যাত্রা 28:41 - Chakma Bible

⁴¹ তর্‌ ভেই হারোণ আর তার্‌ পূঅগুনোর্‌ এই বেক্‌ পোজাক্কানি পিনেই দিইনে তুই তারারে তেল্লোই অভিষেক গুরিনে ধর্মগুরু ইজেবে বোজেই দিবে। লগেপ্রভুর্‌ নাঙে তুই তারারে ফারক্‌ গুরি নেযেবে যেনে তারা ধর্মগুরু ওইনে মরে সেবা গুরি পারন।

যাত্রা 28:41 Iomraidhean Croise

যাত্রা 28:1

তুই ইস্রায়েলীয়গুনো ভিদিরেত্তুন্‌ তর্‌ ভেই হারোণ আর তার্‌ পূঅ নাদব, অবীহূ, ইলীয়াসর আর ঈথামররে তইদু এবাত্যেই হবর্‌ পাদা। তারা ধর্মগুরু ওইনেই মরে সেবা গুরিবাক্।

যাত্রা 28:4

তার্‌ এই পোজাগ ভিদিরে থেবঅ‌ বুক-ঢাগনি, এফোদ, বারেন্দি উরিবার্‌ সিলুম্‌, চেক্‌ কাবড়র্‌ ভিদিরেন্দি সিলুম্‌, খবং আর কমরত্‌-বানোনি। তর্‌ ভেই হারোণ আর তার্‌ পূঅগুনে যেনে ধর্মগুরু ওইনে মরে সেবা গুরি পারন্‌ সেনত্তে তুই তারাত্তেই পবিত্র পোজাক্‌ বানেই নেযেবে।

যাত্রা 29:24

ইয়েনি বেক্কানি হারোণ আর তার্‌ পূঅগুনোর্‌ আদত্‌ দিইনে দোলন-উৎসর্ব ইজেবে লগেপ্রভুর্‌ মুজুঙোত্‌ সিয়েনি দুলেবাক্‌।

যাত্রা 29:35

হারোণ আর তার্‌ পূঅগুনোত্তে মুই যিয়েনি যিয়েনি তরে গুরিবাত্যেই কলুং সিয়েনি বেক্কানি তুই গুরিবে। এই অদেঅদে-অনুষ্ঠানান্‌ তুই সাত্‌ দিন সং গুরিবে।

যাত্রা 29:7

ইয়েনর্ পরেদি অভিষেকর্‌ তেলান্ তা মাদাবোত্‌ ঢালি দিইনে তারে অভিষেক্‌ গুরিবে।

যাত্রা 40:13

পরেন্দি হারোণরে পবিত্র পোজাক্কানি উরেইনে অভিষেগ গুরি মর্‌ নাঙে যুদো গুরিবে যেনে তে ধর্মগুরু ওইনে মরে সেবা গুরি পারে।

যাত্রা 40:15

সে পরেদি তারার বাব্‌‌পো ধোক্ক্যেন গুরি তারারেয়ো অভিষেগ গুরিবে যেনে তারা ধর্মগুরু ওইনে মরে সেবা গুরি পারন। এই অভিষেক্কান্দোই‌ যে ধর্মগুরু-পদর সৃট্টি অবঅ‌ সিয়েন বংশর পর বংশ ধুরিনে থেবঅ।

যিশাইয় 10:27

সেদিন্যে তমা কানাত্তুন্ তারার বুদিগুন্, তমা গত্তনাত্তুন্ তারার্ জুঙোলুন্ তুলি নিয়্যে অবঅ; তুমি পক্তা ওইয়ো বিলি সেই জুঙোলান্ ভাঙি পুরিবো।

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

যিহিষ্কেল 43:26

ধর্মগুরুগুনে সাত দিন সং ডালিপূজোবোর পাপ ঢাগিবার্ অনুষ্ঠান গুরিনে সিবে সিজি গুরিবাক্; এবাবোত্যেগুরি তারা ডালি পূজোবো লগেপ্রভুর নাঙে উৎসর্ব গুরিবাক্।

