে মরে সেবা গুরি পারন।

যাত্রা 40:13

পরেন্দি হারোণরে পবিত্র পোজাক্কানি উরেইনে অভিষেগ গুরি মর্‌ নাঙে যুদো গুরিবে যেনে তে ধর্মগুরু ওইনে মরে সেবা গুরি পারে।

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

লেবীয় 10:7

তমা কিয়্যেত্‌ লগেপ্রভুর্ অভিষেগর্-তেল্‌ দিয়্যে ওইয়্যে, সেনত্তে তুমি মিলন-তাম্বুলোর দোরানর্ বারেন্দি ন-যেবা, গেলে মুরি যেবা। তারা মোশির্‌ কধা মানিলাক্।

লেবীয় 21:10

“দাঙর্‌ ধর্মগুরু, অত্তাৎ ভেইয়ুনো ভিদিরে যিবের্‌ মাদাত্‌ অভিষেগ-তেল ঢালা ওইয়্যে আর আগ ধোক্ক্যেন রাগেবার্‌ অনুষ্ঠানান্দোই যে দাঙর্‌ ধর্মগুরুবোর্‌ পবিত্র পোজাক্‌ উড়িবার্‌ অধিকার্‌ পেইয়্যে, দুঘ্-ফগদাঙ্‌ গুরিবাত্তে তার্‌ চুলোর্‌ বান্যেগান্‌ খুলি দেনা বা তার্‌ কাবড় ফাদি ফেলানা ন-চলিবো।

লেবীয় 7:35

হারোণ আর তার্‌ পূঅগুনোরে যেদিন্যে ধর্মগুরু্‌ ইজেবে লগেপ্রভুর্ সেবা গুরিবাত্তে নেযা ওইয়্যে সেদিন্যে লগেপ্রভুর্ নাঙে আগুন্দোই-গোজ্যে উৎসর্বর য়েমানত্তুন্‌ এ ভাগ্‌কান্‌ তারার্ পাওনা বিলি ঠিগ্ গুরি রাগা ওইয়্যে।

সখরিয় 4:14

সেক্কে তে কলঅ, “সেই দ্বিবে অলঅ সেই দ্বিজন যিগুনে পুরো দুনিয়েগান প্রভুর সেবা গুরিবাত্তে অভিষিক্ত ওইয়োন।” ‌‌

গণাণা 35:25

বিচের-সভার মানুচ্চুনে সেক্কে লুয়োগানর্‌ হেনা যিবের সুজিবার কধা তা আদত্তুন্‌ খুন গোজ্যে মানুচ্চোরে রোক্ষে গুরিনে আরঅ তারে সেই জিরেবার-শঅরানত্‌ পাধেই দিবাক্‌ যিয়েনত্‌ তে ধেই যেইয়্যে। পবিত্র তেল্‌লোই অভিষেগ গোজ্যে দাঙর্‌ ধর্মগুরুবোর্‌ ন-মরানা সং সেই মানুচ্চোত্তুন্‌ সিয়েনত্‌ থাহ্ পুরিবো।

যোহন 3:34

গোজেনে যিবেরে পাধেয়্যে তে গোজেনর্ কধা কয়, কিয়া গোজেনে তারে পবিত্র আত্মা মাবি ন-দে।

১ যোহন 2:27

মাত্তর্ তুমি খ্রীষ্টত্তুন্ অভিষেক্ পেইয়ো, অত্তাৎ পবিত্র আত্মাগানরে পেইয়ো। তে তমা মনভিদিরে থায়। ইয়েনত্যে অন্য কারঅ শিক্ষ্যে তমার দরকার নেই। বেক্কানি পৌইদ্যেনে পবিত্র আত্মাগানে তমারে শিক্ষ্যে দের্। তে সত্য, মিজে নয়। সেনত্যে যেধোক্ক্যেন গুরি তে তমারে খ্রীষ্ট সমারে থেবাত্যে শিক্ষ্যে দে সেধোক্ক্যেন গুরি খ্রীষ্ট সমারে থাগঅ।