লেবীয় 10:7

তমা কিয়্যেত্‌ লগেপ্রভুর্ অভিষেগর্-তেল্‌ দিয়্যে ওইয়্যে, সেনত্তে তুমি মিলন-তাম্বুলোর দোরানর্ বারেন্দি ন-যেবা, গেলে মুরি যেবা। তারা মোশির্‌ কধা মানিলাক্।

লেবীয় 16:24

সে পরেদি তে পবিত্র তাম্বুল-ঘরর্‌ চাগালাত্‌ যেইনে পানিলোই গাদিনে ধর্মগুরুর অক্তমজিম কাবড়-চুগোর্‌ উরিবো। ইয়েনর পরেদি তে নিগিলি এইনে তার্‌ নিজোর্‌ আর মানুচ্চুনোত্তে এক্কো গুরি পুজ্যে-উৎসর্বর্‌ অনুষ্ঠান গুরি তার্‌ নিজোর্‌ আর মানুচ্চুনোর্‌ পাপ ঢাগি দিবার্‌ বেবস্থা গুরিবো।

গণাণা 16:5

তে কোরহ আর তার দলর মানুচ্চুনোরে কলঅ, “এযেত্যেকেল্যে বেন্যেমাদান্ লগেপ্রভু দেগেই দিবো কন্না তার মানুচ্‌ আর কন্না তার নাঙে যুদো গোজ্যে। তেয়ই সেই মানুচ্চোরে তা মুজুঙোত্‌ যেবাত্তে দিবো। যিবেরে তে বেঈ লবঅ তারে তে তা মুজুঙোত্‌ যেবাত্তে দিবো।

যোহন 3:34

গোজেনে যিবেরে পাধেয়্যে তে গোজেনর্ কধা কয়, কিয়া গোজেনে তারে পবিত্র আত্মা মাবি ন-দে।

ইব্রীয় 5:4

দাঙর্ ধর্মগুরু অবার্ সর্মানান কেঅ নিজে লোই ন-পারে, মাত্তর্ গোজেনে যিবেরে ডাগে তেয়ই সেই সর্মানান পায়, যেধোক্ক্যেন দাঙর্ ধর্মগুরু অবাত্যে গোজেনে হারোণরে ডাক্ক্যে।

ইব্রীয় 7:28

রীদি-সুদোমে মন্-মরা মানুচ্চুনোরে দাঙর্ ধর্মগুরু পদত্ নেযায়; মাত্তর্ রীদি-সুদোমর্ পরেদি যে শমক্ গরা ওইয়্যে সেই শমক্‌কান্ উমরত্যে পূরোণ ওইয়্যে গোজেনর্ পুয়োবোরে দাঙর্ ধর্মগুরু পদ্‌তানত্ নেযা ওইয়্যে।

১ যোহন 2:20

মাত্তর্ তুমি সেই পবিত্র মানুচ্চোত্তুন্ অভিষেক্ পেইয়ো, অত্তাৎ পবিত্র আত্মাগানরে পেইয়ো আর তুমি বেক্কুনে সত্যগান হবর্ পেইয়ো।

১ যোহন 2:27

মাত্তর্ তুমি খ্রীষ্টত্তুন্ অভিষেক্ পেইয়ো, অত্তাৎ পবিত্র আত্মাগানরে পেইয়ো। তে তমা মনভিদিরে থায়। ইয়েনত্যে অন্য কারঅ শিক্ষ্যে তমার দরকার নেই। বেক্কানি পৌইদ্যেনে পবিত্র আত্মাগানে তমারে শিক্ষ্যে দের্। তে সত্য, মিজে নয়। সেনত্যে যেধোক্ক্যেন গুরি তে তমারে খ্রীষ্ট সমারে থেবাত্যে শিক্ষ্যে দে সেধোক্ক্যেন গুরি খ্রীষ্ট সমারে থাগঅ।